Mo Mātua

Mauaina o le Malamalama o le Faaola i le Tusi a Mamona

Mātua Pēlē,

O le lomiga o lenei masina o loo maua ai ni malamalamaaga e uiga i le Tusi a Mamona o se mataupu aoaoina o le Sau, Mulimuli Mai ia te A’u mo le 2024. O tusiga o loo i lalo e talanoaina ai ki mo le mauaina o le malamalama ma le upumoni i se lalolagi e masani ona faatumulia i le pogisa ma le le mautonu.

Talanoaga o le Talalelei

Sailia o le Malamalama o le Faaola

Mafaufau e faasoa atu i lou aiga nisi o manatu mai le tusiga a Peresitene Eyring o loo i le itulau e 4, ma talanoaina le matafaioi o loo faia e le malamalama i o tatou olaga. Toe iloilo le tala a Kamryn e uiga i le mauaina o le Faaola i le pogisa. E mafai faapefea e lou aiga ona maua le malamalama o le Faaola e ala i lau suesuega o le Tusi a Mamona i lenei tausaga?

O Fea e Saili i ai mo le Upumoni

O le Atua o le punavai o upumoni uma, ma e mafai ona tatou aoaoina Lana upumoni e ala i le sailia ma le filigā. Sa manaomia e Elder ma Sister Silva ona filifili po o fea e nonofo ai ina ua foi mai se misiona, o lea sa la sailia ai le taitaiga mai le Alii (tagai i le itualu 20). O anafea na tuuina atu ai e le Alii ia te oe le taitaiga sa e manaomia?

Tagai Atili i Au Suesuega o le Talalelei

Pe a asiasi atu i se falemataaga o faatufugaga, e masani ona faanatinati tagata e vaai i mea uma latou te mafaia, ma mafua ai ona latou misia le matagofie o le faatufugaga. E faapena foi, e mafai e le aufaitau o le Tusi a Mamona ona misia upumoni taua pe afai latou te faanatinati le faitauina. O a ni auala e mafai ona fesoasoani ia i tatou e vaavaai totoa ai i lenei tusi o tusitusiga paia? Tagai i le itulau e 12 mo nisi o manatu.

Mea Mālie Faaleaiga i le Sau, Mulimuli Mai ia te A’u

O le Ala Lauitiiti ma le Vaapiapi

1 Nifae 8; 11; 15

O le ’ai i le fua o le laau o le ola o se faatusa o le filifilia o le ola e faavavau e ala ia Iesu Keriso (tagai i le 1 Nifae 15:36; Mataupu Faavae ma Feagaiga 14:7). Faataitai le gaoioiga lenei e aoao ai pe faapefea e le ai uamea (le afioga a le Atua) ona taitai atu ai i tatou i lenei meaalofa silisili a le Atua.

1. Faapipii se ata o le laau o le ola i luga o se puipui.

2. Faapipii se manoa (e faatusa i le ai uamea) i lalo o le ata, ma fai i se tasi e tu i le isi itu o le potu ma le isi pito o le manoa.

3. Taimi pe o le a le umi e alu ai se tamaitiiti o fusi mata e savali mai le tasi itu o le potu i le laau o le ola e aunoa ma le pipii i le manoa.

4. Ia taimi nei loa po o le a le umi e oo atu ai i le laau o le ola a o pipii i le manoa.

Talanoaga: O le a se mea e mafai ona tatou faia e pipiimau ai i le ai uamea ma aua lava nei faamamuluina?

Mai le Mekasini o le Mo Le Malosi o le Autalavou 

Autu a le Autalavou mo le 2024

Ia iloa le autu a le autalavou i le 2024, “O Au o se Soo o Iesu Keriso,” faatasi ai ma se savali mai au Peresitene Aoao o Tamaitai Talavou ma Alii Talavou ma se pese fou e uiga i le autu.

O Lou Faasinomaga o se Soo

E aoao le autalavou e uiga i lo latou faasinomaga o ni soo o Iesu Keriso e ala i le vaavaai atu i mea e fai e soo ma pe faapefea ona latou faia.

Avea e Faapei o Sama

Tagai i mea e mafai ona tatou aoaoina e uiga i le aloese mai faatusatusaga ma isi e ala i le suesueina o le faataitaiga a le uso matua o Nifae o Sama.

Mai le Mekasini o le Uo

Fesoasoani i le Sau, Mulimuli Mai Ia Te A’u

Saili siata e faitau ai, gaoioiga faalevaiaso, tala o tusitusiga paia, ma isi mea e fesoasoani ai i lau fanau e aoao e uiga i le Tusi a Mamona i lenei tausaga.

O Auala e Faitau ai le Tusi a Mamona

O le lomiga o lenei masina o loo aofia ai tala o tamaiti o e maua ni auala tulaga ese e faitau ai le Tusi a Mamona. Vaavaai mo ni fautuaga e fesoasoani e faaleleia atili ai au suesuega faaleaiga.

Mulimuli ia Iesu i Taialani

Feiloai ia Panya ma aoao pe faapefea ona ia mulimuli ia Iesu. Ona faaauau lea ona faitau e aoao atili e uiga ia Taialani.

Fautuaga mo le Setiina o Sini

Faaaoga fautuaga i le vaega Mo Tamaiti Matutua atu e fesoasoani ai i lau fanau e faatutu ni sini mo le polokalama a Tamaiti ma le Autalavou.