« E aha te mau parau mau tā te 1 Nephi ’e te 2 Nephi e ha’api’i nei ia tātou nō ni’a ia Iesu Mesia ? », Liahona, Māti 2024.

Mai, pe’e mai

E aha te mau parau mau tā te 1 Nephi ’e te 2 Nephi e ha’api’i nei ia tātou nō ni’a ia Iesu Mesia ?

I te pae hope’a o tāna mau pāpa’ira’a, tē parau nei Nephi, « ’e ’ia ti’aturi ’outou i te Mesia ra, e ti’aturi ato’a ïa ’outou i teie nei mau parau, nō te mea, e mau parau teie nā te Mesia » (2 Nephi 33:10). E rave rahi parau mau nō ni’a i te huru o te Fa’aora, tōna orara’a ’e tāna tāra’ehara e ’itehia i roto i te mea tā tātou i tuatāpapa i roto i te Buka a Moromona tae roa mai i teie taime i teie matahiti.

Haere mai iā’u nei, nā Eva Timothy

Te huru o te Mesia

’Ua ’ī ’oia i te fa’a’oroma’i, te hāmani maita’i ’e te fa’a’oroma’ira’a roa (hi’o 1 Nephi 19:9).
E ha’amana’o noa ’oia ia tātou (hi’o 1 Nephi 21:14–16).
Tē ani manihini nei ’oia i te mau ta’ata ato’a ’ia haere mai iāna ra (hi’o 2 Nephi 26:24, 33).

Te māramarama ’e te parau mau, nā Simon Dewey

Te tāvinira’a a te Mesia

’Ua ha’api’i ’oia i tāna ’evanelia ’e ’ua fa’aora i te feiā ma’i (hi’o 1 Nephi 11:24, 27–31).
’Ua fa’a’ite ’oia i te hō’ē hi’ora’a nō te ha’apa’o nā roto i tōna bāpetizora’ahia (hi’o 1 Nephi 10:9 ; 2 Nephi 31:7–12).
’Ua fa’asataurohia ’oia, ’ua tu’uhia i roto i te mēnema, ’e ’ua haere e fārerei i te ’āti Nephi i muri a’e i tōna Ti’afa’ahoura’a (hi’o 1 Nephi 19:10–11 ; 2 Nephi 26:1).

Te fa’asātaurora’a o te Mesia, ’aita te ta’ata pēni hōho’a i ’itehia

Te tāra’ehara a te Mesia

’Ua fa’aora ’oia ia tātou nā roto i tāna tusia (hi’o 2 Nephi 2:6–7).
’Ua rave ’oia i te hō’ē « tāra’ehara mure ’ore » tei upo’oti’a i ni’a i te pohe pae tino ’e pae vārua (2 Nephi 9:5–22).
E ti’a iāna ’ia ha’apūai ia tātou ’ia vai ana’e tō tātou fa’aro’o iāna ’e ’ia mā’iti ’ia tātarahapa (hi’o 2 Nephi 31:13).