« E roa’a i teienei te mau tāpa’ora’a nō te mau ve’a a te ’Ēkālesia ma te tāmoni ’ore », Liahona, Māti 2024.

E roa’a i teienei te mau tāpa’ora’a nō te mau ve’a a te ’Ēkālesia ma te tāmoni ’ore

E roa’a i teienei i te mau melo nā te ao nei, te mau ve’a a te ’Ēkālesia ma te tāmoni ’ore. ’A tāpa’o atu nō te hō’ē tāpa’ora’a i te matahiti i :

Te Liahona (nā te feiā pa’ari).
Te Nō te pūai o te Feiā ’Āpī (nō te mau matahiti 12–18).
Te Hoa (nā te mau tamari’i).

I roto i te hō’ē fa’ahitira’a parau nō ni’a i teie fa’aotira’a ’āpī, tē fa’ata’a nei Elder Dieter F. Uchtdorf nō te pupu nō te Tino ’Ahuru ma Piti ’āposetolo ē, « tē hina’aro nei te ’Ēkālesia e hōro’a i te hō’ē roa’ara’a rahi atu ā i te mau parau a te mau peropheta, ’e tē ’oa’oa nei mātou i te hāmani i te mau nene’ira’a nō te mau ve’a a te ’Ēkālesia ma te tāmoni ’ore » (1 nō ’Ātete 2023, newsroom.ChurchofJesusChrist.org).

Nāhea i te tāpa’o atu nō te mau ve’a nene’i

’A haere i ni’a MagazineSubscriptions.ChurchofJesusChrist.org.
E hono atu ma te fa’a’ohipa i te hō’ē ’āfata a te ’Ēkālesia. (Mai te peu tē hina’aro nei ’oe i te hō’ē ’āfata a te ’Ēkālesia, ’a hāmani atu i te reira ma te tāmoni ’ore i ni’a account.ChurchofJesusChrist.org.)
’A tāumi i te pitopito Tāpa’ora’a i pīha’i iho i te ve’a ’aore rā i te mau ve’a tā ’oe i mā’iti.
’A fa’a’ī atu i tā ’oe vāhi nō te ’āfata rata ’e te mau reo e au.

E tae mai te ve’a mātāmua i roto e piti a’e ’āva’e.

Nāhea i te tāpa’o nō te hō’ē fa’aarara’a ’āva’e nā roto i te rata uira.

Mai te peu e mea au a’e nā ’oe e tai’o i te mau ve’a nā ni’a i te rorouira, e nehenehe ’oe e tāpa’o ia ’oe nō te fa’ari’i i te fa’a’itera’a nā roto i te rata uira’a, ’ia tae ana’e mai te hō’ē ve’a ’āpī i ni’a i te tahua itenati a te ’Ēkālesia ’e i roto i te fa’aaura’a rorouira Vaira’a buka ’evanelia.

’A haere i ni’a MagazineSubscriptions.ChurchofJesusChrist.org.
’A hono atu ia ’oe i tā ’oe ’āfata a te ’Ēkālesia
’A mā’iti i te mau ve’a rorouira i raro a’e te « Rata uira nō te mau ve’a natirara ».