Fyrir foreldra

Treysta á mátt Drottins og spámenn

Ljósmynd eftir Ravell Call, Deseret News

Kæru foreldrar,

í heimi okkar, þar sem sífellt meiri ringulreið ríkir, getur verið auðvelt að fyllast ótta og óvissu. Þegar við hins vegar snúum okkur til Jesú Krists til hughreystingar, getur hann veitt okkur frið í stormum lífsins. Lesið greinarnar í þessu blaði til að komast að því hvernig frelsarinn getur hjálpað ykkur að sigrast á áskorunum ykkar.

Trúarlegar umræður

Frelsarinn býður fúslega frið á erfiðum tímum

Lesið með fjölskyldu ykkar grein öldungs Uchtdorf á síðu 4, um það hvernig traust á virkjandi mætti Krists getur veitt frið í erfiðum aðstæðum. Ræðið saman um það hvernig Jesús býður líkn. Hvað getið þið gert til að bjóða krafti hans í líf ykkar?

Hvernig blessar prestdæmið fjölskyldu okkar?

Lesið greinina á síðu 22 um prestdæmisblessanir. Bjóðið fjölskyldumeðlimum að segja frá því þegar þeim var veitt prestdæmisblessun. Hvernig leið þeim? Hvernig hjálpaði blessunin þeim? Myndi blessun hjálpa fjölskyldumeðlim núna?

Drottinn notar spámann sinn til að hjálpa okkur að þróa með okkur hugrekki

Í greininni á síðu 30, ræðir öldungur Sikahema hvernig það hjálpaði honum að vera staðfastur í trú sinni og stöðlum sínum með því að fylgja kenningum spámannsins, þegar hann var atvinnumaður í amerískum fótbolta og alla ævi. Eftir lestur þessarar greinar, gætuð þið látið hvern fjölskyldumeðlim segja frá tilviki þar sem það að fylgja spámanninum hjálpaði þeim að hafa hugrekki.

Kom, fylg mér Fjölskylduskemmtun

Vaxa og vaxa dag hvern

Sem meðlimir hinnar endurreistu kirkju Jesú Krists, erum við ábyrg fyrir því að hjálpa til við vöxt ríkis Guðs á jörðu. Matteus 13:31–32 segir:

„Líkt er himnaríki mustarðskorni sem maður tók og sáði í akur sinn.

Smæst er það allra sáðkorna en nær það vex er það öllum jurtum meira, það verður tré, og fuglar himins koma og hreiðra sig í greinum þess.“

1. Sitjið í hring og hniprið ykkur saman eins og örlítið mustarðskorn.

2. Látið alla skiptast á að nefna verkefni sem þau gætu gert á hverjum degi til að hjálpa kirkjunni að vaxa (gefa vitnisburð sinn, miðla ritningarversi á samfélagsmiðlum, miðla vini sannleika fagnaðarerindisins o.s.frv.).

3. Í hvert sinn sem einhver tilgreinir verkefni sem hjálpar kirkjunni að vaxa, rétta allir örlítið úr sér og taka síðan að standa upp, þar til þau standa upprétt.

4. Ræðið við fjölskyldu ykkar um ástæðu þess að mikilvægt sé að hver einstaklingur leggi sitt af mörkum til að stuðla að vexti kirkjunnar.

Sent inn af Brendu Slade

Úr tímaritinu Til styrktar ungmennum

Minnisbók aðalráðstefnu

Notið þessa bók til að búa ykkur undir aðalráðstefnu og fá meira út úr ráðstefnuræðunum.

Friður í stormum lífsins

Öldungur Uchtdorf kennir hvernig frelsarinn getur lægt storminn í lífi okkar og fært okkur frið.

Albúinn til trúboðþjónustu

Hér eru nokkur mikilvæg atriði að læra fyrir ungmenni sem búa sig undir að þjóna í trúboði.

Hvernig frelsarinn mat konur

Sjáið hvernig frelsarinn sýndi hugrekki við að sýna konum gæsku og virðingu og lærið að fylgja fordæmi hans.

Úr tímaritinu Barnavinur

Búa sig undir skírn

Finnið sögur og verkefni í Barnavini þessa mánaðar, til að hjálpa börnum ykkar að læra um skírnina og fyrsta sáttmálann sinn.

Friður í storminum

Lesið myndasögu úr ritningunum um Jesú lægja storminn. Lærið síðan um stúlku frá Perú sem fann frið mitt í jarðskjálfta.

Fylgja Jesú í Kíribatí

Kynnist vini okkar, Scott, og sjáið hvernig hann fylgir Jesú. Lesið síðan meira um eyjarnar Kíribatí.

Fyrir litla vini

Finnið sögur og verkefni, einkum fyrir yngstu lesendur okkar, sem og námshjálp til að kenna ungum börnum reglurnar í Kom, fylg mér.