« E aha te mea e fa’ariro i te mau pāpa’ira’a mo’a « ’ei mea faufa’a rahi » ?, Liahona, Tēnuare 2024.
Mai, pe’e mai
E aha te mea e fa’ariro i te mau pāpa’ira’a mo’a « ’ei mea faufa’a rahi » ?
« E mea faufa’a rahi » te mau pāpa’ira’a mo’a (1 Nephi 5:21) nō te ’utuāfare o Lehi. Nō te faufa’a rahi o te reira, ’ua fa’aue te Fatu i te mau tamaiti a Lehi ’ia ho’i i Ierusalema nō te ti’i mai i te mau ’api veo (hi’o 1 Nephi 3:2–5), hō’ē ’ohipa ’o te ha’afifi i tō rātou orara’a. E mea faufa’a rahi roa ato’a te mau pāpa’ira’a mo’a (te Buka a Moromona iho ā rā) nō tātou i teie mahana. ’Ua feruri ānei ’outou ’aita i maoro a’enei nō te aha ra ?
|
E aha tā te mau ’api veo i hōro’a i te ’utuāfare o Lehi ? |
E aha tā te Buka a Moromona i hōro’a mai ia tātou i teie mahana ? |
|
Te mau parau a te mau peropheta (1 Nephi 3:20) |
Hō’ē niu nō te hō’ē ’itera’a pāpū nō Iosepha Semita, te fa’aho’i-fa’ahou-ra’a-hia mai ’e te mau peropheta ora (’ōmuara’a o te Buka a Moromona) |
|
Te ’ā’amu nō te poietera’a ’e ’o ’Adamu ’e ’o ’Eva (1 Nephi 5:11) |
Ha’apāpūra’a o te ha’api’ira’a tumu nō ni’a i te fa’anahora’a o te fa’aorara’a (2 Nephi 2 ; Alama 12 ; 34) |
|
Te ture a Mōse (1 Nephi 4:15–16) ’e te tahi atu mau fa’auera’a (1 Nephi 5:21) |
Te ha’api’ira’a tumu a te Mesia ’e te tahi atu mau fa’auera’a (2 Nephi 31 ; 3 Nephi 11 ; 27) |
|
Te pāpa’a parau o te mau ’āti Iuda ’e tō rātou ’itera’a pāpū nō te Mesia (1 Nephi 5:12) |
Te tahi atu mau ’ite nō te Mesia nō roto mai i tāna « mau māmoe ’ē atu » (3 Nephi 15:21–24) |
|
Hō’ē pāpa’a parau tei fa’aherehere i te reo o tō rātou mau metua tāne (1 Nephi 3:19) ’e tō rātou huitupuna (1 Nephi 5:14) |
E pāpa’a parau ’o tē nehenehe e tauturu ia tātou ’ia ha’aputuputu ia ’Īserā’ela i ha’apurarahia (3 Nephi 21:6–7) |