Nā te mau metua

Te ’itera’a i te māramarama o te Fa’aora i roto i te Buka a Moromona

’utuāfare e tai’o ’āmui ra

E te mau metua here ē,

Tē hōro’a nei te ve’a nō teie ’āva’e i te tahi mau mana’o nō ni’a i te Buka a Moromona ’ei fa’anahora’a ha’api’ira’a Mai, pe’e mai nō 2024. Tē ’āparau nei te mau pāpa’ira’a i raro nei i te mau tāviri nō te ’itera’a i te māramarama ’e te parau mau i roto i te hō’ē ao tei ’ī pinepine i te pōiri ’e te ’āhuehue.

Mau ’āparaura’a ’evanelia

ʼImiraʼa i te māramarama o te Fa’aora

E nehenehe e fa’a’ite i tō ’outou ’utuāfare i te tahi mau mana’o i roto i te parau pāpa’i a te peresideni Eyring i te ’api 4, ’e e ’āparau i te ti’ara’a e ha’uti mai te māramarama i roto i tō tātou orara’a. ’A hi’o fa’ahou i te ’ā’amu ’o Kamryn nō ni’a i te ’itera’a i te Fa’aora i roto i te pōiri. Nāhea tō ’outou ’utuāfare e ’ite ai i te māramarama o te Fa’aora nā roto i tā ’outou tuatāpapara’a i te Buka a Moromona i teie matahiti ?

I hea e ’imi ai i te parau mau

’O te Atua te puna nō te mau parau mau ato’a, ’e e nehenehe tātou e ha’api’i mai i tāna parau mau nā roto i te ’imira’a ma te itoito. Tītauhia ia Elder ’e te tuahine Silva ’ia fa’aoti i hea e ora ai i muri a’e i tō rāua ho’ira’a mai nā te misiōni, nō reira ’ua ’imi rāua i te arata’ira’a nō ’ō mai i te Fatu ra (hi’o i te ’api 20). E aha te taime tō te Fatu hōro’ara’a mai ia ’outou i te arata’ira’a tā ’outou i hina’aro ?

Hi’o rahi atu ā i roto i tā ’outou tuatāpapara’a ’evanelia

’Ia haere ana’e rātou e māta’ita’i i te hō’ē fare manaha, e rū pinepine te ta’ata i te hi’o i te mau mea ato’a e nehenehe ia rātou, ma te fa’a’ere ia rātou i te nehenehe o te hōho’a. ’Oia ato’a, e ’ere te feiā tai’o i te Buka a Moromona i te mau parau mau faufa’a rahi mai te mea e rū rātou nā roto i te tai’ora’a. E aha te mau rāve’a e nehenehe e tauturu ia tātou ’ia hi’o maita’i i teie buka pāpa’ira’a mo’a ? Hi’o i te ’api 12 nō te tahi mau mana’o.

Fa’a’ana’anataera’a ’utuāfare a teMai, pe’e mai

Te ’ē’a ’āfaro ’e te piriha’o

1 Nephi 8 ; 11 ; 15

Te ’amura’a i te hotu o te tumu rā’au o te ora, e tāpa’o īa nō te mā’itira’a i te ora mure ’ore nā roto ia Iesu Mesia (hi’o 1 Nephi 15:36 ; Te Ha’api’ira’a Tumu ’e te mau Fafaura’a 14:7). ’A tāmata i teie ātivite nō te ha’api’i mai nāhea te ’āuri (te parau a te Atua) e arata’i ia tātou i teie hōro’a rahi roa a’e a te Atua.

1. Tāpiri i te hō’ē hōho’a nō te tumu rā’au o te ora i ni’a i te patu.

2. Tāpiri i te hō’ē taura (fa’ahōho’ara’a i te ’āuri) i raro a’e i te hōho’a, ’e e ani i te tahi ta’ata ’ia ti’a mai i te tahi pae o te piha e te ’auru o te taura.

3. E aha te taime e tītauhia nō te hō’ē tamari’i tei tā’amuhia tōna mata ’ia haere mai te hope’a mai o te piha i te tumu rā’au o te ora ma te tāpe’a ’ore i ni’a i te taura.

4. I teie nei, e aha te maorora’a nō te tāpaera’a i te tumu rā’au o te ora ma te tāpe’a noa i ni’a i te taura.

’Āparaura’a : E aha tā tātou e nehenehe e rave nō te tāpe’a i ni’a i te ’āuri ’e ’eiaha roa atu e fa’aru’e ?

rima e amo ra i te tāpau ha’aponara’a

Nō roto mai i te ve’a Nō te pūai o te feiā ’āpī 

Tumu parau nō te Feiā ’Āpī nō 2024

Ha’amātau i te tumu parau a te Feiā ’Āpī nō 2024, « E pipi au nā Iesu Mesia », ma te poro’i a te mau Peresidenira’a Rahi o te Feiā ’Āpī Tamāhine ’e te Feiā ’Āpī Tamāroa, ’e hō’ē hīmene ’āpī nō ni’a i te tumu parau.

Tō ’outou hīro’a ’ei pipi

E ha’api’i te Feiā ’Āpī i tō rātou hīro’a ’ei mau pipi nā Iesu Mesia nā roto i te hi’ora’a i te mea tā te mau pipi e rave ’e e nāhea rātou ’ia rave i te reira.

’Ia riro mai ia Samu te huru

Hi’o e aha tā tātou e nehenehe e ha’api’i nō te tina’ira’a i te mau fa’aaura’a e vetahi ’ē nā roto i te tuatāpapara’a i te hi’ora’a o te tua’ana ’o Nephi, ’o Samu.

hō’ē tamari’i e tai’o ra i te Buka

Nō roto mai te ve’a Hoa

Tauturu e te Mai, pe’e mai

’Imi i te mau tāpura tai’ora’a, te mau ’ātivite hepetoma, te mau ’ā’amu o te pāpa’ira’a mo’a, ’e hau atu nō te tauturu i tā ’outou mau tamari’i ia ha’api’i mai nō ni’a i te Buka a Moromona i teie matahiti.

Mau rāve’a nō te tai’o i te Buka a Moromona

I roto i te ve’a nō teie ’āva’e tē vai ra te mau ’ā’amu nō te mau tamari’i tei ’itehia ia rātou i te mau rāve’a ta’a ’ē nō te tai’o i te Buka a Moromona. ’Imi i te tahi mau mana’o nō te tauturu i te ha’amaita’i i tā ’outou tuatāpapara’a ’utuāfare.

Pe’e ia Iesu i Tairane

Fārerei ia Panya ’e ’ia ha’api’i mai e nāhea ’oia i te pe’era’a ia Iesu. I muri iho, ’a tāmau noa i te tai’o nō te ha’api’i atu ā nō ni’a ia Tairane.

Mau mana’o nō te ha’amau i te mau fā

Fa’a’ohipa i te mau mana’o i roto i te tuha’a Nō te mau tamari’i pa’ari nō te tauturu i tā ’outou mau tamari’i ’ia ha’amau i te mau ’ōpuara’a nō te fa’anahora’a a te mau tamari’i ’e te Feiā ’Āpī.