Seminary
Pagpangandam alang sa Templo: Kinatibuk-ang Pagpasabot

“Pagpangandam alang sa Templo: Kinatibuk-ang Pagpasabot,” Manwal sa Magtutudlo sa Seminary sa Doktrina ug mga Pakigsaad (2025)

“Pagpangandam alang sa Templo,” Manwal sa Magtutudlo sa Seminary sa Doktrina ug mga Pakigsaad

Pagpangandam alang sa Templo

Pagpangandam alang sa Templo

Kinatibuk-ang Pagpasabot

Sa tanang kapanahonan, ang Ginoo misugo sa Iyang mga katawhan sa pagtukod og mga templo. Diha sa mga templo, makakat-on kita bahin kang Jesukristo ug makahimo og sagradong mga pakigsaad. Usa sa mga pakigsaad nga atong gihimo mao ang pagsunod sa balaod sa pagpahinungod. Pwede kitang moserbisyo ug mosimba sa Ginoo sa tibuok natong kinabuhi pinaagi sa pag-apil diha sa buluhaton sa templo ug family history.

Sugyot sa gipaspason: Kini nga mga leksiyon pwedeng itudlo sa bisan unsang panahon sa tuig sa pag-eskwela o sa bisan unsang semana sa Dali, Sunod Kanako nga gipaspason. Ang piho nga mga posibilidad nakalista sa ubos alang sa matag leksiyon.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Si Jesukristo Anaa sa Sentro sa Tanang Pagsimba diha sa Templo

Sugyot sa gispaspason: Pwede nimong ikonsiderar ang pagtudlo niini nga leksiyon sa samang higayon nga imong itudlo ang leksiyon nga “Doktrina ug mga Pakigsaad 95,” dihang tun-an sa mga estudyante ang sugo sa Ginoo sa pagtukod sa Kirtland Temple; o ang leksiyon nga “Doktrina ug mga Pakigsaad 109,” dihang tun-an sa mga estudyante ang bahin sa pagpahinungod sa Kirtland Temple; o ang leksiyon nga “Doktrina ug mga Pakigsaad 124,” dihang tun-an sa mga estudyante ang bahin sa Nauvoo Temple.

Katuyoan sa leksiyon: Aron tabangan ang mga estudyante nga mas tinguhaon ang pagsimba kang Jesukristo diha sa Iyang balay.

  • Pagpangandam sa estudyante: Dasiga ang mga estudyante nga ikonsiderar ang kaimportante sa duha ka hugpong sa mga pulong nga nasulat sa kada templo: “Pagkabalaan ngadto sa Ginoo” ug “Ang Balay sa Ginoo.”

  • Mga imahe nga ipakita: Batan-on nga nag-ambit sa sakramento; batan-on nga mitambong sa simbahan; full-time nga mga misyonaryo; ang tabernakulo sa panahon ni Moises; templo ni Solomon; ang templo sa mga Nephita sa Bountiful

  • Mga bidyo: “Ang Templo ug ang Inyong Espirituwal nga Pundasyon” (18:59; tan-awa gikan sa time code 4:27 hangtod 5:03); “Sa Maong Balaang Dapit” (4:36)

Paghimo sa Pagsimba sa Templo nga usa ka Tibuok Kinabuhi nga Paningkamot

Sugyot sa gipaspasanon: Pwede nimong ikonsiderar ang pagtudlo niini nga leksiyon sa samang higayon nga imong itudlo ang leksiyon nga “Doktrina ug mga Pakigsaad 95,” dihang tun-an sa mga estudyante ang sugo sa Ginoo sa pagtukod sa Kirtland Temple; o ang leksiyon nga “Doktrina ug mga Pakigsaad 109,” dihang tun-an sa mga estudyante ang bahin sa pagpahinungod sa Kirtland Temple; o ang leksiyon nga “Doktrina ug mga Pakigsaad 124,” dihang tun-an sa mga estudyante ang bahin sa Nauvoo Temple.

Katuyoan sa leksiyon: Kini nga leksiyon makatabang sa mga estudyante nga mabati ang kaimportante sa pagsimba sa Ginoo diha sa templo sa tibuok nilang kinabuhi.

  • Pagpangandam sa estudyante: Pwede nimong dapiton ang mga estudyante sa pagpangutana sa sakop sa pamilya o lider sa Simbahan kon sa unsang paagi sila napanalanginan tungod sa pagtambong sa templo.

  • Bidyo: “Pagpundok sa Pamilya sa Dios” (18:01; tan-awa gikan sa time code 15:16 hangtod 15:44)

Diha sa Templo, Kita Nakigsaad nga Motuman sa Balaod sa Pagpahinungod

Sugyot sa gipaspason: Pwede nimong ikonsiderar ang pagtudlo niini nga leksiyon sa samang higayon nga imong itudlo ang leksiyon nga “Doktrina ug mga Pakigsaad 42:29–42,” dihang tun-an sa mga estudyante ang balaod sa pagpahinungod.

Katuyoan sa leksiyon: Aron tabangan ang mga estudyante nga masabtan ang sagradong balaod sa pagpahinungod, nga kita nakigsaad diha sa templo sa Dios nga tumanon.

  • Pagpangandam sa estudyante: Dapita ang mga estudyante nga isulat kon giunsa nila paggamit ang ilang panahon, mga talento, o mga kapanguhaan aron makaamot sa Simbahan ug gingharian sa Ginoo.

  • Mga imahe nga ipakita: Cake nga naay topping

  • Handout: “Ang Balaod sa Pagpahinungod sa Ginoo”

Family History ug Pagserbisyo sa Templo

Sugyot sa gipaspason: Pwede nimong ikonsiderar ang pagtudlo niini nga leksiyon sa samang higayon nga imong itudlo ang leksiyon nga “Doktrina ug mga Pakigsaad 127–128, Bahin 2,” dihang tun-an sa mga estudyante ang pag-apil sa buhat sa templo ug family history.

Katuyoan sa leksiyon: Aron tabangan ang mga estudyante sa pagpangita sa mga ngalan sa ilang namatay na nga katigulangan ug paghimo og mga ordinansa alang nila diha sa mga templo sa Ginoo.