« E aha tā Iesu Mesia e fafau e’ita e nehenehe tā te ao nei ? », Liahona, Māti 2024.

Mai, pe’e mai

E aha tā Iesu Mesia e fafau e’ita e nehenehe tā te ao nei ?

i te pae ’aui, e ta’ata e fa’ao’ō’o ra ’e e fa’atoro ra i te rima ; i te pae ’atau, e ta’ata e fa’aro’o ra ia Iesu e ha’api’i ra

Noa atu ē, e mea fifi ’ia māramarama i te mau parau a Isaia, hō’ē mea pāpū maita’i, ’oia ho’i, « ’O Babulonia […] e ha’amou ai te Atua ia Sodoma ’e ia Gomora » (2 Nephi 23:19) ’e « e pohe […] te feiā parauti’a ’ore » (hi’o 2 Nephi 23:22). Nō te aha te ta’ata e mā’iti ai i te ’ē’a o te ’ino ?

Te orara’a i Babulonia, ’aore rā te orara’a ma te ’ino, e nehenehe e hi’ohia ’ei mea fa’ahina’arohia. E fafau mai paha Babulonia i te ’oa’oa o teie nei ao, te ’evanelia rā a Iesu Mesia, e fafau mai ïa te ’oa’oa mau ’e te hau vai maoro.

I roto i teie tāpura, ’a tāpa’o i te mau ta’a-’ē-ra’a i roto i te mea tā tō te ao e parau nei ’e tā Iesu Mesia e ha’api’i nei e nāhea tātou i te ora. E aha te mau parau fafau a tō te ao nei nō te pe’era’a i tāna mau ha’api’ira’a, ’ia fa’aauhia i te mau parau fafau tā te Fa’aora e pūpū nei nō te pe’era’a i tāna mau ha’api’ira’a ?

Tē ha’api’i nei tō te ao nei	Te parau fafau a tō te ao nei	Tē ha’api’i nei Iesu Mesia	Te parau fafau a Iesu Mesia
’Ei ta’ata fa’arahi ’e te te’ote’o (2 Nephi 23:11)		’Ei ta’ata haeha’a (3 Nephi 12:3)
’Ei ta’ata fa’a’oru (2 Nephi 24:11)		’Ei ta’ata marū (3 Nephi 12:5)
’Ei ta’ata riri (2 Nephi 24:6)		’Ei ta’ata fa’atupu hau (3 Nephi 12:9, 22–24)
’Imi i tō ’outou iho hanahana (2 Nephi 24:13–14)		’Imi i te hanahana o te Fatu (3 Nephi 12:16 ; 13:13, 33)

E’ita tātou e pohe nā muri i te feiā parauti’a ’ore mai te mea e pe’e tātou ia Iesu Mesia. E nehenehe rā tātou e pāpū ē, e « aroha ho’i [Iesu Mesia i tōna] mau ta’ata » (2 Nephi 23:22).