Մկրտություն

«Եթե մեկը ջրից ու Հոգուց չծնվի, նա չի կարող մտնել Աստծու արքայությունը» (Հովհաննես 3.5):

Ե՞րբ եք ձեր կյանքում զղջացել լուրջ սխալ կամ մեղք գործելու հետևանքով: Վերականգնված ավետարանի հիմնական ուղերձն այն է, որ Հիսուս Քրիստոսի հանդեպ հավատքի, անկեղծ ապաշխարության և իշխանություն կրողի կողմից ընկղմումով մկրտության միջոցով մենք կարող ենք ներում և մեղքերի թողություն ստանալ: Մկրտությունը խորհրդանշում է վերածնունդը՝ նոր կյանքի սկիզբը։ Դա առաջին քայլն է Նրա Եկեղեցու անդամ դառնալու և Տիրոջ տանը սուրբ արարողություններն ու ուխտերը ստանալու ճանապարհին: Երբ մկրտվում եք, դուք ուխտ եք կապում Աստծո հետ առ այն, որ «կամենում եք վերցնել ձեզ վրա Քրիստոսի անունը» և պահել Նրա պատվիրանները ձեր ողջ կյանքում (2 Նեփի 31․13): Այդ կարևոր խոստումը նորոգվում է ամեն անգամ, երբ դուք ճաշակում եք հաղորդությունը (տես Վարդապետություն և Ուխտեր 20․77)։

Ի՞նչ է մկրտությունը։

Իշխանություն ունեցող անձի կողմից ջրի մեջ ընկղմումով մկրտությունը փրկության և վեհացման քահանայության առաջին արարողությունն է: Անհատի համար մկրտությունն անհրաժեշտ է Հիսուս Քրիստոսի Վերջին Օրերի Սրբերի Եկեղեցու անդամ դառնալու և սելեստիալ արքայություն մտնելու համար (տես Հովհաննես 3.5): Մկրտության միջոցով մենք ստանում ենք օրհնություններ, որոնք հասանելի են Հիսուս Քրիստոսի Քավության շնորհիվ:

Թեմայի ակնարկ․ Մկրտություն

Ավետարանի ուսումնասիրության ուղեցույցներ․ Հավատք առ Հիսուս Քրիստոս, Ապաշխարություն, Փրկություն, Հավերժական կյանք, Ուխտեր և արարողություններ, Հավերժական արարողություններ մահացածների համար

Բաժին 1

Հիսուս Քրիստոսը հրավիրում է բոլորին հետևել Իրեն և մկրտվել

Նկար

Հովհաննես Մկրտիչը մկրտում է Հիսուս Քրիստոսին

Թեև Հիսուս Քրիստոսը սուրբ էր և անմեղ, Նա եկավ Հովհաննես Մկրտչի մոտ և մկրտվեց՝ «կատարելու ամեն արդարություն» (տես Մատթեոս 3․13-17, Եբրայեցիս 4․15, 2 Նեփի 31․5-7)։ Աստված Իր բոլոր զավակներին պատվիրել է հետևել Հիսուս Քրիստոսի օրինակին և մկրտվել՝ մեղքերի համար թողություն ստանալու և հավերժական կյանք ժառանգելու համար (տես 2 Նեփի 31․13, 17-18)։ Մենք պատրաստվում ենք մկրտության, երբ հավատք ենք գործադրում Հիսուս Քրիստոսի հանդեպ և ապաշխարում մեր մեղքերից, որը դրսևորվում է կոտրված սրտով և փշրված ոգով (տես Մորոնի 6․1–3, Վարդապետություն և Ուխտեր 20․37)։

Աստված պատվիրել է, որ մկրտությունը կատարվի քաhանայության իշխանություն կրողի կողմից (տես 3 Նեփի 11․21-28, Վարդապետություն և Ուխտեր 20․72-74, 22․1-4, ներառյալ պատմական նախաբանը)։ 1829 թվականի մայիսին մկրտության արարողությունը և մկրտելու իշխանությունը վերականգնվեցին Մարգարե Ջոզեֆ Սմիթին՝ երկնային սուրհանդակ Հովհաննես Մկրտչի կողմից (տես Ջոզեֆ Սմիթ-Պատմություն 1․68-73)։

Պատմության ընթացքում Աստծո զավակներից շատերը ապրել և մահացել են առանց Հիսուս Քրիստոսի ավետարանի մասին իմանալու կամ Նրա քահանայության իշխանությամբ մկրտությունը ստանալու։ Քանի որ յուրաքանչյուր հոգի թանկ է Աստծո աչքում, Նրա ծրագիրը այդ մահացած անձանց հնարավորություն է տալիս սովորել ավետարանի մասին հոգիների աշխարհում (Վարդապետություն և Ուխտեր 138․30)։ Այսօր Եկեղեցու անդամները փնտրում և գտնում են իրենց մահացած նախնիների անունները, որոնք չեն ստացել ավետարանի անհրաժեշտ արարողությունները այս կյանքում, և նրանց փոխարեն մկրտվում են Հիսուս Քրիստոսի Վերջին Օրերի Սրբերի Եկեղեցու տաճարներում (տես Վարդապետություն և Ուխտեր 128․16-18)։

Մտորելու հարցեր

Նեփի մարգարեն գրել է այն մասին, թե ինչու մկրտվեց Հիսուս Քրիստոսը: Ուսումնասիրեք 2 Նեփի 31․4-13: Ի՞նչ են այդ հատվածները ուսուցանում Տիրոջ մկրտության նպատակի մասին։ Ի՞նչ է նշանակում այն, որ մկրտությունը վկայություն է «Հորը, որ դուք կամենում եք վերցնել ձեզ վրա Քրիստոսի անունը»: (2 Նեփի 31․13)։
Կարդացեք Վարդապետություն և Ուխտեր 20․37 հատվածները՝ փնտրելով, թե ինչ կարևոր եղանակներով պետք է պատրաստվել մկրտությանը: Այս հատվածը ինչպե՞ս կարող է ուղղություն հանդիսանալ Եկեղեցու անդամի համար, որը մկրտվել է ավելի երիտասարդ տարիքում։

Սովորեք միասին

Մահացածների համար մկրտության վերականգնված վարդապետությունը հսկայական օրհնություն էր Ջոզեֆ Սմիթի, վաղ օրերի Վերջին Օրերի Սրբերի, ինչպես նաև այսօր մեզ համար։ Դիտեք «Glad Tidings: The History of Baptisms for the Dead» տեսանյութը (6:55), և մտածեք՝ ինչ կզգայիք, եթե լինեիք վաղ օրերի Սրբերից մեկը, որն իմացավ մահացածների մկրտության վարդապետության մասին։ Ի՞նչ է այս վարդապետությունը ուսուցանում ձեզ Երկնային Հոր փրկության ծրագրի մասին:

Իմանալ ավելին

Ա Կորնթացիս 15․29, Ալմա 7․14-16, Վարդապետություն և Ուխտեր 18․41-42, Հավատո Հանգանակ 1․4
«Մկրտությունը և Սուրբ Հոգու պարգևը», Եկեղեցու Նախագահների ուսմունքները. Ջոզեֆ Սմիթ (2011), 89–99
Դեյվիդ Ա․ Բեդնար, «Միշտ պահեք ձեր մեղքերի թողությունը», Լիահոնա, մայիս 2016, 59-62։
“Jesus Christ Teaches Repentance and Baptism” (video), Gospel Library

Բաժին 2

Մկրտությունը պատրաստում է ձեզ հավերժական կյանքին

Նկար

ընտանեկան գրկախառնում

Մկրտությունը խորհրդանշում է մահը, թաղումը և Հիսուս Քրիստոսի Հարությունը: Այս կարևոր մտապատկերն օգնում է մեզ մկրտվելիս տեսնել մեր իսկ հոգևոր վերածննդի խորհրդանշականությունը: Ինչպես Հիսուս Քրիստոսը մեռելներից հարություն առավ դեպի նոր կյանք, մենք նույնպես պետք է «նոր կյանքով ընթանանք», երբ դուրս գանք մկրտության ջրերից (Հռովմայեցիս 6․4, տես նաև հատվածներ 3-11)։

Սուրբ գրություններում մկրտությունը և հոգևոր փոփոխությունը, որը տեղի է ունենում Հիսուս Քրիստոսի խոնարհ հետևորդների հետ, նմանեցվում է ծնվելուն (տես Հովհաննես 3․1-8)։ Ինչպես մանուկը ծնվում է ջրով, արյունով և հոգով, բոլոր նրանք, ովքեր մկրտվում են և ձգտում են հետևել Հիսուս Քրիստոսին, նորից ծնվում են ջրի և Հոգու միջոցով և «մաքրվում են արյունով, այսինքն՝ [Քրիստոսի] արյունով» (Մովսես 6․59)։ Հետևաբար, օգտակար է մտածել, թե ինչպես է հոգևոր վերածնունդը կամ «վերստին ծնվելը» մեզ տալիս կյանքի մաքուր սկիզբ (տես Մոսիա 5․7, 27․25-26)։

Տերն ուսուցանում է, որ ջրով մկրտությունը նախորդում է կրակով մկրտությանը: Դա Սուրբ Հոգու պարգևն է, որը մաքրագործում է կրակի նման (տես Գործք 1․5, 2 Նեփի 31․13)։ Կրակով մկրտությունը մեղքերի թողություն է բերում (տես 2 Նեփի 31․17, 3 Նեփի 9.19-20, Վարդապետություն և Ուխտեր 39․6):

Մտորելու հարցեր

Երեց Դեյվիդ Ա. Բեդնարն ուսուցանել է.

«Մենք անկատար մարդկային էակներ ենք, որոնք ձգտում են մականացու կյանքում ապրել՝ համաձայն Երկնային Հոր հավերժական առաջընթացի կատարյալ ծրագրի: Նրա ծրագրի պահանջները փառահեղ են, ողորմած և խիստ: Մենք երբեմն կարող ենք լցվել վճռականությամբ, իսկ մեկ այլ դեպքում լիովին անհամապատասխան զգանք: Մենք գուցե ցանկանանք իմանալ՝ արդյոք երբևէ հոգևորապես կարո՞ղ ենք կատարել վերջին օրը Նրա առջև անբիծ կանգնելու պատվիրանը:

«Տիրոջ օգնությամբ և Նրա Հոգու զորության միջոցով «նա ամեն բան [մեզ] կուսուցանի» [Հովհաննես 14․26], մենք իսկապես կարող ենք օրհնվել՝ հասկանալով մեր հոգևոր հնարավորությունները: Արարողությունները հոգևոր նպատակ և ուժ են հրավիրում մեր կյանք, երբ մենք ձգտում ենք կրկին ծնվել և դառնալ Քրիստոսի տղամարդիկ և կանայք: Մեր թուլությունները կարող են ուժեղ կողմեր դառնալ, իսկ մեր սահմանափակումները կարող են հաղթահարվել»:

Ո՞րն է մեր դերը «վերստին ծնվելու» մեջ։ Ի՞նչ օրհնություններ են ստանում նրանք, ովքեր ձգտում են վերսին ծնվել։

Սովորեք միասին

Կարող եք դիտել «Jesus Teaches of Being Born Again» տեսանյութը (6:03), հրավիրելով խմբի անդամներին ուշադրություն դարձնել, թե ինչ սկզբունքներ էր Հիսուս Քրիստոսը ուսուցանում Նիկոդեմոսին։ Հիսուսն ինչպե՞ս օգտագործեց ֆիզիկապես ծնվելու խորհրդանշականությունը, որպեսզի օգնի Նիկոդեմոսին ավելի լավ հասկանալ, թե ինչպես պատրաստվել Աստծո արքայությանը:

Իմանալ ավելին

Հովհաննես 3․1-8, Բ Կորնթացիս 5․17, Մոսիա 5․7, 27․24-26
Դեյվիդ Ա. Բեդնար, «Մենք պետք է վերստին ծնվենք», Լիահոնա, մայիս 2007, 19-22
Դ. Թոդ Քրիստոֆերսոն, «Վերստին ծնված», կամ Լիահոնա, մայիս 2008, 76։

Բաժին 3

Փոքր երեխաները մկրտության կարիք չունեն

Նկար

Երեխաները վազում են

Հիսուս Քրիստոսն ուսուցանել է, որ փոքրիկ երեխաները անմեղ են Աստծո առաջ (տես Մատթեոս 18:3, Մարկոս 2.17, Մորոնի 8.8): Հիսուս Քրիստոսի Քավության շնորհիվ փոքր երեխաները մկրտության կարիք չունեն։ Ծնողները պարտավոր են ուսուցանել իրենց երեխաներին Հիսուս Քրիստոսի հանդեպ հավատքի, ապաշխարության, մկրտության և Սուրբ Հոգու պարգևի կարևորությունը (տես Վարդապետություն և Ուխտեր 68․25-28)։ Երեխաները պետք է մկրտվեն պատասխանատվության տարիքում՝ ութ տարեկանում, ինչպես նկարագրում են սուրբ գրությունները (տես Վարդապետություն և Ուխտեր 20.71, 29.46-47, 68. 27): «Բոլոր երեխաները, ովքեր մահանում են նախքան պատասխանատվության տարիքին հասնելը, փրկվում են երկնքի սելեստիալ արքայությունում» (Վարդապետություն և Ուխտեր 137․10):

Կան անձինք, ովքեր հաշմանդամություն ունեն և այդ պատճառով չեն կարող պատասխանատվություն կրել։ Նրանք չունենք ապաշխարելու կամ մկրվելու կարիք, բայց փրկություն են ստանում սելեստիալ արքայությունում (տես Մորոնի 8․22, Վարդապետություն և Ուխտեր 29․49-50, 137․10)։ Եկեղեցու ղեկավարները պարզաբանել են, որ հաշմանդամ անդամները չպետք է զրկվեն արարողություններից, եթե արժանավոր են և ցանկանում են ստանալ դրանք և բավարար պատասխանատվություն են դրսևորում։

Մտորելու հարցեր

Կարդացեք 3 Նեփի 17․21–24 և Վարդապետություն և Ուխտեր 29․46-48։ Ի՞նչն է այս հատվածներում խոսում այն մասին, թե Երկնային Հայրը և Հիսուս Քրիստոսն ինչպես են վերաբերվում փոքր երեխաներին։

Սովորեք միասին

Նախագահ Բրիգամ Յանգն ասել է. «Նորածինները մաքուր են, նրանք չունեն ոչ սրտի վիշտ, ոչ մեղքեր, որոնցից պետք է ապաշխարեն և թողնեն, և, հետևաբար, անկարող են մկրտվել մեղքի թողության համար»։ Խմբով կարդացեք Մորոնի 8․4-15, 19-24։ Ինչպե՞ս կարող է այդ հատվածն օգնել ձեզ բացատրել ուրիշներին, թե երեխաներն ինչու մկրտվելու կարիք չունեն։

Իմանալ ավելին

Մատթեոս 19.13-15, Վարդապետություն և Ուխտեր 93․38-40
Shane M. Bowen, “Because I Live, Ye Shall Live Also,” Liahona, Nov. 2012, 15–17