“Би хараагүй атлаа яаж итгэх вэ?,” Лиахона, 2023 оны 7-р сар.
Ирээд, Намайг дага
Би хараагүй атлаа яаж итгэх вэ?
Есүс амилсныхаа дараа арван хоёрт үзэгдэв зургийн хэсгээс, Скотт Снөү
Есүс Христийн төлөөлөгчдийн нэг Томас Христийг махан биеэр нь харах хүртлээ Түүнийг амилсан гэдэгт итгэхгүй байлаа (Иохан 20:25-ыг үзнэ үү). Эцэст нь Томасыг амилсан Аврагчийг харах үед Аврагч түүнд хандан, “Чи намайг харсан учраас итгэв үү? Хараагүй атлаа итгэсэн хүмүүс нь ерөөлтэй еэ” (Иохан 20:29) гэж хэлсэн.
Бид “итгэлгүй бус, харин итгэлтэй бай” гэсэн Есүс Христийн урилгыг хэрхэн дагаж чадах вэ? (Иохан 20:27).
Итгэл, гэрчлэлийг хүчирхэгжүүлэх арга зам
Судраас судал. “Тиймээс итгэл нь сонсохоос, сонсох нь Христийн үгээр ирдэг” (Ром 10:17).
Сайн мэдээний дагуу амьдар. “Хэрэв хэн нэгэн нь Түүний хүслийг үйлдэхийг хүсвэл тэрээр энэ сургаал Бурханаас уу эсвэл Би Өөрөөсөө ярьж байна уу гэдгийг мэднэ” (Иохан 7:17).
Ариун Сүнсээр дамжуулан илчлэлт эрэлхийл. “Хамгийн чухал үнэнийг зөвхөн Бурханаас ирэх илчлэлтээр бататгах боломжтой. Үүнд хүмүүн бидний ямар ч тайлбар эсвэл биеийн мэдрэхүйг ашиглах нь хангалтгүй” (Хэнри Б.Айринг, “Таны хамтрагч Ариун Сүнс,” 2015 оны 10-р сарын Ерөнхий чуулган).