« ភាពស្រដៀងគ្នារវាងយ៉ូសែបនៃស្រុកអេស៊ីព្ទ និងព្រះយេស៊ូវគ្រីស្ទ » លីអាហូណា ខែ មីនា/ខែ មេសា ឆ្នាំ ២០២២ ។

ចូរមកតាមខ្ញុំ

ភាពស្រដៀងគ្នារវាងយ៉ូសែបនៃស្រុកអេស៊ីព្ទ និងព្រះយេស៊ូវគ្រីស្ទ

ព្រះគម្ពីរសញ្ញាចាស់មាននូវការព្យាករ ដំណើររឿង និងនិមិត្តសញ្ញាជាច្រើន ដែលឆ្លុះបញ្ចាំងពីព្រះជន្ម និងបេសកកម្មរបស់ព្រះអង្គសង្គ្រោះ ព្រះយេស៊ូវគ្រីស្ទ ។ ដំណើររឿងទាំងនេះមួយគឺអំពីយ៉ូសែបនៃស្រុកអេស៊ីព្ទ ។

យ៉ូសែបនៃស្រុកអេស៊ីព្ទ	ព្រះយេស៊ូវគ្រីស្ទ
យ៉ូសែបគឺជា អ្នកគង្វាល ម្នាក់ ( សូមមើល លោកុប្បត្ដិ ៣៧:២ ) ។	ព្រះនាមមួយរបស់ព្រះគ្រីស្ទគឺ « អ្នកគង្វាលល្អ » ( យ៉ូហាន ១០:១១ ) ។
យ៉ូសែបត្រូវបានលក់ជា ទាសករ ទៅស្រុកអេស៊ីព្ទ ( សូមមើល លោកុប្បត្តិ ៣៧:២៦–២៨ ) ។	ព្រះយេស៊ូវត្រូវបានគេក្បត់ដោយសារប្រាក់ ៣០ រៀល—ជា តម្លៃរបស់ទាសករ ( សូមមើល និក្ខមនំ ២១:៣២; ម៉ាថាយ ២៦:១៥ ) ។
ពួកបងប្រុសរបស់យ៉ូសែប មិនបានស្គាល់លោកទេ នៅពេលដែលពួកគេបានមកស្រុកអេស៊ីព្ទ ដើម្បីទិញអាហារនោះ ( សូមមើល លោកុប្បត្តិ ៤២:៧–៨ ) ។	រាស្ដ្ររបស់ព្រះគ្រីស្ទ មិនបានស្គាល់ទ្រង់ ថាជាព្រះអង្គសង្រ្គោះនោះទេ ( សូមមើល លូកា ៤:២២, ២៨–២៩; យ៉ូហាន ១:១០ ) ។
យ៉ូសែប បានបង្ហាញ ខ្លួនដល់ពួកបងប្រុសរបស់លោក នៅពេលពួកគេបានមកនិយាយនឹងលោកជាលើកទីពីរ ( សូមមើល លោកុប្បត្តិ ៤៥:១–៥ ) ។	ព្រះគ្រីស្ទ នឹងបង្ហាញព្រះកាយ ដល់អ៊ីស្រាអែលនៅឯការយាងមកជាលើកទីពីររបស់ទ្រង់ ( សូមមើល ម៉ាថាយ ២៤:៣០–៣១; គោលលទ្ធិ និង សេចក្តីសញ្ញា ៨៨:១០៤ ) ។
ដោយធ្វើតាមការណែនាំរបស់ព្រះ នោះយ៉ូសែបបានមាន នំប៉័ង គ្រប់គ្រាន់ដើម្បីសង្គ្រោះស្រុកអេស៊ីព្ទពីអំណត់អត់ ( សូមមើល លោកុប្បត្តិ ៤៧:១៣–១៩ ) ។	ព្រះយេស៊ូវគ្រីស្ទគឺជា « នំប៉័ងជីវិត » ( យ៉ូហាន ៦:៣៥; សូមមើលផងដែរ ខទី ៥១ ) ។

ការពិភាក្សា

តើបងប្អូនសម្គាល់ឃើញភាពស្រដៀងគ្នាផ្សេងទៀតណាខ្លះ រវាងយ៉ូសែបនៃស្រុកអេស៊ីព្ទ និងព្រះអង្គសង្គ្រោះ ? តើបងប្អូនរៀនបានអ្វីខ្លះ ចេញមកពីការប្រៀបធៀបនេះ ដែលជួយបងប្អូនឲ្យយល់បានកាន់តែច្បាស់ ឬមានអំណរគុណចំពោះព្រះអង្គសង្គ្រោះនោះ ? តើមានដំណើររឿងណាផ្សេងទៀតនៅក្នុងព្រះគម្ពីរសញ្ញាចាស់ ដែលរំឭកបងប្អូនពីព្រះជន្ម និងបេសកកម្មរបស់ព្រះគ្រីស្ទដែរឬទេ ?