Aoaoga Autu o le Talalelei
Galuega o le Malumalu
O malumalu o le maota o le Alii. E mafai ona tatou maua sauniga ma osia feagaiga ma Ia i totonu o malumalu. E mafai foi ona tatou faatinoina sauniga i totonu o le malumalu mo o tatou tuaa.
Ata pue o le malumalu o Barranquilla Kolomupia na pueina e Bruno Lima; ata pue o se tamaitai i luma o le malumalu o Oquirrh Mountain Iuta na pueina e Nexeo ma Matthew Reier; ata o se ulugalii o loo savavali i autafa o le malumalu o Manila Filipaina na pueina e Cristina Smith; ata pue o le vai papatisoga o le Malumalu o Lisbon Potukale na pueina e Leslie Nilsson; ata o le aiga i luma o le Malumalu o Philadelphia Penisilevania na pueina e Cody Bell
I le talafaasolopito atoa lava, na poloaiina ai e le Alii Ona tagata ia fausia ni malumalu. O malumalu o nofoaga paia ia e mafai ona tatou lagonaina ai le alofa o le Atua, maua sauniga, ma faia ni folafolaga ia te ia. O loo fausia e le Ekalesia ia malumalu i le salafa o le lalolagi ina ia mafai ai e tagata ona maua nei faamanuiaga.
O Le Faaeega Paia
O tagata o le Ekalesia o e ola amiotonu e o i le malumalu e maua sauniga ma osia feagaiga, po o folafolaga, ma le Atua. O se tasi sauniga e maua i totonu o le malumalu e ta’ua o le faaeega paia. O le upu faaeega paia o lona uiga o “se meaalofa.” O le faaeega paia i le malumalu o se meaalofa mai le Atua. I lenei sauniga tatou te aoao ai e uiga i le fuafuaga a le Tama Faalelagi mo lo tatou faaolataga, ma tatou te osia feagaiga e tausia poloaiga a le Atua. Afai tatou te faamaoni i feagaiga tatou te osia, o le a faamanuiaina i tatou e le Atua.
Faamauina Faatasi o Aiga
Ata pue o le malumalu o Barranquilla Kolomupia na pueina e Bruno Lima; ata pue o se tamaitai i luma o le malumalu o Oquirrh Mountain Iuta na pueina e Nexeo ma Matthew Reier; ata o se ulugalii o loo savavali i autafa o le malumalu o Manila Filipaina na pueina e Cristina Smith; ata pue o le vai papatisoga o le Malumalu o Lisbon Potukale na pueina e Leslie Nilsson; ata o le aiga i luma o le Malumalu o Philadelphia Penisilevania na pueina e Cody Bell
O se faaipoipoga i totonu o le malumalu e taua foi o se faamauga. A faamauina se ulugalii i le malumalu ma la tausia a la Feagaiga, o le a la faaipoipo e faavavau. Afai e i ai ni a latou fanau, o le a faamauina foi na tamaiti ia i latou. O matua e faamauina pe a uma ona i ai a latou fanau e mafai ona faamauina a latou fanau ia i latou. Afai latou te ola amiotonu, o le a avea i latou ma se aiga i le faavavau atoa.
Galuega Faalemalumalu mo Fanau Uma a le Atua
Ata pue o le malumalu o Barranquilla Kolomupia na pueina e Bruno Lima; ata pue o se tamaitai i luma o le malumalu o Oquirrh Mountain Iuta na pueina e Nexeo ma Matthew Reier; ata o se ulugalii o loo savavali i autafa o le malumalu o Manila Filipaina na pueina e Cristina Smith; ata pue o le vai papatisoga o le Malumalu o Lisbon Potukale na pueina e Leslie Nilsson; ata o le aiga i luma o le Malumalu o Philadelphia Penisilevania na pueina e Cody Bell
Tatou te faia galuega o talafaasolopito o aiga ina ia iloa ai e uiga i o tatou tuaa. Ona tatou faia lea o galuega o le malumalu mo i latou. Tatou te faia mo i latou sauniga uma e manaomia e e o soifua: papatisoga, faamauga, mauaina o le perisitua (mo alii), faaeega paia, ma faamauga. Ona mafai ai lea ona latou filifili pe latou te mananao e talia nei sauniga. O le auala lenei, e mafai ai e fanau uma a le Atua ona olioli i faamanuiaga o le talalelei.
Faamanuiaga o Galuega o le Malumalu
Afai tatou te tausia feagaiga tatou te osia i le malumalu, o le a faamanuiaina i tatou, puipuia, ma faamalolosia. O le a i ai ia i tatou le mana o le perisitua. O le a faatasi e faavavau o tatou aiga.
O le malumalu foi o se nofoaga o le filemu ma faaaliga. A o tatou faia galuega o le malumalu, e mafai ona tatou maua le taitaiga faaleagaga ma lagonaina le alofa o le Atua.