Fiomanana ho any amin’ny tempoly

Fiomanana ho any amin’ny tempoly

Topimaso ankapobeny

Hatramin’izay ny Tompo dia nandidy ny vahoakany hanangana tempoly. Any amin’ny tempoly isika dia mianatra momba an’i Jesoa Kristy sy manao fanekempihavanana masina. Anisan’ny fanekempihavanana ataontsika ny fiainana ny lalàn’ny fanokanana. Afaka manompo sy mitsaoka ny Tompo mandritra ny androm-piainantsika isika amin’ny alalan’ny fandraisana anjara amin’ny asa atao any amin’ny tempoly sy asa mikasika ny tantaram-pianakaviana.

Sosokevitra amin’ny fandaminana ny fotoana: Ireo lesona ireo dia azo ampianarina amin’ny fotoana rehetra mandritra ny taom-pianarana na mandritra ny herinandro ao amin’ny fandaminana ny fotoana ao amin’ny Avia, Hanaraka Ahy. Voatanisa etsy ambany ireo zavatra azo atao manokana ho an’ny lesona tsirairay.

Miomana hampianatra

Ity fampahalalana manaraka ity dia manome hevitra anao momba ny zavatra mety hilainao homanina mialoha ho an’ny lesona tsirairay.

I Jesoa Kristy no ivon’ny fitsaohana rehetra any amin’ny tempoly

Sosokevitra amin’ny fandaminana ny fotoana: Azonao atao ny mampianatra ity lesona ity mandritra ny fotoana ampianaranao ny lesona “Fotopampianarana sy Fanekempihavanana 95,” rehefa mianatra momba ny didin’ny Tompo hanangana ny Tempolin’i Kirtland ny mpianatra; na ny lesona “Fotopampianarana sy Fanekempihavanana 109,” rehefa mianatra momba ny nanokanana ny Tempolin’i Kirtland ny mpianatra; na ny lesona “Fotopampianarana sy Fanekempihavanana 124,” rehefa mianatra momba ny Tempolin’i Nauvoo ny mpianatra.

Tanjon’ny lesona: Hanampy ireo mpianatra hahatsapa faniriana bebe kokoa hitsaoka an’i Jesoa Kristy ao amin’ny tranony.

• Fanomanana ny mpianatra: Amporisiho ny mpianatra hieritreritra ny dikan’ireo andian-teny roa izay voasoratra eo amin’ny tempoly tsirairay hoe: “Fahamasinana ho an’ny Tompo” sy “Ny tranon’ny Tompo.”

• Sary haseho: Zatovo mandray ny fanasan’ny Tompo; zatovo mankao am-piangonana; misiônera manompo amin’ny fotoana feno; ny tabernakely tamin’ny andron’i Mosesy; Tempolin’i Solomona; ny tempolin’ny Nefita tao Soafeno

Fanaovana ny fitsaohana any amin’ny tempoly ho zavatra hatao mandritra ny androm-piainana

Sosokevitra amin’ny fandaminana ny fotoana: Azonao atao ny mampianatra ity lesona ity mandritra ny fotoana ampianaranao ny lesona “Fotopampianarana sy Fanekempihavanana 95,” rehefa mianatra momba ny didin’ny Tompo hanangana ny Tempolin’i Kirtland ny mpianatra; na ny lesona “Fotopampianarana sy Fanekempihavanana 109,” rehefa mianatra momba ny nanokanana ny Tempolin’i Kirtland ny mpianatra; na ny lesona “Fotopampianarana sy Fanekempihavanana 124,” rehefa mianatra momba ny Tempolin’i Nauvoo ny mpianatra.

Tanjon’ny lesona: Ity lesona ity dia afaka manampy ny mpianatra hahatsapa ny maha-zava-dehibe ny fitsaohana ny Tompo any amin’ny tempoly mandritra ny androm-piainan’izy ireo.

• Fanomanana ny mpianatra: Azonao atao ny manasa ny mpianatra hanontany olona iray ao amin’ny fianakaviana na mpitarika ao amin’ny Fiangonana ny fomba nitahiana azy ireo tamin’ny alalan’ny fandehanana tany amin’ny tempoly.

Manao fanekempihavanana ny hitandrina ny lalàn’ny fanokanana isika ao amin’ny tempoly

Sosokevitra amin’ny fandaminana ny fotoana: Azonao heverina ny hampianatra ity lesona ity amin’ny fotoana izay ampianaranao ny “Fotopampianarana sy Fanekempihavanana 42:29–42”, rehefa mianatra momba ny lalàn’ny fanokanana ny mpianatra.

Tanjon’ny lesona: Hanampy ny mpianatra hahatakatra ny lalàna masin’ny fanokanana, izay anaovantsika fanekempihavanana any amin’ny tempoly miaraka amin’ Andriamanitra fa hankatoavintsika.

• Fanomanana ny mpianatra: Asao ny mpianatra hanoratra ny fomba hampiasany ny fotoanany, ny talentany, na ny fananany mba handraisana anjara ao amin’ny Fiangonan’ny Tompo sy ny fanjakany.

• Sary haseho: Mofomamy miaraka amin’ny fangarony

• Taratasy zaraina: “Ny lalàn’ny Tompo momba ny fanokanana”

Tantaram-pianakaviana sy asa fanompoana any amin’ny tempoly

Sosokevitra amin’ny fandaminana ny fotoana: Azonao heverina ny hampianatra ity lesona ity rehefa mampianatra ny lesona “Fotopampianarana sy Fanekempihavanana 127–128, Tapany 2,” rehefa mianatra momba ny fandraisana anjara amin’ny asa atao amin’ny tempoly sy ny asa mikasika ny tantaram-pianakaviana ny mpianatra.

Tanjon’ny lesona: Mba hanampy ny mpianatra hahita ny anaran’ireo razamben’izy ireo efa nodimandry sy hanao ôrdônansy ho azy ireo any amin’ny tempolin’ny Tompo.

• Fanomanana ny mpianatra: Asao ireo mpianatra mba ho vonona hampiasa ny anarana sy tenimiafin’izy ireo ao amin’ny FamilySearch. Amporisiho izy ireo hanao pirinty sy hitondra karatra fanaovana ôrdônansy ho an’ny fianakaviana avy ao amin’ny FamilySearch.

• Horonan-tsary: “Mifantoha amin’ny tempoly” (7:18; jereo manomboka eo amin’ny mari-potoana 3:50 hatramin’ny 4:36)