Mea na Faamamafa mai i le Konafesi Aoao Faaleafatausaga Lona 192

Sa toafilemu le Lotoa o le Malumalu i le taimi o le Konafesi Aoao Faaleafatausaga Lona 192 a le Ekalesia. Na taofia leo o le fausiaina i laufanua ma galuega faalelei faalepuipuiga mai mafuie o le Malumalu faaletalafaasolopito i Sate Leki.

Ae sa faatumulia o matou aiga ma loto i se isi ituaiga o filemu a o matou taofia leo o le lalolagi ae faalogologo i perofeta ma aposetolo soifua.

“Mai lenei pulelaa i le asō ma taeao, o le a faaauau pea ona outou faalogo i le upumoni,” na aoao mai ai Peresitene Russell M. Nelson ma lena uiga o le emo o ona mata. “Ole atu ma le agaga tatalo i le Alii e faamautu mai e moni mea ua e faalogo i ai” (tagai i le itulau 29).

I le konafesi atoa, sa aoao mai ai e failauga ia upumoni faamalosiau o molimau, e aofia ai le osia ma le tausia o feagaiga paia (tagai i itulau 95 ma le 73), mauaina o faaaliga faaletagata lava ia (tagai i le itulau 16), ma le avea ma soo (tagai i le itulau 77).

“A o e faia le faamalosiauga faifai pea o lau molimau ia Iesu Keriso ma au faamuamua aupito maualuga,” na saunoa ai Peresitene Nelson, “vaavaai mo vavega ia tutupu i lou olaga” (tagai i le itulau 95).

Ina ua maea le konafesi aoao, sa toe amata le galuega i le Malumalu o Sate Leki. Na amata foi galuega po o sauniuniga i malumalu e 125 i le salafa o le lalolagi ua faasilasila atu pe o loo fausiaina. Ua aofia ai nei malumalu fou e 18 lea na fofogaina mai e Peresitene Nelson i le sauniga mulimuli o le konafesi (tagai i le itulau 121).

“Ua faia e [le Alii] ia sili atu ona faigofie ona maua Ona malumalu,” na saunoa ai Peresitene Nelson. “O loo ia faatelevaveina le saoasaoa lea o loo tatou fausia ai malumalu. Ua faateleina lona tomai e fesoasoani e faapotopoto Isaraelu” (tagai i le itulau 121).