Pe o Ou Liliu Muamua Atu ea i le Alii?

Ua tatou iloa mai le 1 Nifae 2:16 e faapea ina ua feagai Nifae ma le le mautonu, sa ia liliu atu i le Alii ma sa faamaluluina e le Alii lona loto. I le isi itu, ina ua feagai Lamana ma Lemuelu ma le le mautonu, sa la fefinauai ma le tasi ma le isi ma faalagolago i lo la uso o Nifae mo ni tali nai lo le faalagolago i le Alii (tagai 1 Nifae 15:8–9).

Ua faaali atu e Lamana ma Lemuelu se mamanu o le mea e mafai ona tupu pe a tatou faalagolago atoa atu i isi mo le upumoni nai lo le liliu atu i le Alii. Na oo ina malosi faaleagaga Nifae ma tumau faamaoni i le Atua i lona olaga atoa, ae na iu lava ina lafoai e Lamana ma Lemuelu aoaoga a lo la tama e uiga i le Alii. E ui o Nifae o se soo faatuatuaina, ae na ia iloaina lava e le o ia o se sui mo le sailia sa’o o le upumoni mai le Alii (tagai i le Nifae 15:6–11).

A o e iloiloina lou faalagolago i le Alii ma lou faalagolago i isi tagata, o fea o nei filifiliga e te fesootai i ai?

Punavai Faalelalolagi	Punavai o le Talalelei
E masani ona galo ia te au ona mafaufau loloto ma manatunatu i mea na aoaoina i le taimi o le konafesi aoao.	Ou te suesue e le aunoa i lauga o le konafesi aoao ina ia faatumauina le fou o saunoaga a taitai i lo’u mafaufau.
A i ai ni a’u fesili, ou te siakia ala o faasalalauga faaagafesootai po o faasalalauga ou te fiafia i ai e sue ai tali.	Pe a i ai ni a’u fesili, ou te saili mo se fesoasoani i tusitusiga paia po o upu a perofeta o aso nei.
E masani ona galo ia te a’u ona tatalo ma suesue i tusitusiga paia.	O le tatalo ma le suesueina o tusitusiga paia o se vaega masani o lo’u olaga.
O isi tagata e i ai ni fautuaga sili atu nai lo taitai o le Ekalesia po o tusitusiga paia.	Ou te maua le filemu i le faalogologo i upu a taitai o le Ekalesia ma tusitusiga paia.
Ou te faatauaina manatu o isi e sili atu nai lo aoaoga o le talalelei.	Ou te faatauaina aoaoga o le talalelei ma musumusuga mai le Agaga Paia.