Ua I Ai le Ekalesia Iinei

Jakarta, Initonesia

I le 1970, o uluai faifeautalai e toaono na ulufale atu i Initonesia na papatisoina uluai tagata, faatulaga le uluai faapotopotoga, ma amata le faagasologa mo le aloaiaina o Le Ekalesia a Iesu Keriso o le Au Paia o Aso e Gata Ai. E tele isi faapotopotoga na faatuina, ma sa faatuina se laumua o le misiona i Jakarta i le 1975. I le taimi nei, o le Ekalesia i Initonesia ua i ai le:

• (pe ā ma le) 7,560 tagata auai

• 2 siteki, 24 uarota ma paranesi, 1 misiona

• 1 malumalu ua faasilasilaina (Jakarta)

Saunia mo le Malumalu

O le au Wintolo mai Tangerang, Initonesia, sa faamauina o se aiga i le Malumalu o Manila Filipaina i le 2010. Fai mai Sister Wintolo, “Oka so matou fiafia ina ua faasilasila mai e lo tatou perofeta pele o le a i ai se malumalu i Initonesia. O le a faaauau pea ona matou tatalo ma saunia i matou lava mo le i ai o le maota o le Alii i lo matou atunuu.”

Atapue mai faaaloaloga a le aiga o Wintolo

Nisi mea e uiga i le Ekalesia i Initonesia

• O le pa o le maugamu i Initonesia i le 1815 na tele sona sao i le Toefuataiga o le talalelei. Na faamatala mai e Elder Quentin L. Cook.

• O se talavou mai Initonesia “tuuina atu” se lesona i le faamoemoe.

• Sa faagaeetia lē sa avea muamua ma Peresitene Aoao o le Aualofa o Linda K. Burton i tamaitai o le faatuatua i Initonesia.

• Na faasoa mai e lenei tusitala mai Initonesia ia faailoga e 10 o lou liua moni i le talalelei a Iesu Keriso.

• Na maua le Tusi a Mamona, Mataupu Faavae ma Feagaiga, ma le Penina Tau Tele o se seti i le faa-Initonesia i le 2010.

E faafeiloai e faifeautalai ia tagata i magaala.

Ua potopoto tamaiti Peraimeri e pepese i Tangerang, Initonesia.

E faaalu faatasi e se aiga se taimi taua i fafo.

E faafou e tagata lotu feagaiga o le papatisoga e ala i le tagofia o le faamanatuga i Tangerang, Initonesia.