« ការបម្រើនៅក្នុងការហៅរបស់សាសនាចក្រ » លីអាហូណា ខែ មីនា/ខែ មេសា ឆ្នាំ ២០២២ ។
មូលដ្ឋានគ្រឹះនៃដំណឹងល្អ
ការបម្រើនៅក្នុងការហៅរបស់សាសនាចក្រ
ថ្នាក់ដឹកនាំសាសនាចក្រសូមឲ្យសមាជិកបម្រើនៅក្នុងការចាត់តាំងជាក់លាក់ ដែលត្រូវបានហៅថា « ការហៅបម្រើ » ។ ការហៅបម្រើផ្ដល់ឱកាសឲ្យសមាជិកបម្រើដល់មនុស្សដទៃទៀត ហើយខិតកាន់តែទៅជិតព្រះ ។
រូបថតដោយ ដេវីឌ បូវីន ញូវថុន
នៅពេលយើងបម្រើក្នុងការហៅរបស់យើង នោះយើងជួយសម្រេចកិច្ចការរបស់ព្រះ ។ យើងបង្រៀនមនុស្សដទៃទៀតអំពីព្រះវរបិតាសួគ៌ និងព្រះយេស៊ូវគ្រីស្ទ ហើយជួយពួកគេឲ្យខិតទៅកាន់តែជិតទ្រង់ទាំងទ្វេ ។ យើងក៏ទទួលបានពរជ័យផងដែរ នៅពេលយើងបម្រើដោយស្មោះត្រង់នោះ ។
ការទទួលការហៅបម្រើ
អស់អ្នកដែលបម្រើនៅក្នុងសាសនាចក្រគឺ ត្រូវបានហៅដោយព្រះ ។ ថ្នាក់ដឹកនាំសាសនាចក្រអធិស្ឋានសូមការបំផុសគំនិត ដើម្បីដឹងថាត្រូវសុំនរណាឲ្យបម្រើនៅក្នុងការហៅនីមួយៗ ។ បន្ទាប់មក ថ្នាក់ដឹកនាំសូមសមាជិកម្នាក់ឲ្យបម្រើ និងពន្យល់ពីកាតព្វកិច្ចនៃការហៅនោះ ។ សម្រាប់ការហៅភាគច្រើន សមាជិកត្រូវបានគាំទ្រនៅក្នុងការប្រជុំសាសនាចក្រ ។ សមាជិកវួដ ឬសាខាផ្ដល់ការលើកដៃគាំទ្រ ។ ការណ៍នេះមានន័យថា ពួកគេមានឆន្ទៈគាំទ្រដល់បុគ្គល ដែលត្រូវបានហៅនេះ ។ បន្ទាប់មក សមាជិកនឹងត្រូវបានប្រទានពរដោយអ្នកដឹកនាំបព្វជិតភាពម្នាក់ ។ ការណ៍នេះត្រូវបានហៅថា ពិធីញែកចេញ ។ សមាជិកនឹងទទួលបានសិទ្ធិអំណាច ដើម្បីធ្វើសកម្មភាពនៅក្នុងការហៅនោះ និងទទួលបានពរជ័យផ្សេងទៀតដើម្បីជួយគាត់ ឬនាងឲ្យបម្រើ ។
ប៊ីស្សព
ប៊ីស្សពគឺជាអ្នកដឹកនាំវួដ ។ ( ្រដៀងនឹងប៊ីស្សពដែរ ) ។ ប្រធានស្តេកផ្តល់អនុសាសន៍ក្នុងការហៅអ្នកកាន់បព្វជិតភាពដែលមានភាពស័ក្ដិសមម្នាក់ ឲ្យធ្វើជាប៊ីស្សព ។ គណៈប្រធានទីមួយអនុម័តលើការហៅនោះ ។ បន្ទាប់មក ប៊ីស្សពត្រូវបានលើកដៃគាំទ្រ និងញែកចេញដើម្បីបម្រើ ។ លោកក៏ទទួលបានកូនសោបព្វជិតភាព ដែលមានន័យថា លោកមានសិទ្ធិអំណាចដើម្បីដឹកនាំវួដលោក ។ ក្នុងនាមជាប៊ីស្សព លោកបម្រើ និងដឹកនាំសមាជិកទាំងអស់ក្នុងវួដនោះ ។
គណៈប្រធាន
កូរ៉ុមបព្វជិតភាព និងសមាគមសង្គ្រោះ ក្រុមយុវនារី អង្គការបឋមសិក្សា និងអង្គការសាលាថ្ងៃអាទិត្យ ត្រូវបានដឹកនាំដោយគណៈប្រធាន ដែលជាធម្មតាមានប្រធានមួយរូប និងទីប្រឹក្សាពីររូប ។ គណៈប្រធានកូរ៉ុមអែលឌើរត្រូវបានហៅ និងញែកចេញដោយគណៈប្រធានស្តេក ។ គណៈប៊ីស្សពសូមសមាជិកឲ្យបម្រើនៅក្នុងគណៈប្រធានផ្សេងទៀតនៅក្នុងវួដ ហើយធ្វើពិធីញែកចេញឲ្យពួកគេ ។ ថ្នាក់ដឹកនាំទាំងអស់បម្រើដល់សមាជិកនៅក្នុងកូរ៉ុម ឬអង្គការរបស់ពួកគេ ។ ពួកគេផ្ដល់ការងារបម្រើតាមតម្រូវការរបស់សមាជិក និងជួយពួកគេឲ្យទទួលអារម្មណ៍ពីសេចក្ដីស្រឡាញ់របស់ព្រះ ។
ការហៅបម្រើដទៃទៀត
ការហៅបម្រើក្នុងសាសនាចក្រដទៃទៀត រួមមានការបង្រៀន ការជួយជាមួយនឹងតន្ត្រី ការរក្សាទុកកំណត់ត្រា ការរៀបចំផែនការសកម្មភាពសម្រាប់យុវវ័យ ឬកុមារ និងការបម្រើតាមរបៀបផ្សេងៗទៀត ្នុងសាសនាចក្រមានសារៈសំខាន់ ហើយផ្ដល់ឱកាសឲ្យសមាជិកបម្រើដល់មនុស្សដទៃទៀត និងបម្រើដល់ព្រះ ។ នៅពេលយើងទាំងអស់គ្នាធ្វើការជាមួយគ្នា ដើម្បីបំពេញការហៅបម្រើរបស់យើង នោះយើងពង្រឹងមនុស្សដទៃទៀត និងជួយសាសនាចក្រឲ្យរីកចម្រើន ។