« បទគម្ពីរបង្វែរដួងចិត្តរបស់យើងទៅរកព្រះ »Liahonaខែកក្កដា ឬសីហា ឆ្នាំ២០២២ ។
ចូរមកតាមខ្ញុំ
បទគម្ពីរបង្វែរដួងចិត្តរបស់យើងទៅរកព្រះ
ប្រធាន ស្ពែនស៊ើរ ដបុលយូ ឃឹមបឹល បានថ្លែងថា ដំណើររឿងអំពីស្ដេច យ៉ូសៀល ដែលមាននៅក្នុងពង្សាវតាក្សត្រទី ២ ២១–២៣« គឺជារឿងដ៏ល្អបំផុតមួយក្នុងចំណោមបទគម្ពីរទាំងអស់ »( នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាចាស់ ឆ្នាំ ២០២២ ទំព័រ ១២៩ ) ។
របៀបដែលស្ដេចយ៉ូសៀលរកឃើញបទគម្ពីរ
ស្ដេចយ៉ូសៀលកំពុងបោសសម្អាតដែនដីនៃព្រះក្លែងក្លាយ © Look And Learn / Bridgeman Images
យ៉ូសៀលបានក្លាយជាស្ដេចស្រុកយូដាពេលទ្រង់មានវ័យប្រាំបីឆ្នាំប៉ុណ្ណោះ ។ ទ្រង់បានគ្រងរាជ្យ នៅនគរដែលរាស្រ្តមានជំជឿលើព្រះក្លែងក្លាយ ប៉ុន្តែទ្រង់ចង់ធ្វើតាមព្រះអម្ចាស់ ។ កាលទ្រង់គ្រងរាជ្យបានប្រាំបីឆ្នាំ ទ្រង់បានបង្គាប់ឲ្យបំផ្លាញអាសនា និងរូបព្រះក្លែងចោលពេញទាំងស្រុកយូដា ។
យ៉ូសៀល ស្ដេចស្រុកយូដា ស្ដារការថ្វាយបង្គំព្រះឡើងវិញនៅក្នុងនគរទ្រង់ដោយវិចិត្រករមិនស្គាល់ឈ្មោះ រូបថតដោយStefano Bianchetti / Bridgeman Images
លុះដប់ឆ្នាំក្រោយមកទៀត ទ្រង់បានសុំឲ្យប្រជារាស្ត្ររបស់ទ្រង់ស្ដារព្រះវិហារបរិសុទ្ធក្នុងក្រុងយេរូសាឡិមឡើងវិញ ជាទីដែលហ៊ីលគីយ៉ា ជាសម្តេចសង្ឃបានរកឃើញបទគម្ពីរ ។ ពេលស្ដេចយ៉ូសៀលបានអានគម្ពីរនោះ ទ្រង់បានបំផុសគំនិតឲ្យធ្វើតាមការបង្រៀននៅក្នុងបទគម្ពីរនោះ ។ រួចទ្រង់បានប្រមូលផ្ដុំរាស្ត្រ ហើយបានអានគម្ពីរនោះទៅកាន់ពួកគេ ។
ជាយូរយារមកហើយ រាស្ត្របានមានចិត្តរឹងរូសទាស់នឹងព្រះ ។ ប៉ុន្តែបទគម្ពីរបានជួយបង្វែងដួងចិត្តរបស់ប្រជាជនឲ្យត្រឡប់មករកព្រះវិញ ។ ស្តេចយ៉ូសៀលបានសន្យានឹងរាស្រ្តថាទ្រង់នឹងធ្វើតាមព្រះអម្ចាស់ ហើយប្រតិបត្តិតាមព្រះបញ្ញត្តិទាំងឡាយ ។