E Faafeiloai atu i Lenei Lomiga

O Le Malamalama o le Lalolagi

Auiliiliga mai le Taulai Atu i le Olioli, saunia e Michael T. Malm

A o tatou faimalaga ai i lenei olaga faalelalolagi, tatou te oo mai i tofotofoga, e aofia ai siosiomaga faigata faaleaiga. O nei luitau e mafai ona mafua ai ona tatou lagonaina le tuulafoaiina, popole, po o le faanoanoa. Afai tatou te liliu atu i le punavai moni o le malamalama, le Faaola o Iesu Keriso, o le a mafai ona tatou faatautaia lelei o tatou tulaga faigata.

I lenei lomiga, ua otooto mai ai e Peresitene M. Russell Ballard ni auala e mafai ona tatou asaina ai ala o faafitauli. Fai mai o ia, “O le malamalama [o Keriso] … e aveese ai ataata o le lalolagi mai lo tatou lotolotoi ma o tatou mafaufau” (itulau 4).

I le avea ai ma se tagata sa avea muamua ma se fomai mo faaipoipoga ma aiga, sa ou galue ai ma le tele o aiga o e sa feagai ma ni tofotofoga iloga. O aiga o e na faaaluina se taimi i aso taitasi e faataga ai Keriso i o latou olaga na maua le mafutaga a Lona malamalama ma le alofa a o latou feagai ma o latou tauiviga. Ou te faasoa atu nisi o na tala i la’u tusiga i le itulau e 8.

Ou te faafetai mo le avanoa paia sa ou maua, e ala i la’u galuega, e vaai ai i aiga ma tagata taitoatasi o auai faatasi ma le Faaola i luga o le ala agai atu i le avea ma se nuu o Siona (tagai i le Mose 7:18). Sa ou vaai i sina vaega itiiti o le lagi i taimi taitasi sa ou vaaia ai le aao o le Alii i le olaga o se tasi.

Ma le agaga faafetai,

Christy Monson