“E Mafai Faapefea e le Faaola ona Laveai A’u mai Tofotofoga?” Liahona, Aok. 2023.
Sau, Mulimuli Mai ia te A’u
E Mafai Faapefea e le Faaola ona Laveai A’u mai Tofotofoga?
Paulo ma le Gata Uogo, © Classic Bible Art Collection / licensed from GoodSalt.com
A o tuu e Paulo fafie i luga o se afi, “ona sau ai lea o le gata uogo ona o le vevela, ma pipii i lona lima” (Galuega 28:3). Ae sa ia “lulu atu … le mea feai i le afi, ua le lagona se leaga” (fuaiupu 5). Tatou te feagai uma lava ma luitau, faaosoosoga, ma vaivaiga i le olaga nei, ma e pei o Paulo, faatasi ai ma le faatuatua ia Iesu Keriso ma e ala i le usiusitai i Ana poloaiga, e mafai ona tatou “lulu ese” o tatou tofotofoga ma maua le toomaga e ala i le faalagolago i le mana o le Atua e laveai ai i tatou.
E Mafai Faapefea Ona Ou Faatoilaloina …
Luitau?
“O le faatuatua i le Faaola o se mataupu faavae o le faatino ma le mana. A o tatou faatino e tusa ai ma upumoni o Lana talalelei, e faamanuiaina i tatou i le gafatia faaleagaga e fetaomi atu ai i luma e ala i luitau o le olaga nei, a o taulai atu i le olioli ua ofo mai e le Faaola ia i tatou.”1
Faaosoosoga?
“Pe a oo mai matagi o le olaga, e mafai ona e mausali ona o loo e tu i luga o le papa o lou faatuatua ia Iesu Keriso. O lena faatuatua o le a taitai atu ai oe i le salamo i aso taitasi ma le tausiga faifai pea o feagaiga. Ona e manatua ai lea o Ia e le aunoa. Ma e ui i matagi o le feitagai ma le amioleaga, o le a e lagona lava le mausali ma le faamoemoe.”2
Vaivaiga?
“O le tausia o a tatou feagaiga e mafai ai e le mana o le Faaola ona faamamaina i tatou a o tatou aoao e ala i aafiaga—pe o se amioga sese itiiti po o se toilalo tele. O loo i ai iina lo tatou Togiola e sapo i tatou pe a tatou pauu pe afai tatou te liliu atu ia te Ia.”3