Bogotā, Toromepia

hōho’a fenua ’e te ha’amenemenera’a hā’ati ia Toromepia

Bogotā ’o te hō’ē ’oire pū teitei roa a’e i te mau fenua ato’a o te ao nei. ’Ua fa’ati’ahia te ’āma’a mātāmua a Te ’Ēkālesia a Iesu Mesia i te Feiā Mo’a i te mau Mahana Hope’a nei i Toromepia i te matahiti 1966. I teie mahana, tē vai ra i roto i te ’Ēkālesia i Toromepia :

e 214 400 melo (fātata)
e 30 titi, e 257 pāroita ’e te ’āma’a, e 5 misiōni
e 2 hiero (Bogotā ’e ’o Barranquilla) ’e 1 tei fa’aarahia (Cali)

E riro te himene i te ’ani i te Vārua

Nō Dario ’e ’o Esneda Cruz, nō Bogotā, e ha’afātata atu ā rāua i te Atua ’a hīmene ai rāua i te mau hīmene. « Nā roto ia rātou e ha’apūai ai tātou i tō tātou ’itera’a pāpū », tē fa’a’ite maira rāua. « Te fa’aurura’a tā rātou e hōpoi mai i roto i tō tātou ’ā’au, e ’ohipa ta’a ’ē mau ’īa. »

Te mau melo o te ’Ēkālesia e hīmene ra i roto i te buka hīmene i te fare

Parau ’āpi hau atu ā nō ni’a i te ’Ēkālesia i Toromepia

Peresideni Dallin H. Oaks, tauturu mātāmua i roto i te Peresidenira’a Mātāmua, e ’o Elder Ulisses Soares nō te Pupu nō te Tino ’Ahuru Ma Piti ’Āpōsetolo tei tere atu i Toromepia nō te ha’amo’ara’a i te hiero i Barranquilla.
’Ua fa’atupu te mau melo nō Toromepia i te ha’api’ira’a nō te fa’arava’ira’a iāna iho ’e te ti’aturira’a, noa atu ā te mau ’arora’a.
’A tai’o ē mea nāhea te tahi melo nō te Hitu ’Ahuru i Toromepia i te fāriura’a mai i roto i te ’Ēkālesia.
Tē fa’ati’a nei te Peresideni Oaks i te ’ā’amu nō te tahi ta’ata fa’aipoipo ha’apa’o maita’i i Toromepia ’e te mau ha’atusiara’a tā rāua i rave ’ia tā’atihia rāua i roto i te hiero.
Tē hōro’a nei te tahi titi nō Toromepia i te taime ’e te ’ohipara’a nō te tauturu i te hō’ē ’utuāfare fifi.

Hiero nō Barranquilla (Toromepia) — Te hiero nō Barranquilla (Toromepia)

mau melo e pata ra te hōho’a i rāpae’au i te hiero — E pata te mau melo i te hōho’a i rāpae’au i te hiero nō Barranquilla (Toromepia) hou tōna ha’amo’ara’a i te ’āva’e Tītema 2018.

Te Peresideni Dallin H. Oaks ’e te tahi atu mau ta’ata i te ha’amo’ara’a o te hiero — ’Ua ha’amo’a te peresideni Dallin H. Oaks, tauturu mātāmua i roto i te Peresidenira’a Mātāmua, i te hiero nō Barranquilla (Toromepia) i te 9 nō Tītema 2018.

Pupu hīmene i te ha’amo’ara’a hiero — E ha’aputuputu te mau melo nō te hīmene i roto i te hō’ē pupu hīmene nō te ha’amo’ara’a hiero.

’Ua aroha rima te Peresideni Dallin H. Oaks i te hō’ē taure’are’a tamāroa — I roto i tōna tere i Barranquilla, ’ua aroha rima te Peresideni Oaks i te hō’ē taure’are’a i roto i te tahi purera’a nā te feiā ’āpī.