Երեց Մայքլ Բ. Սթրոնգ

Բարձրագույն Իշխանություն Յոթանասունական

Երեց Մայքլ Բ. Սթրոնգի ավետարանի ուսուցումը սկսվեց տանը, որտեղ նա ուսուցանվեց իր ծնողների կողմից:

«Իմ վկայությունը ժամանակի ընթացքում աճել է և ավելի ուժեղ դարձել՝ գրեթե աննկատ ձևերով»,- ասել է երեց Սթրոնգը: Հետադարձ հայացք գցելով նա ասում է․ «Ես հաճախ եմ տեսել Աստծո ձեռքը իմ կյանքում, բայց այն ընդմիջվել է մի քանի շատ խոր հոգևոր փորձառություններով»:

Կնոջ հետ միասին դաստիարակելով իրենց երեխաներին, նրանք գիտակցաբար կիրառել են ավետարանն իրենց կյանքում։ «Մենք փորձել ենք ավետարանի մանրաթելերով հյուսել մեր կյանքի գործվածքը»,- ասել է երեց Սթրոնգը: «Դա է մեր էությունը»։

Երեց Սթրոնգը 1989 թվականին Բրիգամ Յանգ համալսարանում ստացել է բակալավրի գիտական աստիճան քիմիայի մանրէաբանության բնագավառում, իսկ 1993 թվականին Բեյլորի բժշկական քոլեջում ստացել է բժշկական աստիճան:

Նա եղել է բժիշկ և իր կանչվելու պահին աշխատում էր որպես բժշկական տեղեկատվության գլխավոր տնօրեն Յուտայի համալսարանում:

Երեց Սթրոնգը հասկացել է, որ խնդիրների բախվելիս, այդ թվում՝ իր մասնագիտության հետ կապված խնդիրների, նա գտել է լուծումները, երբ այդ մարտահրավերները դարձրել է աղոթքի առարկա: «Ես պարզապես զգում էի, որ Տերն ինձ գաղափարներ է տալիս և լուծումները ակնհայտ դարձնում ինձ համար, որոնք այլ կերպ չէի տեսնի»,- ասել է նա: «Ես հասկացել եմ, որ Նա իսկապես հոգ է տանում մեր մասին»:

Բարձրագույն Իշխանություն Յոթանասունական կանչվելու պահին երեց Սթրոնգը ծառայում էր որպես Տարածքային Յոթանասունական Յուտայի տարածաշրջանում։ Նա նաև ծառայել է որպես Պերու Լիմա կենտրոնական միսիայի նախագահ, ցցի նախագահ, եպիսկոպոս և լիաժամկետ միսիոներ Բոլիվիայի Կոչաբամբա միսիայում:

Մայքլ Բրենտ Սթրոնգը ծնվել է Սոլթ Լեյք Սիթիում 1965 թվականի օգոստոսի 6-ին։ Նա ամուսնացել է Քրիստին Քոնելիի հետ 1987 թվականի օգոստոսի 22-ին՝ Սոլթ Լեյքի տաճարում: Նրանք ունեն վեց երեխա։ Երեց և քույր Սթրոնգները բնակվում են Սենթրվիլում (Յուտա, ԱՄՆ):