Ուխտեր և արարողություններ

Հիմնական ուխտերն ու արարողությունները օգնում են մեզ վեհացման և հավերժական կյանքի ճանապարհին

Այսօրվա տեխնոլոգիական պայմաններում մենք կարող ենք արագ գտնել մանրամասն հրահանգներ և քարտեզներ, որոնք կօգնեն մեզ հասնել այնտեղ, ուր ուզում ենք գնալ: Հիսուս Քրիստոսի վերականգնված ավետարանը մեր քարտեզն է և մանրամասն հրահանգը՝ իմաստ գտնելու այս կյանքում, ինչպես նաև հավերժական կյանքը՝ գալիք աշխարհում: Երբ մենք ընտրում ենք հետևել Քրիստոսին և ապրել ավետարանով, Աստված մեզ առաջարկում է փրկության և վեհացման սուրբ ուխտեր և արարողություններ, որոնք կապում են մեզ Նրա հետ և ուղղորդում մեզ հավերժական կյանք տանող ճանապարհին:

Ի՞նչ են ուխտերն ու արարողությունները:

Արարողությունը քահանայության իշխանությամբ կատարված սրբազան, պաշտոնական գործողություն է։ Հաճախ արարողությունները վերաբերում են հատուկ ուխտերին կամ սուրբ խոստումներին՝ Աստծո և Նրա զավակների միջև: Երբ մենք ուխտեր ենք կապում և ստանում արարողություններ, մենք առաջադիմում ենք դեպի Աստված վերադառնալու մեր հոգևոր ճամփորդության մեջ: Արարողությունները, որոնք էական են փրկության և վեհացման համար, ներառում են՝ մկրտությունը, հաստատումը և Սուրբ Հոգու պարգևի ստացումը, Մելքիսեդեկյան Քահանայության ստացումը տղամարդկանց համար, տաճարային օժտումը և տաճարային կնքումը ամուսնու կամ կնոջ հետ: Այն երեխաները, որոնք մահացել են մինչև ութ տարեկանը, նույնպես կփրկվեն սելեստիալ արքայությունում (տես Վարդապետություն և Ուխտեր 137.10):

Թեմայի ակնարկ․ Ուխտ և արարողություններ

Ավետարանի ուսումնասիրության ուղեցույցներ․ Մկրտություն, Սուրբ Հոգու պարգև, Մելքիսեդեկյան քահանայություն, Օժտում, Կնքում, Նմանվել Հիսուս Քրիստոսին, Կարևոր արարողություններ մահացածների համար

Բաժին 1

Ուխտի ուղին կտանի ձեզ դեպի հավերժական կյանք

Նկար

տաճարի առջև կանգնած զույգը

Եթե պատկերացնեք ձեր կյանքը որպես դեպի Աստված հետդարձի ճամփորդություն, ուխտեր կապելը և արարողություններ ստանալը նման է դեպի հավերժական կյանք տանող այդ ճանապարհի ուղենշաններին (տես Վարդապետություն և Ուխտեր 14․7)։ Դրանք հիմնական քայլերն են Հիսուս Քրիստոսի մոտ գալու ձեր ջանքերում, և այդ ճանապարհով առաջ ընթանալու ընթացքում դուք կունենաք Նրա օգնության կարիքը (տես 2 Նեփի 9․41)։ Եկեղեցում մենք երբեմն դա անվանում ենք «ուխտի ուղի», որը Հիսուս Քրիստոսի ավետարանով ապրելու փոխաբերություն է: Ավետարանը որպես ուղի դիտարկելը ընդգծում է ուխտեր կապելու և պահելու և արարողություններ ստանալու կարևորությունը, երբ մենք առաջադիմում ենք դեպի հավերժական կյանք՝ Երկնային Հոր և Հիսուս Քրիստոսի հետ:

Ուխտի ճանապարհին մնալը ձեզ ապահովություն, խաղաղություն և հարատև ուրախություն կապահովի: Դա ձեզ ուժ կտա դժվարին պահերին։ Նախագահ Ռասսել Մ. Նելսոնը խոստացել է. «Ես ասում եմ Եկեղեցու յուրաքանչյուր անդամի՝ շարունակեք ուխտի ուղին: Փրկչին հետևելու ձեր պարտավորությունը՝ ուխտեր կապելով Նրա հետ և պահելով այդ ուխտերը, դուռ կբացի տղամարդկանց, կանանց և երեխաների համար նախատեսված հոգևոր բոլոր օրհնությունների և արտոնությունների առաջ»։

Մտորելու հարցեր

Հարություն առած Փրկիչը հրավիրեց Լիառատի տաճարի մոտ հավաքված մարդկանց գալ Իր մոտ (տես 3 Նեփի 11.14-17)։ Դիտեք Covenants and Ordinances (1:37) տեսանյութը, լսելով, թե ինչ է ուսուցանում Երեց Դեյվիդ Ա. Բեդնարը ուխտերի և արարողությունների մասին, որոնք օգնում են մեզ գալ Հիսուս Քրիստոսի մոտ։ Ի՞նչ օրհնություններ են ստանում նրանք, ովքեր արժանավորությամբ ուխտեր են կապում Աստծո հետ և ստանում Նրա արարողությունները։
Լեքի մարգարեն երազում տեսավ «նեղ ու անձուկ մի արահետ», որը տանում էր դեպի կյանքի ծառը։ Կարդացեք 1 Նեփի 8.19-24, 30։ Ի՞նչ ենք սովորում այդ հատվածից ուխտի արահետի վրա մնալու կարևորության մասին։ Ի՞նչ ջանքեր եք գործադրել ձեր կյանքում ուխտի արահետի վրա մնալու համար: Ինչպե՞ս կարող է ապաշխարությունն օգնել ձեզ մնալ Աստծո ուղու վրա։

Սովորեք միասին

Սուրբ Հոգու պարգևի միջոցով ուխտ կապողները աստվածային օգնություն են ստանում, որպեսզի դառնան ուխտ պահողներ։ Դիտեք The Covenant Path (2:30)։ Խոսեք այն մասին, թե ինչպես կարող եք պահել այս տեսանյութում երեց Դ․ Թոդ Քրիստոֆերսոնի կողմից կարևորված ուխտերը։ Որո՞նք են ուխտի արահետին հետամուտ լինելուց եկող օրհնությունները։
Կարող եք ձեր խմբի անդամների հետ ուսումնասիրել Ինչու են կարևոր արարողությունները և ուխտերը հոդվածը։ Հրավիրեք խմբի անդամներին բացահայտել այն կարևոր դերը, որը խաղում է Տիրոջ տունը՝ ուխտի ճանապարհին հետամուտ լինելու և մնալու մեր ջանքերում:

Լրացուցիչ աղբյուրներ

2 Նեփի 31․17-20, 33․9, Հելաման 3․27-30, Վարդապետություն և Ուխտեր 84․20-21, Հավատո Հանգանակ 1․3։
Ընդհանուր ձեռնարկ․ Ծառայել Հիսուս Քրիստոսի Վերջին Օրերի Սրբերի Եկեղեցում, 1.3.2, 3.5.1, 3.5.2, Ավետարանի գրադարան
Դ. Թոդ Քրիստոֆերսոն, «Ինչո՞ւ ուխտի արահետ», Լիահոնա, մայիս 2021, 116:
Randy D. Funk, “Covenants, Ordinance and Blessings,” Liahona, Sept. 2021, 30–35
«Ինչու են կարևոր արարողությունները և ուխտերը», ChurchofJesusChrist.org:

Բաժին 2

Աստված հրավիրում է ձեզ կապվել Հիսուս Քրիստոսին ուխտերի միջոցով

Նկար

Նկարը բռնած պատանին

Սրբազան ուխտերը կապելը և պահելը կապում են ձեզ Տեր Հիսուս Քրիստոսին (տես Վարդապետություն և Ուխտեր 35․24)։ Նախագահ Ռասսել Մ. Նելսոնը բացատրել է․ «Մտնելով ուխտյալ հարաբերությունների մեջ Աստծո հետ, մենք Նրա հետ կապվում ենք այնպիսի ձևով, որը հեշտացնում է կյանքում ամեն ինչ։ Խնդրում եմ ինձ ճիշտ հասկանալ. ես չեմ ասում, որ ուխտերը հեշտացնում են կյանքը: Բայց Փրկչի հետ աշխատանքին լծվելը նշանակում է, որ ձեզ հասանելի են Նրա ուժը և փրկագնող զորությունը»:

Հիսուս Քրիստոսի ավետարանը կազմված է այնպես, որպեսզի պատրաստի ձեզ հետևել Իրեն և դառնալ Իր նման։ Երեց Դեյվիդ Ա. Բեդնարն ասել է․ «Ուխտերն ու արարողությունները այն շինարարական աղյուսներն են, որոնք մեզ հնարավորություն են տալիս կառուցելու մեր կյանքը «մեր Քավիչի վեմի» [Հելաման 5.12] և Նրա Քավության վրա»: Երբ դուք ձգտում եք դիմանալ մինչև վերջ, պահելով ձեր ուխտերը, դուք կվայելեք փրկությունը և վեհացումը, որոնք առաջարկում է Հիսուս Քրիստոսը (տես Օմնի 1․26)։

Մտորելու հարցեր

Թեև արարողությունները, որոնք մենք ստանում ենք, բազմազան են, դրանք բոլորն ունեն մեկ ընդհանուր նպատակ. դրանք օգնում են մեզ ավելի մոտենալ Հիսուս Քրիստոսին և ապահովել Նրա զորության հասանելիությունը: Եկեղեցու քահանայության որոշ արարողություններ օգնում են մեզ ավելի մոտենալ Հիսուս Քրիստոսին, բայց դրանք կենսական չեն փրկության և հավերժական կյանքի համար (օրինակ՝ երեխաների անուններ տալն ու օրհնելը, յուղով օծումը կամ գերեզմանների նվիրագործումը):

Մեր փրկության և վեհացման համար պահանջվում են այլ արարողություններ (մկրտություն, հաստատում և Սուրբ Հոգու պարգև, Մելքիսեդեկյան Քահանայություն տղամարդկանց համար, տաճարային օժտում և տաճարային կնքում ամուսնու կամ կնոջ հետ): Ինչպե՞ս կարող է այս հիմնական արարողությունների և հարակից ուխտերի մասին սովորելը օգնել ձեզ չափել ձեր առաջընթացը ուխտի ճանապարհին:

Սովորեք միասին

Հին Կտակարանում Աբրահամ մարգարեն օրինակ է այն մարդու, որը հավատարիմ էր Աստծո հետ ուխտեր կապելու և պահելու հարցում: Դիտեք Elder Nelson Talks about Covenants տեսանյութը (4:45), լսելով Աբրահամին տված Աստծո օրհնությունները։ Այս խոստացված օրհնություններից ո՞րն է այսօր հասանելի Եկեղեցու անդամներին: Ինչպե՞ս են ուխտերի օրհնություններն օգնում մեզ ավելի լավ հասկանալ Երկնային Հոր սիրառատ ծրագիրը Իր զավակների համար:

Լրացուցիչ աղբյուրներ

1 Նեփի 17․40, Ալմա 13․16, 3 Նեփի 20․24-26, Վարդապետություն և Ուխտեր 43․9, 82․15։
Ռասսել Մ. Նելսոն, «Հաղթել աշխարհին և հանգստություն գտնել», Լիահոնա, նոյեմբեր 2022, 95-98:
Դեյվիդ Ա. Բեդնար, «Բայց մենք ուշադրություն չդարձրեցինք նրանց վրա», Լիահոնա, մայիս 2022, 14։
Դեյվիդ Ա. Բեդնար «Կապված Փրկչի հետ՝ ուխտերի միջոցով», Երիտասարդներին զորացնելու համար, փետրվար 2022, 3-5:
Դեյլ Գ. Ռենլանդ, «Աստծո զորության հասանելիությունը ուխտերի միջոցով», Լիահոնա, մայիս 2023, 35-37: