Vitio o le Vaitau 4 o le Tusi a Mamona e Oo Mai i le Tausaga Nei

O Vitio o le Tusi a Mamona vaitau e 4 o loo faaalia ai le taimi aupito taua o le Tusi a Mamona: o le galuega a Iesu Keriso i le konetineta o Amerika.

“Ou te manatu o le [vaitau 4] o le a masani ai tagata o e fiafia i le Feagaiga Fou,” o le saunoaga lea a Sister Michelle D. Craig, Fesoasoani Muamua i le Au Peresitene Aoao o Tamaitai Talavou, ma matau atu na fetalai mai le Alii i perofeta i le Lalolagi Tuai ma le Lalolagi Fou.

E silia ma le 1,000 tagata na faatinoina le ata, o le aufaigaluega ma tagata pue ata o loo galulue faatasi e faaolaola ai valoaga ma molimau e uiga i le Alo toetu o le Atua na afio ifo mai le lagi e feiloai ma auauna atu i tagata o le Lalolagi Fou.

O le faasologa o Vitio o le Tusi a Mamona o loo maua i le polokalama o le Tusi a Mamona a le Ekalesia. Ua faaliliuina i gagana e 15: Kenitonisi, Sepuano, Igilisi, Farani, Siamani, Italia, Iapani, Korea, Meniterini, Potukale, Rusia, Samoa, Sipaniolo, Takaloka ma Toga. O isi tulaga e maimoa ai e aofia ai le uepisaite a le Ekalesia, o le Gospel Library, ma le alaleo Vitio o le Tusi a Mamona i luga o le YouTube (e mafai ona e lesitala iina ina ia logoina oe pe a lolomiina ni vitio fou).

A maea le vaitau e 5, o le faaputuga o le a aofia ai le aofaiga e 45 vaega.