« អ្នកពុំនៅឯកោឡើយ » លីអាហូណា ខែ កក្កដា/សីហា ឆ្នាំ ២០២២
ចូរមកតាមខ្ញុំ
អ្នកពុំនៅឯកោឡើយ
តើអ្នកធ្លាប់មានអារម្មណ៍ឯកោ ឬភ័យខ្លាចចំពោះអ្វីដែលបានកើតឡើងដែរទេ ? អ្នកបម្រើរបស់អេលីសេជាព្យាការីធ្លាប់មានអារម្មណ៍បែបនេះដែរ ពេលគាត់បានឃើញទ័ពសេះរបស់សាសន៍ស៊ីរី និងរទេះសេះហ៊ុមព័ទ្ធក្រុងដូថាន់ ជាទីក្រុងកំណើតរបស់អេលីសេ ។
រចនារូបភាពដោយ ឌិននីស ហ្វ្រេថេស
ដោយភ័យខ្លាចអ្នកបម្រើនោះបានស្រែកហៅអេលីសេថា « វរហើយ ចៅហ្វាយខ្ញុំអើយ តើយើងនឹងធ្វើដូចម្តេច ? » ( ពង្សាវតារក្សត្រ ទី២ ៦:១៥ ) ។
អេលីសេបានឆ្លើយតបដោយសេចក្ដីជំនឿថា « កុំខ្លាចអ្វីឡើយ ដ្បិតពួកដែលនៅខាងយើងមានគ្នាច្រើនជាងពួកដែលនៅខាងគេទៅទៀត »( ខទី ១៦ ) ។ បន្ទាប់ពីអេលីសេបានអធិស្ឋានសូមឲ្យព្រះអម្ចាស់បើកភ្នែកអ្នកបម្រើរបស់លោក អ្នកបម្រើនោះបានឃើញ« ពលសេះ និងរទេះចំបាំង ដែលសុទ្ធតែជាភ្លើង នៅព័ទ្ធជុំវិញអេលីសេ »( ខទី ១៧ ) ។
« ពេលខ្លះបងប្អូនដូចអ្នកបម្រើនោះដែរ បងប្អូនមានការពិបាកក្នុងការមើលឃើញពីរបៀបដែលព្រះកំពុងធ្វើការនៅក្នុងជីវិតរបស់បងប្អូន—ពេលដែលបងប្អូនមានអារម្មណ៏ថាកំពុងត្រូវឡោមព័ទ្ធ—នៅពេលការសាកល្បងក្នុងជីវិតរមែងស្លាប់ធ្វើឲ្យបងប្អូនលុតជង្គង់ចុះ ។ សូមរង់ចាំហើយទុកចិត្តទៅលើព្រះ និងពេលវេលារបស់ទ្រង់ពីព្រោះបងប្អូនអាចជឿជាក់លើដួងចិត្តរបស់ទ្រង់ដោយអស់ពីដួងចិត្តរបស់បងប្អូន ។ … បងប្អូនក៏អាចអធិស្ឋានសូមព្រះអម្ចាស់ឲ្យបើកភ្នែកបងប្អូនមើលឃើញនូវការណ៍ទាំងឡាយដែលភ្នែកធម្មតាមិនអាចមើលឃើញបាន( មីឈែល ឌី ក្រេហ្គ « ភ្នែកដើម្បីមើលឃើញ » លីអាហូណាខែវិច្ឆិកា ឆ្នាំ២០២០ ទំព័រ ១៥ ) ។
យើងប្រហែលជាមើលមិនឃើញទ្រង់ទេ ប៉ុន្តែព្រះអម្ចាស់ និងពួកទេវតារបស់ទ្រង់នៅហ៊ុមព័ទ្ធជុំវិញយើង( សូមមើល គោលលទ្ធិ និង សេចក្ដីសញ្ញា ៨៤:៨៨ ) ។ « ប្រសិនបើជាព្រះកាន់ខាងយើង តើអ្នកណាអាចទាស់នឹងយើងបាន ? » ( រ៉ូម ៨:៣១ ) ។