Եկ, հետևիր ինձ

Դ Թագավորաց 21-23

Սուրբ գրությունները մեր սրտերը դարձնում են դեպի Աստված

Նախագահ Սպենսեր Վ. Քիմբալն ասել է, որ Հովսիա թագավորի պատմությունը, որը գտնվում է Դ Թագավորաց 21–23-ում, «բոլոր սուրբ գրություններում գտնվող ամենահիանալի պատմություններից մեկն է» ( Եկ, հետևիր ինձ. Անհատների և ընտանիքների համար. Հին Կտակարան 2022, 129):

Ինչպես Հովսիա թագավորը գտավ սուրբ գրությունները

Թագավոր Հովսիան հրամայեց ժղովրդին կործանել կուռքերը:

Հովսիա թագավորը մաքրում է երկիրը կուռքերից, © Look and Learn / Bridgeman Images

Հովսիան Հուդայի թագավոր դարձավ, երբ նա ընդամենը ութ տարեկան էր: Նա ժառանգել էր թագավորությունը մի ժողովրդի, ովքեր հավատում էին կեղծ աստվածների, բայց նա կամենում էր հետևել Տիրոջը: Իր թագավորման ութերորդ տարում նա հրամայեց ոչնչացնել կուռքերի և կեղծ աստվածների զոհասեղանները ողջ Հուդայում:

մարդիկ կարդում են սուրբ գրություններ

Հովսիան` Հուդայի թագավորը, վերականգնում է Աստծո պաշտամունքը իր թագավորությունում, անհայտ նկարիչ, լուսանկարը Սթեֆանո Բիանչեթի / Bridgeman Images

Տասը տարի անց նա խնդրեց իր ժողովրդին վերականգնել Երուսաղեմի տաճարը, որտեղ քահանայապետ Քեղկիան գտավ սուրբ գրությունները: Երբ Հովսիա թագավորը կարդաց գիրքը, նա ոգեշնչված հետևեց դրա ուսմունքներին: Ապա նա հավաքեց իր ժողովրդին և կարդաց գիրքը նրանց համար:

Այնքան երկար էր ժողովուրդը կարծրացրել իր սիրտը Աստծո դեմ: Բայց սուրբ գրություններն օգնեցին մարդկանց սրտերը դարձնել դեպի Աստված: Հովսիա թագավորը խոստացավ ժողովրդին, որ քայլելու է Տիրոջ ուղիներում և հնազանդվելու է պատվիրաններին:

Քննարկում

Ո՞ր սուրբ գրություններն են ազդեցություն թողել ձեր կյանքի վրա: Ո՞ր հատվածները կարող եք կարդալ այսօր՝ ձեզ ոգեշնչելու համար:

Հին Կտակարանի սուրբ գրություններ հատուկ դեպքերի համար

Երբ դուք.

• Միայնակ եք զգում.

  Դ Թագավորաց 6.16

• Ուժի կարիք ունեք.

  Եսայիա 40․31

• Սիրված չեք զգում.

  Սաղմոս 130, Եսայիա 54.10

• Վախ եք զգում.

  Սաղմոս 27.1, Եսայիա 41.10

• Մոռացել եք, թե ով եք դուք.

  Ծննդոց 1.26-27

• Ուզում եք ավելի մոտ զգալ Փրկիչին.

  Եսայիա 53.3-5

Խորհուրդներ սուրբ գրությունների ուսումնասիրության համար

• Ներառեք աղոթքը՝ որպես ձեր սուրբ գրությունների ընթերցանության մաս: Խնդրեք Երկնային Հորը օրհնել ձեզ՝ Սուրբ Հոգով խաղաղություն և ոգեշնչում զգալու համար:

• Կարդացեք՝ Հիսուս Քրիստոսում ձեր հավատքը զորացնելու միտումով:

• Կարդացեք՝ ձեր անձնական կյանքում սուրբ գրությունները կիրառելու միտումով: Հարցրեք ինքներդ ձեզ՝ ի՞նչ է Տերը փորձում ուսուցանել ինձ այս սուրբ գրություններում:

• Ժամանակ տրամարդեք խորհելու համար: Փորձեք չշտապել կարդալու ժամանակ:

• Օգնություն խնդրեք: Կողակցի, ընկերոջ կամ սենյակի ընկերոջ հետ կարդալը կարող է հանգեցնել լավ քննարկումների և օգնել ձեզ կարդալ ամեն օր:

Դուք կարող եք դիտել Հովսիա թագավորի կյանքի մի նկարագրություն Եկեղեցու կողմից թողարկված մի տեսաֆիլմում, «Josiah and the Book of the Law (Հովսիան և Օրենքի Գիրքը)», ChurchofJesusChrist.org-ում: