“”O Le A Le Mea Ua Folafola Mai e Iesu Keriso e le Mafai [Ona Folafola mai] e le Lalolagi?, Liahona, Mat. 2024.
Sau, Mulimuli Mai ia te A’u
O Le A Le Mea Ua Folafola Mai e Iesu Keriso E Le Mafai [Ona Folafola mai] e le Lalolagi?
Faamatalaga mai le Miti a Liae, saunia e Greg K. Olsen; atatusi o Iesu o loo aoao atu, saunia e Justin Kunz
E ui e mafai ona faigata ona malamalama i upu a Isaia, ae o le mea e tasi e manino o le “O Papelonia … o le a pei o le taimi na faatoilalo ai e le Atua Sotoma ma Komoro” (2 Nifae 23:19) ma “o e amioleaga o le a fano” (tagai i le 2 Nifae 23:22). Aisea o le a filifili ai e se tasi le ala o le amioleaga?
O le nofo ai i Papelonia, po o le ola amioleaga, e mafai ona foliga aulelei. Atonu e folafola atu e Papelonia le fiafia faalelalolagi, ae ua folafola mai e le talalelei a Iesu Keriso le olioli moni ma le filemu tumau.
I lenei siata, maitau le eseesega i le va o le auala o loo fautua mai ai le lalolagi e tatau ona tatou ola ai ma le auala o loo aoao mai ai i tatou e Iesu Keriso ia ola ai. O a folafolaga ua tuuina mai e le lalolagi mo le mulimuli i ona aoaoga e faatusatusa i folafolaga ua ofoina mai e le Faaola mo le mulimuli i Ana aoaoga?
|
Ua aoao mai le lalolagi |
O le folafolaga a le lalolagi |
Ua aoao mai Iesu Keriso |
O le folafolaga a Iesu Keriso |
|
Ia fiasili ma faamaualuga (2 Nifae 23:11) |
Ia lotomaualalo (3 Nifae 12:3) | ||
|
Ia fa’aalialiavale (2 Nifae 24:11) |
Ia agamalu (3 Nifae 12:5) | ||
|
Ia ita (2 Nifae 24:6) |
Ia avea o se faatupu filemu (3 Nifae 12:9, 22–24) | ||
|
Saili lou lava mamalu (2 Nifae 24:13–14) |
Saili le mamalu o le Alii (3 Nifae 12:16; 13:13, 33) |
O le a tatou le fano ma e amioleaga pe afai tatou te mulimuli ia Iesu Keriso. Nai lo lena, e mafai ona tatou malolo ma le mautinoa o Iesu Keriso “o le a alofa mutimutivale i [Lona] nuu” (2 Nifae 23:22).