Nuku‘alofa, Tonga

Ang templo sa Ang Simbahan ni Jesukristo sa mga Santos sa Ulahing mga Adlaw sa Nuku’alofa nahimutang duol sa gipanag-iya sa Simbahan nga Liahona High School. Ang mga miyembro sa Simbahan naglangkob sa 63 ka porsiyento sa populasyon sa Tonga, diin ang Simbahan adunay

66,400 ka miyembro (mga banabana)
21 ka stake, 2 ka district, 173 ka ward ug mga branch, 2 ka misyon
21 ka sentro sa family history, 1 ka templo ang kasamtangan nga gigamit ug 1 ang gisugdan na sa pagtukod

Kita Magkahiusa Pag-usab

Si Sonasi Langi (namatay na) nga taga Kolonga, Tongatupu, kanunayng mopundok sa mga sakop sa pamilya aron mokanta og mga himno ug mobutang og mga bulak ibabaw sa lubong sa iyang amahan ug igsoong babaye. “Sa umaabot nga adlaw kita magkahiusa pag-usab,” siya miingon. “Sa akong hunahuna manganta kita sa mao gihapon nga mga kanta nianang panahona.”

Dugang pa mahitungod sa Simbahan didto sa Tonga

ang hari sa Tonga uban sa mga lider sa Simbahan ug uban pa — Ang hari sa Tonga miabiabi ni Presidente Russel M. Nelson ug sa iyang asawa, nga si Wendy;ni Elder Gerrit W. Gong ug sa iyang asawa, nga si Susan; ug uban pa sa pagbisita sa Tonga pagka-2019.

mapahiyomon nga batan-ong babaye — Sama sa mga batan-ong babaye sa tibuok Simbahan, kining batan-on nga babaye sa Tonga nagtakda og mga tumong ug nagtrabaho aron matuman kini.

Hitsura sa Neiafu Tonga Temple — Mao kini ang hitsura sa Neiafu Tonga Temple, ang ikaduhang templo sa Tonga, kon mahuman na ang konstuksiyon niini.

inahan ug anak nga lalaki magkauban nga nagbasa — Ang panimalay mao ang sentro sa pagkat-on sa ebanghelyo didto sa Tonga, ingon usab niini sa tibuok Simbahan sa dihang ang mga miyembro naminaw sa panawagan nga “dali, sunod kanako” (Lucas 18:22).

pamilya nga naglakaw sa baybayon — Didto sa Tonga, ang nindot nga kalingawan sa pamilya maglakip gayod sa paglakaw nga magkauban daplin sa baybayon.

magtiayon nga nagtrabaho sa umahan — Ang agrikultura importante didto sa Tonga, ug daghang Santos sa Ulahing mga Adlaw nagpatubo ug nag-ani og pagkaon.

duha ka babaye nga nangatawa nga nagtrabaho nga may mga dahon sa saging diha sa kusina — Didto sa Tonga, sama sa kadaghanan sa mga komunidad sa isla sa Pasipiko, ang mga dahon sa saging maoy sagad nga gigamit sa pag-andam sa pagpangaon sa pamilya.

pamilya nga magkauban nga nanganta og himno — Ang pagkanta og mga himno usa ka importante nga bahin sa dungan nga pagsimba didto sa Tonga, ingon usab niini sa tibuok Simbahan.

lalaki nga gitabangan sa uban aron isul-ob ang tradisyonal nga sinina — Ang trasdisyonal nga sinina adunay importante nga bahin sa Tongan nga katilingban.

mapahiyomon nga batan-ong lalaki atol sa kalihokan sa Simbahan — Ang batan-ong lalaki nalingaw sa pakighimamat sa uban atol sa kalihokan sa kabatan-onan sa usa ka meetinghouse sa Tonga.

magtiayon nga magkauban nga nagbasa — Ang kanunay nga pagtuon sa kasulatan makatabang sa mga magtiayon sa Tonga nga magdungan sa paglambo sa espirituhanong paagi.

sakyanan nga natabonan sa mga abo sa bulkan — Pagka-Enero 2022, ang mga abo sa pagbuto sa bulkan mitabon sa daghang lugar sa Tonga.

barko nga gisakyan sa mga boluntaryo ug gidonar nga mga suplay — Ang mga miyembro sa isla sa Tongatapu midonar og mga suplay, nga gikarga sa barko aron matabangan kadtong anaa sa gawas nga mga isla.