Eja, Më Ndiq

2 Mbretërve 21–23

Shkrimet e Shenjta i Kthejnë Zemrat Tona te Perëndia

Presidenti Spenser W. Kimball tha se rrëfimi për Mbretin Josia që gjendet te 2 Mbretërve 21–23, “është një nga historitë më të bukura në të gjitha shkrimet e shenjta” (në Eja, Më Ndiq – Për Individët dhe Familjet: Dhiata e Vjetër 2022, f. 129).

Si i Gjeti Mbreti Josia Shkrimet e Shenjta

Mbreti Josia e udhëzoi popullin që të prishte idhujt

King Josiah Cleansing the Land of Idols [Mbreti Josia Pastron Tokën nga Idhujt], © Look and Learn / Bridgeman Images

Josia u bë mbret i Judës kur ishte vetëm tetë vjeç. Ai kishte trashëguar një mbretëri me njerëz që besonin në perëndi të rreme, por ai dëshironte të ndiqte Zotin. Në vitin e tetë të mbretërimit të tij, ai urdhëroi që altarët dhe idhujt e perëndive të rreme të shkatërroheshin anembanë Judesë.

njerëz duke lexuar shkrimet e shenjta

Josiah, King of Judah, Restores the Worship of God in His Kingdom [Josia, Mbreti i Judës, Rivendos Adhurimin e Perëndisë në Mbretërinë e Tij], nga një artist i panjohur, fotografia nga Stefano Bianchetti / Bridgeman Images

Dhjetë vjet më vonë, ai i kërkoi popullit të vet që të riparonte tempullin në Jerusalem, ku kryeprifti Hilkiah gjeti shkrimet e shenjta. Kur mbreti Josia e lexoi librin, ai u frymëzua për t’i ndjekur mësimet e tij. Atëherë ai i mblodhi njerëzit e vet dhe ua lexoi librin.

Për shumë kohë, njerëzit i kishin ngurtësuar zemrat e tyre kundër Perëndisë. Por shkrimet e shenjta ndihmuan për t’i kthyer zemrat e njerëzve përsëri te Perëndia. Mbreti Josia u premtoi njerëzve se ai do të ecte në udhët e Zotit dhe do t’u bindej urdhërimeve.

Diskutim

Cilat shkrime të shenjta kanë ndikuar në jetën tuaj? Cilat vargje mund të lexoni sot për t’ju frymëzuar?

Shkrime të Shenjta nga Dhiata e Vjetër për Raste të Veçanta

Kur:

• Ndiheni vetëm:

  2 Mbretërve 6:16

• Keni nevojë për forcë:

  Isaia 40:31

• Ndieni se nuk ju duan:

  Psalmeve 130; Isaia 54:10

• Ndiheni të frikësuar:

  Psalmeve 27:1; Isaia 41:10

• Harroni se kush jeni:

  Zanafilla 1:26–27

• Dëshironi të ndiheni më afër Shpëtimtarit:

  Isaia 53:3–5

Këshilla për Studimin e Shkrimeve të Shenjta

• Përfshijeni lutjen si pjesë të leximit tuaj të shkrimeve të shenjta. Kërkojini Atit Qiellor t’ju bekojë me Frymën e Shenjtë që të ndieni paqe dhe frymëzim.

• Lexoni me synimin që ta forconi besimin tuaj te Jezu Krishti.

• Lexoni me synimin që t’i zbatoni shkrimet e shenjta në vetë jetën tuaj. Pyeteni veten, çfarë po përpiqet të më mësojë Zoti në këto shkrime të shenjta?

• Përfshini kohë për të përsiatur. Përpiquni të mos nxitoni në kohën tuaj të leximit.

• Kërkoni ndihmë. Të lexuarit me një bashkëshort/e, mik/e ose shok/shoqe dhome, mund të çojë në diskutime të mira dhe t’ju ndihmojë për të mbajtur mend që të lexoni çdo ditë.

Mund ta shihni një përshkrim të jetës së mbretit Josia në një material filmik të prodhuar nga Kisha, “Josiah and the Book of the Law” [“Josia dhe Libri i Ligjit”], te ChurchofJesusChrist.org.