សូមស្វាគមន៍មកកាន់ច្បាប់នេះ
យើងអាចយល់ចិត្តរបស់ពួកបរិសុទ្ធថ្ងៃចុងក្រោយនៅសម័យមុនបាន
Joseph and Emma with Baby Alvin, by Liz Lemon Swindle, may not be copied
ក្នុងនាមជាប្រវត្តិវិទូម្នាក់ដែលធ្វើការក្នុងគម្រោងឯកសារយ៉ូសែប ស្ម៊ីធ ខ្ញុំចូលចិត្តថ្លែងសុន្ទរកថាក្នុងការប្រជុំធម្មនិដ្ឋាន និងធ្វើការប្រាស្រ័យទាក់ទងជាមួយនឹងសមាជិកសាសនាចក្រអំពីប្រវត្តិសាសនាចក្រ ។ កាលខ្ញុំធ្វើដូច្នេះ ខ្ញុំកត់សម្គាល់ឃើញថា មនុស្សមួយចំនួនពិបាកនឹងយល់ពីចិត្តរបស់ពួកបរិសុទ្ធនៅសម័យមុនណាស់ ។ ជារឿយៗ ការពិពណ៌នាអំពីបុគ្គលទាំងនេះផ្ដោតទៅលើចរិតវីរបុរសរបស់ពួកគេ ដែលធ្វើឲ្យវាមើលទៅហាក់ដូចជាពួកគេមិនដែលពុះពារនឹងការសង្ស័យ ជំងឺ ឬការអស់សង្ឃឹមឡើយ ។
ប៉ុន្ដែសមាជិកសាសនាចក្រដែលរស់នៅក្នុងទសវត្សរ៍ឆ្នាំ ១៨០០ គឺមិនល្អឥតខ្ចោះដូចជារូបអ្នក និងខ្ញុំនៅសព្វថ្ងៃនេះដែរ ។ ពួកគេបានមានអំណរ និងសុភមង្គល ការឈឺចាប់ និងការរងទុក្ខ—ហើយជាញឹកញាប់ ពួកគេរស់នៅជីវិតធម្មតា មិនសូវមានព្រឹត្តិការណ៍សំខាន់ៗដូចជាយើងដែរ ។ ខ្ញុំបានរៀនច្រើនមកពីបទពិសោធន៍របស់ពួកគេ អំពីរបៀបដើម្បីឆ្លងកាត់ឧបសគ្គជីវិតដោយជោគជ័យ ។
ខ្ញុំសង្ឃឹមថា ការសិក្សារបស់អ្នកនៅក្នុងព្រះគម្ពីរគោលលទ្ធិ និងសេចក្តីសញ្ញានៅឆ្នាំនេះ នឹងជួយអ្នកឲ្យរៀនពីរបៀបដែលពួកបរិសុទ្ធនៅសម័យមុនបានដោះស្រាយឧបសគ្គទាំងឡាយក្នុងជីវិតនេះ ។ ខ្ញុំក៏សង្ឃឹមផងដែរថា អត្ថបទស្ដីពីរបៀបដែល ម៉ារី អាន យ៉ង់ ជាភរិយារបស់ ព្រិកហាំ យ៉ង់ បានដោះស្រាយការលំបាកទាំងឡាយ នឹងជួយស្ថាបនាសេចក្ដីជំនឿរបស់អ្នក ហើយជួយអ្នកឲ្យឃើញថា យើងអាចយល់បានពីឧបសគ្គដែលគាត់ និងមនុស្សដទៃទៀតបានឆ្លងកាត់ ( សូមមើលទំព័រ ៣២ ) ។ សូម្បីតែនៅក្នុងពេលកំពុងពិបាក និងមានទុក្ខសោក ក៏សេចក្ដីជំនឿរបស់ម៉ារី អាន បានអនុញ្ញាតឲ្យគាត់បន្ដនៅរឹងមាំ ដូចដែលគាត់បានសរសេរទៅកាន់ស្វាមីរបស់គាត់ថា « ហាក់ស្ងប់ស្ងៀម ពេលឆ្លងកាត់ព្យុះភ្លៀងទាំងអស់ » ។
មានអ្វីជាច្រើនដែលយើងអាចរៀនមកពីអស់អ្នកដែលបានលាចាកលោកទៅមុនយើង—មិនមែនគ្រាន់តែមកពីបទពិសោធន៍ដ៏មានអព្ភូតហេតុនោះទេ ប៉ុន្ដែថែមទាំងមកពីភក្ដីភាពដ៏ស្ងប់ស្ងៀមរបស់ពួកគេផងដែរ ។
ម៉ាធ្យូ ស៊ី ហ្គតហ្វ្រេយ
នាយកដ្ឋានប្រវត្តិសាស្ត្រសាសនាចក្រ