“Adunay Paglaom,” Liahona, Sept. 2022.
Welcome Niini nga Isyu
Adunay Paglaom!
Bisan unsa pa nga mga hagit ang atong giatubang, si Jesukristo mao ang atong paglaom. Si Elder Ronald A. Rasband sa Korum sa Napulog Duha ka Apostoles ang naghimo sa tema sa isyu niini nga bulan uban nianang matahom nga kamatuoran diha sa iyang bag-ong artikulo, “Paglaom ug Kahupayan diha ni Kristo” (pahina 4).
Alang sa daghang ginikanan, kana nga mensahe sa paglaom gikinahanglan gayod samtang naghimo sila sa ilang labing maayo sa pagpadako sa ilang mga anak diha sa lisod nga kalibotan. Si Presidente Russell M. Nelson mitudlo: “Ang kaaway paspas kaayong mipalapad sa iyang pag-atake sa hugot nga pagtuo ug ngari kanato ug sa atong mga pamilya. Aron makasugakod sa espirituhanon nga paagi, nanginahanglan kita og pang-alkontra nga mga estratehiya ug plano” (“Pasiuna nga Pakigpulong,” Liahona, Nob. 2018, 7). Aron masuportahan ang mga ginikanan niining sagrado nga buhat, ang Simbahan padayong nagsangkap og mga kapanguhaan nga mahinungdanon ug mapuslanon.
Sa isyu niining bulana, ang akong kauban nga tagsulat ug ako nagpaambit ug sundanan alang sa mga ginikanan nga mohiusa sa mga baroganan sa ebanghelyo ug praktikal nga mga estratehiya nga makatabang sa mga ginikanan sa pagmugna og lig-ong relasyon ngadto sa ilang mga anak, pag-amuma sa ilang hugot nga pagtuo, ug pag-ugmad og panaghiusa (tan-awa sa “Usa ka Lig-ong Sundanan alang sa Pag-atiman isip Ginikanan” diha sa 10).
Ang Espiritu Santo makagiya nato ngadto sa paglaom ug tabang nga atong gikinahanglan. Si Elder José A. Teixeira sa Seventy nagtudlo kon sa unsang paagi nga kita makadawat og dugang pa nga giya gikan sa Espiriru Santo diha sa “Pilia nga Maghunahuna Kanunay sa mga Butang nga Espirituhanon” (pahina 40).
Kami naglaom nga kini nga isyu makatabang ninyo ug sa inyong pamilya nga makakaplag og paglaom, mobati og dugang nga gugma, ug makasinati og mas dakong kalipay.
Matinuoron,
Maren Daines, JD
Espesyalista sa Global Family Policy and Program Development