របៀបដើម្បីប្រើប្រាស់តន្រ្តីក្នុងអង្គការបឋមសិក្សា

គោលបំណងនៃការមានតន្រ្តីនៅក្នុងអង្គការបឋមសិក្សា គឺដើម្បីបង្រៀនកុមារពីដំណឹងល្អរបស់ព្រះយេស៊ូវគ្រីស្ទ ។ ចម្រៀងកុមារធ្វើឲ្យមានការរៀនសូត្រពីដំណឹងល្អកាន់តែរីករាយ មានព្រះវិញ្ញាណ ហើយបង្កើតបរិយាកាសដែលមានគារវភាពដែលវិសេសវិសាលចំពោះការរៀនសូត្រ ( សូមមើលក្បួនខ្នាតភាគ 2 ៖ ការគ្រប់គ្រងសាសនាចក្រ[2010], 11.2.4 ) ។

ពេលធ្វើការរៀបចំដើម្បីបង្រៀនចម្រៀង សូមសួរខ្លួនឯងថា ៖ តើខ្ញុំអាចទាក់ទាញ និងរក្សាចំណាប់អារម្មណ៍របស់កុមារបានយ៉ាងដូចម្តេច ? តើខ្ញុំអាចសួរសំណួរអ្វីដើម្បីជួយកុមារយល់ពីសារលិខិតនៃដំណឹងល្អដែលមានក្នុងបទចម្រៀងនេះ ? តើវិធីសាស្រ្តអ្វីដែលខ្ញុំអាចប្រើដើម្បីបង្រៀនចម្រៀងនេះ ? ខាងក្រោមនេះ គឺជាវិធីសាស្រ្តមួយចំនួនដែលអ្នកអាចសាកល្បង ។ គំរូមួយចំនួន នឹងជួយអ្នកបង្រៀនចម្រៀងដែលបានស្នើនៅក្នុងគម្រោងនេះ ។ សម្រាប់គំនិតបន្ថែម សូមមើលអង្គការបឋមសិក្សាផ្នែកការបម្រើនៅក្នុងសាសនាចក្រ ក្រោម LDS.org និងគម្រោងផ្នែក « របៀបប្រើប្រាស់តន្រ្តីនៅក្នុងអង្គការបឋមសិក្សា » នៅក្នុងឆ្នាំ 2015 និង ឆ្នាំ2016 និងឆ្នាំ 2017 ។

បង្ហាញពីគោលការណ៍ដំណឹងល្អនៅក្នុងបទចម្រៀង ។

សូមធ្វើការពិចារណានូវយោបល់ដូចខាងក្រោម កាលដែលអ្នកបង្រៀន « ក្រុមគ្រួសារអាចរស់នៅជាមួយគ្នាជានិរន្ដរ៍ » ( ច.ក. ទំព័រ 188 ) ។ សុំឲ្យកុមារស្តាប់រកឃ្លាថា ផែនការរបស់ព្រះវរបិតាសួគ៌មួយផ្នែកដែលមាននៅក្នុងបទនេះ ហើយសូមឲ្យពួកគេក្រោកឈរ នៅពេលពួកគេដឹងថាវាជាអ្វី ( ក្រុមគ្រួសារ ) ។ អញ្ជើញកុមារឲ្យច្រៀងឃ្លានោះជាមួយអ្នក ។ សូមលើកឡើងថា សូមគូសបញ្ជាក់ថា ចង្វាក់ភ្លេងនៃបទ « នៅលើផែនដី » និង « សុខដល់ខ្ញុំ » គឺដូចគ្នា ហើយសុំឲ្យកុមារច្រៀងឃ្លាទាំងនោះ ។ សូមឲ្យពួកគេស្តាប់ឃ្លាមួយទៀត ហើយស្វែងរកថាតើពួកគេអាចចែកចាយជីវិតរបស់ពួកគេនឹងក្រុមគ្រួសារដទៃទៀតបានយូរប៉ុណ្ណា ។ សូមច្រៀងឃ្លាទីពីរ ដោយសង្កត់ធ្ងន់លើពាក្យ « រួមគ្នាជានិរន្តរ៍ » ។ អញ្ជើញកុមារឲ្យច្រៀងឃ្លានោះជាមួយអ្នក ហើយបន្ទាប់មកច្រៀងឃ្លាទាំងពីរជាមួយគ្នា ។ សុំឲ្យកុមារស្តាប់រកពាក្យផ្សេងទៀតដែលមានន័យថា « រួមគ្នាជានិរន្តរ៍ » នៅក្នុងឃ្លាបន្ទរ ។ ច្រៀងបទ « ក្រុមគ្រួសារអាចរស់រួមគ្នាជានិរន្តរ៍ » ហើយឲ្យពួកគេបន្ទរមកអ្នកវិញ ។ ច្រៀង ហើយឲ្យកុមារបន្ទរ « Through Heavenly Father’s plan ។»សូមសួរថាតើផែនការរបស់ព្រះវរបិតាសួគ៌ គឺជាអ្វី ដោយរំលឹកពួកគេថា ទ្រង់ចង់ឲ្យពួកគេរៀបការនៅក្នុងព្រះវិហារបរិសុទ្ធ និងមានក្រុមគ្រួសារដ៏នៅអស់កល្បជានិច្ចរបស់ពួកគេ ។ សូមបញ្ជាក់ការបង្រៀនឃ្លាបន្ទរ ដោយការច្រៀងឃ្លាទាំងអស់ ហើយអញ្ជើញកុមារឲ្យបន្ទរតប ។

អ្នកដឹកនាំតន្រ្តីច្រៀង — ដើម្បីជួយកុមារឲ្យរៀនបទនោះ « លើកដៃរបស់អ្នកឡើងជាទម្រង់ផ្តេក ហើយខណៈដែលកំពុងច្រៀង សូមលើកដៃរបស់អ្នកឡើងចុះៗ ដើម្បីបង្ហាញពីចង្វាក់ទាបខ្ពស់ » ទំព័រ 174 ) ។

សូមប្រើជំនួយចក្ខុ ដើម្បីជួយកុមារឲ្យរៀន ហើយចងចាំពាក្យទាំងអស់ ។

សូមគិតពីគំនិតខាងក្រោមនេះ នៅពេលអ្នកបង្រៀនបទ « If the Savior Stood Beside Me » ( ទំព័រ 28 នៅក្នុងការណែនាំនេះ ) ៖

សូមបង្កើតស្លាកពាក្យសម្រាប់ឃ្លានីមួយៗនៃបទចម្រៀង ហើយរករូបភាពដែលតំណាងឲ្យស្លាកពាក្យនីមួយៗ ។ សូមដាក់តាំងរូបភាពនៅបន្ទប់ម្ខាង ហើយស្លាកពាក្យនៅម្ខាងទៀត ។ សូមពិភាក្សាជាមួយកុមារពីរបៀបដែលពួកគេអាចធ្វើទង្វើផ្សេងៗ ប្រសិនបើពួកគេអាចឃើញព្រះអង្គសង្រ្គោះឈរនៅជិតគេ ។ សូមច្រៀងចម្រៀង ហើយសុំឲ្យកុមារផ្គូផ្គងរូបភាពជាមួយនឹងស្លាកពាក្យ ។
សុំឲ្យកុមារច្រៀងចម្រៀងជាមួយអ្នក នៅពេលដែលអ្នកចង្អុលទៅរូបភាព ។
សូមឲ្យឃ្លាមួយទៅថ្នាក់នីមួយៗដើម្បីច្រៀងខណៈពេលដែលកំពុងឈរ ហើយបន្ទាប់មកប្តូរឃ្លាផ្សេងៗរហូតដល់ថ្នាក់នីមួយៗមានឱកាសច្រៀងគ្រប់ឃ្លា ។

សូមប្រើសកម្មភាពឲ្យសមរម្យដើម្បីឲ្យកុមារចូលរួមចំណែក និងជួយពួកគេចងចាំចម្រៀង ។

សូមពិចារណាធ្វើតាមគំនិតដូចខាងក្រោម នៅពេលអ្នកបង្រៀន « ព្រះបិតាសួគ៌ស្នេហ៍ខ្ញុំ » (ច.ក. ទំព័រ 228–29 ) ។ សូមសួរកុមារថា តើពួកគេបង្ហាញសេចក្តីស្រឡាញ់របស់ពួកគេដល់សមាជិកគ្រួសារយ៉ាងដូចម្តេច ។ សូមសួរថា តើព្រះវរបិតាសួគ៌បានបង្ហាញសេចក្តីស្រឡាញ់របស់ទ្រង់ចំពោះពួកគេយ៉ាងដូចម្តេច ។ សូមពន្យល់ថា ទ្រង់បានបង្កើតពិភពលោកដ៏ស្អាតនេះសម្រាប់ពួកគេ ពីព្រោះទ្រង់ស្រឡាញ់ពួកគេ ។ សូមច្រៀងចម្រៀងដល់កុមារមួយឃ្លាម្តងៗ ហើយអញ្ជើញពួកគេឲ្យច្រៀងឃ្លានោះជាមួយអ្នក ពេលអ្នកបង្រៀនវគ្គ ៖ បក្សាបក្សីច្រៀង , មើលទៅមេឃពណ៌ខៀវស្រងាត់ , ទឹកភ្លៀងធ្លាក់លើមុខខ្ញុំ ។ល។ ចំពោះឃ្លាទីពីរ សូមអញ្ជើញពួកគេឲ្យធ្វើកាយវិការចង្អុលទៅភ្នែករបស់ពួកគេ ដោយធ្វើកាយវិការជាមេអំបៅ និងដាក់ដៃបាំងត្រចៀករបស់ពួកគេ ។ សូមអញ្ជើញពួកគេឲ្យច្រៀងវគ្គ « ទ្រង់ប្រទានជីវិត » បន្ទាប់មក សូមទះក្បាលរបស់ពួកគេ ( « គំនិត » ) សូមយកដៃដាក់លើដើមទ្រូង ( « ដួងចិត្ត » ) ហើយឲ្យកុមារឱនក្បាលរបស់ពួកគេ ហើយឱបដៃ « ខ្ញុំអរព្រះគុណទ្រង់ដោយស្ងាត់ » ) ។ សុំឲ្យពួកគេដាក់ដៃលើដើមទ្រូងរបស់ពួកគេវិញ នៅពេលដែលពួកគេច្រៀង « ពិតណាស់ ខ្ញុំដឹងថាព្រះបិតាសួគ៌ស្នេហ៍ខ្ញុំ » ។