“O A Upumoni O Aoao Mai e le 1 Nifae ma le 2 Nifae ia i Tatou e uiga ia Iesu Keriso?,” Liahona, Mat. 2024.
Sau, Mulimuli Mai ia te A’u
O A Upumoni O Aoao Mai e le 1 Nifae ma le 2 Nifae ia i Tatou e uiga ia Iesu Keriso?
I le taufaaiuiuga o ana tusitusiga, na faapea mai ai Nifae, “Ma afai tou te talitonu ia Keriso o le a outou talitonu i nei upu, ona o afioga i latou a Keriso” (2 Nifae 33:10). E tele upumoni e uiga i uiga faaalia, soifuaga, ma le Togiola a le Faaola o loo maua i mea ua tatou suesueina i le Tusi a Mamona i lenei tausaga.
Uiga Faaalia o Keriso
-
Ua tumu o Ia i le onosai, agalelei, ma le tali-tiga (tagai i le 1 Nifae 19:9).
-
O le a Ia manatua pea i tatou (tagai i le 1 Nifae 21:14–16).
-
Ua Ia valaaulia tagata uma e o mai ia te Ia (tagai i le 2 Nifae 26:24, 33).
Malamalama ma le Upumoni, saunia e Simon Dewey
Galuega Auaunaga a Keriso
-
Sa Ia aoao atu Lana talalelei ma faamalolo i e mama’i (tagai i le 1 Nifae 11:24, 27–31).
-
Sa Ia faatuina se faataitaiga o le usiusitai e ala i le papatisoina (tagai i le 1 Nifae 10:9; 2 Nifae 31:7–12).
-
Sa faasatauroina o Ia, tuu i se tuugamau, ma asiasi atu ia sa Nifae ina ua mavae Lona Toetu (tagai i le 1 Nifae 19:10–11; 2 Nifae 26:1).
O Le Faasatauroga o Keriso, e le o mailoa le tusiata
Togiola a Keriso
-
Na Ia togiolaina i tatou e ala i Lana taulaga (tagai i le 2 Nifae 2:6–7).
-
Sa Ia faatinoina se “togiola e le gata” lea ua manumalo i le oti faaletino ma le faaleagaga (2 Nifae 9:5–22).
-
E mafai ona Ia faamalosia i tatou pe a tatou faatuatua ia te Ia ma filifili e salamo (tagai i le 2 Nifae 31:13).