« ហេតុការណ៍ទាំង៥អំពីនាងអេសធើរ » លីអាហូណា ខែ កក្កដា ឬសីហា ឆ្នាំ ២០២២ ។
ចូរមកតាមខ្ញុំ
នាងអេសធើរ
ហេតុការណ៍ទាំង៥អំពីនាងអេសធើរ
នាងអេសធើរចូលគាល់ស្ដេច ដោយ រ៉ូប៊ឺត ធី ប៉ារ៉េត ហាមថតចម្លង
១. នាងអេសធើរគឺជាក្មេងកំព្រា ។
នាងអេសធើរគឺជាសាសន៍យូដា ហើយពេលឪពុកម្ដាយនាងបានស្លាប់ទៅ នោះនាងត្រូវបានចិញ្ចឹមបីបាច់ដោយបងប្រុសជីដូនមួយរបស់នាងឈ្មោះ ម៉ាដេកាយ ដែលជាសាសន៍យូដាដែរ( សូមមើលនាងអេសធើរ ២:៧ ) ។
២. នាងអេសធើរ រស់នៅឯពើស៊ី ។
នាងអេសធើររស់នៅឯក្រុងស៊ូសាន ពើស៊ី( ជាប្រទេសអ៊ីរ៉ងសព្វថ្ងៃនេះ ) ជាង១០០ ឆ្នាំបន្ទាប់ពីសាសន៍យូដាបាននាំទៅធ្វើជាទាសករនៅក្រុងបាប៊ីឡូន ។
៣. នាងអេសធើរត្រូវលាក់អត្តសញ្ញាណជាសាសន៍យូដារបស់នាងជារឿងសម្ងាត់ ។
តាមការស្នើសុំរបស់ម៉ាដេកាយ នោះនាងអេសធើរមិនបានបើកសម្ដែងពីពូជពង្សជាសាសន៍យូដារបស់នាងទៅនរណាម្នាក់ឡើយ ។ នាងបានលាក់អត្តសញ្ញាណនាងជារឿងសម្ងាត់ ទោះជានាងក្លាយជាម្ចាស់ក្សត្រីក្ដី ។ ( សូមមើលនាងអេសធើរ ២:១០, ២០ ) ។
៤. នាងអេសធើរបានយកជីវិតរបស់នាងដើម្បីជួយសង្គ្រោះដល់ប្រជាជននាង ។
នៅជំនាន់របស់នាងអេសធើរ ស្ដេចងាយរងគ្រោះនឹងការលួចធ្វើឃាតណាស់ ។ ដូច្នេះ ដើម្បីជាការការពារចំពោះស្ដេច នោះទំនៀមទម្លាប់បានកំណត់ថាមិនត្រូវឲ្យនរណាម្នាក់ចូលគាល់ស្ដេចដោយគ្មានការអញ្ជើញរបស់ព្រះអង្គឡើយ ។ នោះជាហេតុផលដែលនាងអេសធើរយកជីវិតរបស់នាងដើម្បីចូលគាល់ស្ដេចដោយយាងទ្រង់ទៅកាន់ពិធីជប់លៀងមួយ ដើម្បីនាងអាចបកអាក្រាតពីគម្រោងសម្លាប់ដល់សាសន៍យូដារបស់ហាម៉ាន( សូមមើលនាងអេសធើរ ៥; ៧ ) ។
៥. នាងអេសធើរមានសេចក្ដីជំនឿលើព្រះ ។
នាងអេសធើរបានសុំឲ្យពួកសាសន៍យូដាទាំងអស់នៅក្រុងស៊ូសានតមអាហារបីថ្ងៃពីមុននាងចូលទៅគាល់ស្ដេច( សូមមើលនាងអេសធើរ ៤:១៦ ) ។ ដោយសារតែភាពក្លាហានរបស់នាងអេសធើរ និងពរជ័យរបស់ព្រះអម្ចាស់ នោះពួកសាសន៍យូដាបានរួចផុតពីសេចក្ដីស្លាប់ ។