Sau, Mulimuli Mai ia te A’u

E faapefea ona tatou utuvai i mana o le lagi?

Mataupu Faavae ma Feagaiga 121

I le Mataupu Faavae ma Feagaiga 121:36 tatou te aoao ai e faapea “o mana o le lagi e le mafai ona pulea pe faaaogaina tau lava i mataupu autu o le amiotonu.” O fuaiupu 40 ma le 41 o loo aumaia ai ni nai faataitaiga o mataupu faavae amiotonu. O le aoao e ola i nei mataupu faavae o le a fesoasoani ia i tatou e utuvai ai mai mana o le lagi i vaega uma o o tatou olaga.

O le a le uiga o le tali-tiga?

O se tasi o faauigaga o le tali-tiga o le i ai lea o le gafatia e onosa’ia ai le tuuina atu o le alofa, e tusa lava pe atonu tatou te lagonaina le tuuatoatasi, tiga, po o le le fiafia. Pe e te iloaina isi o e o ni faataitaiga o le tali-tiga? E mafai faapefea ona e mulimuli i a latou faataitaiga?

E mafai faapefea ona ou faaali atu le agamalu?

O se vaega o le agamalu o le faailoaina lea o manuia o isi.¹ Pe o i ai se tasi i lou olaga e mafai ona e faamalo atu i ai ma le loto faamaoni pe faaneeneeina?

Pe o ou faaalia ma le faamaoni le alofa?

O le alofa paia e moni lava. E mafai faapefea ona e atiina ae le alofa faamaoni sili atu mo tagata o loo siomia oe? O le mataupu e 6 o le Talai La’u Talalelei o loo aoao mai ai le auala e atiina ae ai uiga auaumama faaKeriso ma lisi mai ai nisi o mau e mafai ona e suesue ai e uiga i le alofa.²

Utuvai Mai o le Mana o le Faaola i o Tatou Olaga

“A silafia e le Faaola o loo e manao moni lava e aapa atu ia te Ia—pe a Ia lagonaina o le manao silisili o lou loto o le fia mauaina o Lona mana i lou olaga—o le a taitaia oe e le Agaga Paia ia iloa tonu le mea e tatau ona e faia.”

Peresitene Russell M. Nelson, Peresitene O Le Ekalesia a Iesu Keriso o le Au Paia o Aso e Gata Ai, “Faaaliga mo le Ekalesia, Faaaliga mo o Tatou Olaga,” Liahona, Me 2018, 42.

Faamatalaga

1. Tagai David A. Bednar, “Agamalu ma Maualalo o le loto,” Liahona, Me 2018, 32.

2. Tagai Tala’i La’u Talalelei: O Se Taiala mo le Galuega Faafaifeautalai (2018), 124, 132.