Torolalana amin’ny fandalinana ny filazantsara
Fiainana mandrakizay
Miara-miaina amin’ Andriamanitra sy ho tonga tahaka Azy
Manana hery sy anjara masina ianao amin’ny maha-zanakavavy na zanakalahin’ny ray aman-dreny any an-danitra anao. Rehefa fantatrao ny fiizinao mandrakizay dia ho hitanao fa tian’ Andriamanitra homanina amin’ny fiainana ho avy ianao. Satria nandresy ny fahafatesana i Jesoa Kristy dia hitsangana amin’ny maty isika tsirairay ary hahazo ny tsy fahafatesana any amin’ny fiainan-ko avy. Kanefa ny Ray any An-danitra dia manomana misimisy kokoa ho an’ireo izay mikatsaka ny hanaraka an’i Jesoa Kristy sy mibebaka ary manao sy mitandrina fanekempihavanana Aminy. Andriamanitra Ray dia manao izay ahafahan’ny zanany ho tonga tahaka Azy sy hiainany indray eo anatrehany (jereo ny Môzià 2:41). Izany no antsoin’ny soratra masina hoe “fisandratana” sy “fiainana mandrakizay.” Ny fiainana mandrakizay no fanomezana lehibe indrindra amin’ny fanomezan’ Andriamanitra rehetra ary izany no tena tanjon’ny drafitry ny famonjena (jereo ny Fotopampianarana sy Fanekempihavanana 14:7). Ny zavatra rehetra ataon’ Andriamanitra dia entina manomana ny zanany hahazo ny fiainana mandrakizay (jereo ny Mosesy 1:39).
Inona no atao hoe fiainana mandrakizay?
Ny fahazoana ny fiainana mandrakizay dia ny fahazoana famonjena, ireo fitahian’ny fianakaviana mandrakizay, ary ny fisandratana, izany “ny toetry ny hasambarana sy ny voninahitra ambony indrindra.” Amin’ny alalan’ny fitiavan’Andriamanitra sy ny fahasoavany dia hitsangana amin’ny maty ny zanany rehetra aorian’ny fahafatesany ary hianoka ny tsy fahafatesana (jereo ny Môrônia 7:41). Mihoatra noho ny tsy fahafatesana ny fiainana mandrakizay ary ahitana ny fandovana ny ambaratonga ambony indrindra amin’ny fanjakana selestialy, ny fitohizana ao amin’ny fianakaviana mandrakizay ary ny hitovy amin’ Andriamanitra sy ny fiainana eo anatrehany. Ny fiainana mandrakizay no fanomezana lehibe indrindra azontsika raisina avy amin’ Andriamanitra (jereo ny Romana 6:23; Fotopampianarana sy Fanekempihavanana 14:7).
Topimaso momba ny lohahevitra: Fiainana mandrakizay
Torolalana amin’ny fandalinana ny filazantsara mifandray amin’izany: Drafitry ny famonjena, Famonjena, Tempoly, Covenants and Ordinances, Uniting Families for Eternities
Fizarana 1
Hanampy anao hahazo ny fisandratana sy ny fiainana mandrakizay ny drafitr’ Andriamanitra
Efa nahatsapa ve ianao fa mety tsy ho mendrika ny fisandratana mihitsy? Lavitra ny fahatanterahana isika rehetra amin’ny ezaka ataontsika hanaraka an’i Jesoa Kristy. Kanefa ny Ray any An-danitra dia nahafantatra fa ny zavatra iainantsika eto an-tany dia ahitana olana sy fahakiviana. Mampianatra ny Testamenta Vaovao hoe: “Fa toy izao no nitiavan’ Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay” (Jaona 3:16). Afaka matoky isika fa tena mandaitra tokoa ny drafitry ny Ray any An-danitra ho an’ny famonjena antsika sy ny fisandratantsika satria nandefa an’i Jesoa Kristy Izy mba ho Mpamonjy sy Mpanavotra antsika. Tsy mahazo ary tsy afaka hahazo ny fanomezana ny fiainana mandrakizay isika samirery. Mila an’i Jesoa Kristy isika ary amin’ny alalan’ny finoantsika Azy sy ny fibebahantsika ary ny ezaka ataontsika sy ny fitandremana ny fanekempihavanana dia manomana ny tenantsika handray ny fisandratana isika (jereo ny Fotopampianarana sy Fanekempihavanana 59:23; Mosesy 6:59–60).
Amin’ny maha-zanak’ Andriamanitra antsika dia manana hery sy fahafahana hivoatra ary ho tonga tahaka Azy isika (jereo ny Matio 5:48; 2 Petera 1:2–4; 1 Jaona 3:1–2). Mampanantena ny Ray any An-danitra fa ho lasa “mpiray lova amin’i Kristy” isika indray andro any (Romana 8:17) ary handray izay rehetra ananan’ Andriamanitra Ray (jereo ny Fotopampianarana sy Fanekempihavanana 84:36–38). Ny fanomezana ny fiainana mandrakizay dia ahitana ny fitahian’ny fiainana eo anatrehan’ Andriamanitra sy ny fitohizan’ny maha-fianakaviana (jereo ny Fotopampianarana sy Fanekempihavanana 131:1–4).
Zavatra tokony hosaintsainina
-
Henoy na vakio ny tononkiran’ny “Saints, en avant! Armés de foi en Christ!.” Raketo an-tsoratra ny fihetseham-ponao rehefa manao izany ianao. Moa ve ny fiainana mandrakizay toa azo tratrarina kokoa noho izay noeritreretinao? Vakio ny 2 Nefia 31:20. Inona no dikan’ny hoe mibosesika mandroso miaraka omban’ny “fanantenana mamirapiratra sy lavorary”?
Sahanasa hoentina miara-mianatra amin’ny hafa
-
Ataovy lisitra ireo toe-javatra izay hitondran’ny fanemorana ny zavatra atao vokatra tsy nirina. Vakio miaraka ny Almà 34:32–34 ary mifanakaloza hevitra momba ireo fahamarinana izay manampy antsika hahatakatra ny antony tsy tokony hanemorantsika ny fibebahantsika. Nahoana ity fiainana ity no fotoana hiomanana amin’ny fiainana ho avy?
Hianatra misimisy kokoa
-
2 Nefia 31:17–20; Fotopampianarana sy Fanekempihavanana 130:1–2
-
Russell M. Nelson, “Salvation and Exaltation [Famonjena sy fisandratana],” Liahona, May 2008, 7–10
-
Jeffrey R. Holland, “Aza matahotra; minoa fotsiny ihany!,” Liahona, mey 2022, 34–36
-
Teachings of Presidents of the Church: Harold B. Lee (2011), 1–8
-
Randall K. Bennett, “Safidio ny fiainana mandrakizay,” Liahona, nôv. 2011, 98–100
-
Gospel Topics Essays, “Becoming Like God,” Gospel Library
Fizarana 2
Nanomana Fanjakam-boninahitra samihafa ho an’ny zanany Andriamanitra
Nampianatra i Jesoa fa misy valisoa samihafa any amin’ny fiainan-ko avy: “Ao an-tranon’ny Raiko misy fitoerana maro” (jereo ny Jaona 14:2–3). Ny Mpaminany Joseph Smith dia nahazo fahitana momba ireo ambaratongam-boninahitra telo any an-danitra na fanjakana (jereo ny Fotopampianarana sy Fanekempihavanana 76:50–98). Ireo no fanjakana selestialy sy terestrialy ary telestialy. Afaka ny ho any amin’ny tsirairay amin’ireo isika noho ny sorompanavotan’i Jesoa Kristy (jereo ny Fotopampianarana sy Fanekempihavanana 76:40–43). Nianatra i Joseph fa ny fanjakana izay holovantsika indray andro any dia miankina amin’ny halehiben’ny safidintsika hanaraka an’i Jesoa Kristy. Ny fanjakana selestialy no voninahitra ambony indrindra sady toerana onenan’ Andriamanitra (jereo ny Fotopampianarana sy Fanekempihavanana 76:62). Ny filazantsaran’i Jesoa Kristy dia manoritsoritra lalana iray natao hanampiana antsika hiomana sy handray ny voninahitry ny fanjakana selestialy.
Zavatra tokony hosaintsainina
-
Tamin’ny 1832 ny Mpaminany Joseph Smith sy i Sidney Rigdon dia nahita fahitana momba ireo fanjakam-boninahitra (jereo ny Fotopampianarana sy Fanekempihavanana 76:11–24): ny fanjakana selestialy (jereo ny andininy 50–70, 92–96), ny fanjakana terestrialy (jereo ny andininy 71–80, 91, 97), ary ny fanjakana telestialy (jereo ny andininy 81–90, 98–106, 109–112). Inona no azontsika ianarana momba ny Ray any An-danitra sy i Jesoa Kristy Zanany avy tamin’ny hoe nanomana fanjakam-boninahitra samihafa Izy Ireo?
Sahanasa hoentina miara-mianatra amin’ny hafa
Asao ny olona ao amin’ny vondrona misy anao hijery ilay lahatsoratra fohy hoe “Kingdoms of Glory” ao amin’ny Lohahevitra sy Fanontaniana. Iaraho midinika ny sasany amin’ireo fahasamihafana misy eo amin’ireo fanjakana. Inona no fiantraikan’ny faniriantsika sy ny ezaka ataontsika hanaraka an’i Jesoa Kristy eto amin’ity fiainana ity amin’ny valisoantsika mandrakizay?
Hianatra misimisy kokoa
-
1 Korintiana 15:40–42; 3 Nefia 15:9–10; Fotopampianarana sy Fanekempihavanana 59:23; 88:15–28; 137
-
Russell M. Nelson, “Avia, manaraha Ahy,” Liahona, mey 2019, 88–91
-
Teachings of Presidents of the Church: Joseph Smith (2011), 217–25
-
Ireo lohahevitry ny tantaran’ny Fiangonana, “The Vision (D&C 76),” Médiathèque de l’Évangile
Loharanom-pitaovana hafa momba ny Fiainana mandrakizay
-
Loharanom-pitaovana ho an’ny ankizy