Ua I Ai le Ekalesia Iinei

Bogotá, Kolomupia

O Bogotá o se tasi o laumua tu matie i le lalolagi. Na faatuina le uluai aulotu O Le Ekalesia a Iesu Keriso o le Au Paia o Aso e Gata Ai i Kolomupia i le 1966. I le taimi nei, o le Ekalesia i Kolomupia ua i ai le:

• (pe ā ma le) 214,400 tagata auai

• 30 siteki, 257 uarota ma paranesi, 5 misiona

• 2 malumalu (Bogotá ma Barranquilla) ma le 1 na faasilasila mai (Cali)

O Viiga e Valaaulia ai le Agaga

O Dario ma Esneda Cruz, mai Bogotá, e lagona le latalata atili atu i le Atua pe a latou usuina viiga. “E ala mai ia i latou tatou te faamalolosia ai a tatou molimau,” latou te faamatala mai ai. “O le lagona latou te aumaia i o tatou loto o se mea e sili ona faapitoa.”

Nisi mea e uiga i le Ekalesia i Kolomupia

• Na malaga atu Peresitene Dallin H. Oaks, Fesoasoani Muamua i le Au Peresitene Sili, ma Elder Ulisses Soares o le Korama a Aposetolo e Toasefululua i Kolomupia mo le faapaiaina o le malumalu i Barranquilla.

• O tagata o le Ekalesia i Kolomupia ua atiina ae le ola tutoatasi ma le faamoemoe, e ui lava i tauiviga.

• Faitau pe na faapefea ona auai se tasi o Fitugafulu mai Kolomupia i le Ekalesia.

• Ua faasoa mai e Peresitene Oaks le tala i se ulugalii faamaoni i Kolomupia ma osigataulaga na la faia ina ia faamauina ai i le malumalu.

• O se siteki i Kolomupia ua latou foai le taimi ma galulue e fesoasoani i se aiga o loo tauivi.

O le Malumalu o Barranquilla Kolomupia

O tagata o le ekalesia o loo pu’eina se ata i fafo atu o le Malumalu o Barranquilla Kolomupia a o lei faapaiaina ia Tesema 2018.

O Peresitene Dallin H. Oaks, Fesoasoani Muamua i le Au Peresitene Sili, sa faapaiaina le Malumalu o Barranquilla Kolomupia ia Tesema 9, 2018.

E potopoto tagata o le ekalesia e pepese i se aufaipese mo le faapaiaga o le malumalu.

I le taimi o lana asiasiga i Barranquilla, sa lululima ai Peresitene Oaks ma se alii talavou i se faigalotu a le autalavou.