Savali o le Eseta a le Au Peresitene Sili

O Le Faamoemoega Lenei Ua Ou Sau Ai, saunia e Yongsung Kim, faaaloaloga a le Heavenlight

I lenei vaitau o le Eseta, matou te valaaulia outou ia mafaufau loloto i le taulaga togiola a le Faaola ma le Toetu mamalu, lea ua faamanuiaina ai i tatou uma.

E ala mai i lo tatou Togiola, o Iesu Keriso, ua tatou maua ai lenei savali o le faamoemoe: “E maua foi outou e le puapuaga i le lalolagi: a ia outou loto tetele; ua ou manumalo i le lalolagi” (Ioane 16:33). Ua folafola mai e le Faaola afai tatou te tausia Ana poloaiga ma sauniga, o le a tatou maua “le filemu lea i le lalolagi lenei, ma le ola e faavavau i le lalolagi a sau” (Mataupu Faavae ma Feagaiga 59:23).

Matou te molimau atu o loo soifua Iesu Keriso! “Ua toetu mai o Ia” (Mataio 28:6). Ona o Ia, ua mafai ai ona taialaina ma faamalosia i tatou a o tatou tauaveina avega tatou te feagai i le olaga nei. E ala mai i lo tatou faatuatua i le taulaga togiola a le Faaola, e le mafai ai e noataga o le agasala ona taofia i tatou ma o tofotofoga tatou te oo i ai i le olaga o le a leai se mana tumau i o tatou luga. “O le tui o le oti ua faatoilaloina i a Keriso” (Mosaea 16:8).

O Le Au Peresitene Sili