« ការស្តារឡើងវិញនៃដំណឹងល្អ » ប្រធានបទ និង សំណួរ ( ឆ្នាំ ២០២៣ )
មគ្គុទ្ទេសក៍សិក្សាដំណឹងល្អ
ការស្តារឡើងវិញនៃដំណឹងល្អ
ភាពពេញលេញនៃដំណឹងល្អរបស់ព្រះយេស៊ូវគ្រីស្ទនៅសម័យរបស់យើង
មិនយូរប៉ុន្មានក្រោយពីពិធីបុណ្យជ្រមុជទឹករបស់ទ្រង់ ព្រះយេស៊ូវគ្រីស្ទបានចាប់ផ្ដើមបង្រៀនមនុស្សអំពីរបៀបរស់នៅស្របតាមផែនការរបស់ព្រះវរបិតាសួគ៌ ។ ព្រះយេស៊ូវបានបង្រៀនថាមានបទបញ្ញត្តិធំពីរគឺ ៖ ទីមួយត្រូវឲ្យស្រឡាញ់ព្រះអម្ចាស់ ជាព្រះនៃឯងឲ្យអស់អំពីចិត្ត អស់អំពីព្រលឹង ហើយអស់អំពីគំនិតឯង ហើយទីពីរគឺត្រូវឲ្យស្រឡាញ់អ្នកជិតខាងដូចខ្លួនឯង ( សូមមើល ម៉ាថាយ ២២:៣៦–៤០ ) ។ សារលិខិតរបស់ទ្រង់គឺដើម្បីអញ្ជើញបុរស និងស្ត្រីឲ្យមករកទ្រង់ ជឿនិងរស់នៅតាមសេចក្ដីពិតនៃដំណឹងល្អរបស់ទ្រង់ ហើយបានសង្គ្រោះ ។
ព្រះយេស៊ូវបានហៅសាវក ហើយបានផ្ដល់អំណាចដល់ពួកគេដើម្បីតំណាងឲ្យទ្រង់ ហើយជួយក្នុងកិច្ចការរបស់ទ្រង់ ។ ទ្រង់បានរៀបចំសាសនាចក្ររបស់ទ្រង់ ហើយបានគូសបញ្ជាក់ពីសារៈសំខាន់នៃគោលការណ៍ និងពិធីបរិសុទ្ធនៃដំណឹងល្អ ៖ សេចក្ដីជំនឿលើព្រះយេស៊ូវគ្រីស្ទ ការប្រែចិត្ត ពិធីបុណ្យជ្រមុជទឹក និងការទទួលព្រះវិញ្ញាណបរិសុទ្ធ ( សូមមើល ម៉ាថាយ ៩:១៣; ១៦:១៥–១៩; ១៧:១៩–២០; យ៉ូហាន ៣:៥ ) ។
ក្រោយពីការស្លាប់របស់សាវករបស់ព្រះអម្ចាស់ សេចក្ដីពិតនៃដំណឹងល្អសំខាន់ៗជាច្រើនត្រូវបានផ្លាស់ប្ដូរ ឬបាត់ ព្រមទាំងការរៀបចំពីដើម និងសិទ្ធិអំណាចរបស់សាសនាចក្ររបស់ព្រះគ្រីស្ទផងដែរ ( សូមមើល កិច្ចការ ២០:២៩–៣០ ) ។ ប៉ុន្តែនៅក្នុងការសម្រេចតាមការព្យាករ ព្រះវរបិតាសួគ៌និងព្រះរាជបុត្រារបស់ទ្រង់ ព្រះយេស៊ូវគ្រីស្ទបានស្ដារ ឬបានស្ថាបនាសាសនាចក្រ និងភាពពេញលេញនៃដំណឹងល្អឡើងវិញ ។ ការស្ដារឡើងវិញនេះបានចាប់ផ្ដើមនៅ ឆ្នាំ ១៨២០ តាមរយៈព្យាការី យ៉ូសែប ស្ម៊ីធ ។ វាបន្តនៅសព្វថ្ងៃនេះតាមរយៈវិវរណៈដ៏ទេវភាពដែលបានផ្ដល់ដល់ព្យាការីសម័យទំនើប ។
តើអ្វីទៅជាការស្តារឡើងវិញនៃដំណឹងល្អ ?
« ការស្ដារឡើងវិញនៃដំណឹងល្អ » សំដៅទៅលើព្រះយេស៊ូវគ្រីស្ទស្ដារភាពពេញលេញនៃដំណងល្អរបស់ទ្រង់ឡើងវិញ អំណាចបព្វជិតភាព និងការរៀបចំសាសនាចក្ររបស់ទ្រង់ទៅលើផែនដីតាមរយៈព្យាការី យ៉ូសែប ស្ម៊ីធ និងព្យាការីសម័យក្រោយៗមកទៀត ។ ការស្តារឡើងវិញត្រូវបានកំណត់លក្ខណៈដោយវិវរណៈដ៏ទេវភាពជាបន្តបន្ទាប់ ដោយចាប់ផ្តើមជាមួយការនិមិត្តដំបូងរបស់ យ៉ូសែប ស្ម៊ីធ និងបន្តរហូតដល់ព្យាការីសម័យទំនើបសព្វថ្ងៃនេះ ។
ទិដ្ឋភាពទូទៅនៃប្រធានបទ ៖ ការស្តារឡើងវិញនៃសាសនាចក្រ
មគ្គុទ្ទេសក៍សិក្សាដំណឹងល្អដែលជាប់ទាក់ទង ៖ យ៉ូសែប ស្ម៊ីធ, ព្យាការី, ការនិមិត្តដំបូង, ការស្ដារឡើងវិញនៃបព្វជិតភាព, ព្រះគម្ពីរមរមន, សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
ផ្នែកទី ១
ពិភពលោកបានរៀបចំសម្រាប់ការស្ដារឡើងវិញនៃដំណឹងល្អ
បន្ទាប់ពីសាវករបស់ព្រះគ្រីស្ទបានស្លាប់ នោះចំណុចសំខាន់ៗជាច្រើននៃដំណឹងល្អរបស់ព្រះយេស៊ូវគ្រីស្ទត្រូវបានគេយល់ច្រឡំ រលាយបាត់ ឬត្រូវបានផ្លាស់ប្ដូរ ។ ដោយគ្មានព្យាការីនៅរស់ និងសិទ្ធិអំណាចដើមដែលបានប្រទានដោយព្រះយេស៊ូវគ្រីស្ទ នោះសាសនាចក្រពិតនៃព្រះយេស៊ូវគ្រីស្ទលែងមានទៀតដែរ ។ ក្នុងអំឡុងពេលនេះដែរពេលខ្លះគេហៅថាការក្បត់សាសនាដ៏ធំ មនុស្សជាច្រើនបានស្វែងរកការយល់ដឹងដ៏ពិតអំពីដំណឹងល្អរបស់ព្រះយេស៊ូវគ្រីស្ទ ។
ព្រឹត្តិការណ៍ជាច្រើនបានជួយរៀបចំពិភពលោកនេះសម្រាប់ការស្តារឡើងវិញនៃដំណឹងល្អរបស់ព្រះអម្ចាស់ និងសាសនាចក្ររបស់ទ្រង់ ។ ឧទាហរណ៍ បុគ្គលសំខាន់ៗបានលះបង់ជាច្រើន រួមទាំងជីវិតរបស់ពួកគេផងដែរ ដើម្បីបកប្រែព្រះគម្ពីរប៊ីបទៅជាភាសាអង់គ្លេស ហើយចាប់ផ្ដើមចែកចាយវាដល់អ្នកដទៃ ។ ការមានព្រះគម្ពីរបានធ្វើឲ្យមនុស្សកាន់តែមានភាពងាយស្រួលក្នុងការរៀនបន្ថែមអំពីព្រះយេស៊ូវគ្រីស្ទ ។ អ្នកកែទម្រង់បាននិយាយប្រឆាំងនឹងភាពខុសគ្នាដែលពួកគេបានឃើញនៅក្នុងព្រះវិហារជាមួយនឹងអ្វីដែលព្រះគម្ពីរបានបង្រៀន ។ ជនជាតិអឺរ៉ុបជាច្រើនបានស្វែងរកសេរីភាពខាងសាសនាដោយការតាំងលំនៅនៅទ្វីបអាមេរិកខាងជើង ។ មនុស្សរាប់មិនអស់កំពុងស្វែងរកការយល់ដឹងកាន់តែច្បាស់អំពីព្រះយេស៊ូវគ្រីស្ទ និងរបៀបស្វែងរកសេចក្តីសុខសាន្តក្នុងជីវិតនេះ ។
ការណ៍ទាំងឡាយដែលត្រូវពិចារណា
-
ចំណុចសំខាន់ៗជាច្រើននៃដំណឹងល្អរបស់ព្រះយេស៊ូវគ្រីស្ទបានបាត់បង់ បន្ទាប់ពីសាវករបស់ទ្រង់បានស្លាប់ ។ យុគសម័យនៃការធ្លាក់នៃដំណឹងល្អពិតប្រាកដពេលខ្លះត្រូវបានហៅថា ការក្បត់សាសនាដ៏ធំ ។ សូមអាន អេសាយ ២៤:៤–៥; ម៉ាថាយ ២៤:៩–១២; យ៉ូហាន ១៦:១–៣; ថែស្សាឡូនីច ទី២ ២:១–៤ និង នីហ្វៃទី១ ១៣:២៦–២៩ ។ តើវគ្គបទគម្ពីរទាំងនេះនិយាយថានឹងមានអ្វីកើតឡើងបន្ទាប់ពីព្រះគ្រីស្ទ និងសាវករបស់ទ្រង់ស្លាប់ទៅ ? តើដង្វាយធួនរបស់ព្រះយេស៊ូវគ្រីស្ទមានឥទ្ធិពលយ៉ាងណាក្នុងជីវិតរបស់បងប្អូន ?
-
សូមអានដំណើររឿងរបស់ យ៉ូសែប ស្ម៊ីធ អំពីទស្សនៈដំបូងរបស់លោកដែលមាននៅក្នុង យ៉ូសែប ស្ម៊ីធ—ប្រវត្តិ ១:១៤–២០ ។ តើ យ៉ូសែប ស្ម៊ីធ បានរៀនអ្វីខ្លះអំពីស្ថានភាពនៃសាសនានៅជុំវិញពិភពលោក ? ហេតុអ្វីវាមានសារៈសំខាន់ក្នុងការទទួលទីបន្ទាល់នៃសេចក្ដីពិតដ៏ពេញលេញនៃការស្តារឡើងវិញនៃដំណឹងល្អ ?
សកម្មភាពសម្រាប់ការរៀនសូត្រជាមួយអ្នកដទៃ
-
សូមអញ្ជើញសមាជិកក្រុមឲ្យពិពណ៌នាពីអារម្មណ៍នៃការស្រេកឃ្លាន ។ តើការអត់ឃ្លានអាចប៉ះពាល់ដល់អារម្មណ៍របស់យើងយ៉ាងដូចម្ដេច ? អាទិភាពរបស់យើងយ៉ាងដូចម្តេច ? បំណងប្រាថ្នារបស់យើងយ៉ាងដូចម្តេច ? បន្ទាប់ពីការពិភាក្សានេះ សូមអាន អេម៉ុស ៨:១១–១២ ជាមួយគ្នា ។ ហេតុអ្វីបងប្អូនគិតថាព្យាការីអេម៉ុស បានជ្រើសរើសរូបភាពនេះដើម្បីពិពណ៌នាអំពីពិភពលោក ក្នុងអំឡុងពេលនៃការក្បត់សាសនាដ៏ធំ ? តើការបាត់បង់សេចក្ដីពិតនៃដំណឹងល្អស្រដៀងនឹង « អំណត់មកក្នុងស្រុក » យ៉ាងដូចម្ដេច ? តើជីវិតរបស់យើងនឹងរងផលប៉ះពាល់យ៉ាងដូចម្ដេច ប្រសិនបើយើងស្រេកឃ្លានចំពោះសេចក្ដីពិតខាងវិញ្ញាណតាមរបៀបដូចគ្នាដែលយើងស្រេកឃ្លានអាហារនោះ ?
-
នៅក្នុងសុន្ទរកថារបស់លោក « Preparations for the Restoration and the Second Coming: ‹ My Hand Shall Be over Thee › » អែលឌើរ រ៉ូបឺត ឌី ហែល បានគូសបញ្ជាក់ពីព្រឹត្តិការណ៍ជាក់លាក់ជាច្រើននៅក្នុងប្រវត្តិសាស្ត្រពិភពលោក ដែលបានជួយរៀបចំពិភពលោកសម្រាប់ការស្តារឡើងវិញ ។ សូមស្ដាប់ ឬអានការពិភាក្សានេះជាមួយគ្នា ហើយបន្ទាប់មកអញ្ជើញសមាជិកក្រុមឲ្យចែកចាយនូវអ្វីដែលពួកគេបានរៀន ។ តើព្រះហស្ថរបស់ព្រះអម្ចាស់បានបង្ហាញនៅក្នុងព្រឹត្តិការណ៍ដែលឈានទៅដល់ការស្ដារឡើងវិញដោយរបៀបណា ?
ស្វែងយល់បន្ថែមទៀត
-
« The Restoration of the Fulness of the Gospel of Jesus Christ: A Bicentennial Proclamation to the World » នៅលើបណ្ណាល័យដំណឹងល្អ ។
-
ឌី ថត គ្រីស្តូហ្វឺសិន « Sharing the Message of the Restoration and the Resurrection » Liahona ខែ ឧសភា ឆ្នាំ ២០២០ ទំព័រ ១១០–១១៣
-
Teachings of Presidents of the Church: Gordon B. Hinckley ( ឆ្នាំ ២០១៦ ) ទំព័រ ៤៣–៥៣
ផ្នែកទី ២
ការស្តារឡើងវិញនៃដំណឹងល្អបានបើកគ្រាកាន់កាប់ត្រួតត្រាក្នុងកាលដែលពេលពេញកំណត់
ការស្ដារឡើងវិញនៃដំណឹងល្អរបស់ព្រះយេស៊ូវគ្រីស្ទបាននាំពន្លឺថ្មីចូលទៅក្នុងពិភពលោក ។ វាបានចាប់ផ្តើមនៅនិទាឃរដូវ ឆ្នាំ ១៨២០ នៅពេលដែល យ៉ូសែប ស្ម៊ីធ វ័យក្មេងបានអធិស្ឋាននៅក្នុងព្រៃមួយក្បែរផ្ទះរបស់គាត់នៅប៉ាលម៉ៃរ៉ា រដ្ឋញូវយ៉ក ។ គាត់ព្រួយបារម្ភអំពីជំហរខាងវិញ្ញាណរបស់គាត់នៅចំពោះមុខព្រះ ហើយចង់ដឹងថាសាសនាមួយណាត្រឹមត្រូវ ។ ក្នុងការឆ្លើយតបទៅនឹងការអធិស្ឋានរបស់គាត់ ព្រះជាព្រះវរបិតា និងព្រះយេស៊ូវគ្រីស្ទបានមកជួបគាត់ ។
ក្នុងអំឡុងពេលនោះ ព្រះបានចាប់ផ្ដើមស្ដារសេចក្ដីពិតនៃដំណឹងល្អឡើងវិញដល់ យ៉ូសែប ស្ម៊ីធ ។ ការប្រព្រឹត្ដដ៏សំខាន់នៃសេចក្ដីពិតនេះបាននាំមកនូវព្រះគម្ពីរ បព្វជិតភាព អង្គការសាសនាចក្រ គោលលទ្ធិ និងពិធីបរិសុទ្ធដ៏ចាំបាច់នៃសេចក្ដីសង្គ្រោះ និងភាពតម្កើងឡើង ។ ដំណើរការនៃគ្រាកាន់កាប់ត្រួតត្រានៃដំណឹងល្អជាថ្មីម្តងទៀតនៅលើផែនដី បាននាំមកនូវអ្វីដែលព្រះគម្ពីរហៅថា« គ្រាកាន់កាប់ត្រួតត្រាក្នុងកាលដែលពេលពេញកំណត់ » ( អេភេសូរ ១:១០; គោលលទ្ធិ និងសេចក្តីសញ្ញា ១១២:៣០ ) ។ គ្រាកាន់កាប់ត្រួតត្រា គឺជាពេលដែលព្រះអម្ចាស់មានព្យាការី និងដំណឹងល្អរបស់ទ្រង់នៅលើផែនដី ។ នៅក្នុងគ្រាកាន់កាប់ត្រួតត្រានៃដំណឹងល្អចុងក្រោយនេះ ពិភពលោកកំពុងរៀបចំខ្លួនសម្រាប់ការយាងមកលើកទីពីររបស់ព្រះយេស៊ូវគ្រីស្ទ ។
ការណ៍ទាំងឡាយដែលត្រូវពិចារណា
-
យើងរស់នៅក្នុងគ្រាកាន់កាប់ត្រួតត្រាក្នុងកាលដែលពេលពេញកំណត់—ជាពេលវេលាដែលខុសពីពេលណាៗទាំងអស់ ។ យើងដឹងថាគ្រាកាន់កាប់ត្រួតត្រានេះនឹងមិនបញ្ចប់ដោយការក្បត់នោះទេ ប៉ុន្តែវាមិនមានន័យថាយើងមិនប្រឈមមុខនឹងឧបសគ្គសំខាន់ៗនោះដែរ ។ សិក្សាសារលិខិតរបស់អែលឌើរ ជែហ្វ្រី អ័រ ហូឡិន « This, the Greatest of All Dispensations » ។ តើអែលឌើរ ហូឡិន បានរកឃើញឧបសគ្គអ្វីខ្លះនៅក្នុងសារលិខិតនេះ ? តើបងប្អូនរៀនអ្វីខ្លះចេញពីសារលិខិតរបស់លោកអំពីអាកប្បកិរិយាដែលបងប្អូន អាចជ្រើសរើសធ្វើនៅពេលបងប្អូនប្រឈមមុខនឹងឧបសគ្គទាំងនេះ ?
-
ផ្នែកដ៏គួរឲ្យរំភើបមួយនៃការរស់នៅក្នុងគ្រាកាន់កាប់ត្រួតត្រាក្នុងកាលដែលពេលពេញកំណត់គឺជាផ្នែកមួយនៃការស្តារឡើងវិញនៃដំណឹងល្អដែលកំពុងបន្ត ។ សូមអាន កិច្ចការ ៣:១៩–២១; អេភេសូរ ១:៣, ១០; គោលលទ្ធិ និងសេចក្តីសញ្ញា ២៧:១៣; ១១២:៣០; ១២៨:១៨ ។ តើបងប្អូនរៀនអ្វីខ្លះមកពីខគម្ពីរទាំងនេះ អំពីអ្វីដែលនឹងកើតឡើងក្នុងអំឡុងពេលនៃគ្រាកាន់កាប់ត្រួតត្រានេះ ? តើបងប្អូនអាចចូលរួមចំណែកក្នុងកិច្ចការដ៏អស្ចារ្យនេះដោយរបៀបណា ?
សកម្មភាពសម្រាប់ការរៀនសូត្រជាមួយអ្នកដទៃ
-
ការស្វែងរក និងការជឿលើវិវរណៈដែលកំពុងបន្តអាចមានឥទ្ធិពលយ៉ាងខ្លាំងទៅលើជីវិតរបស់បងប្អូន ។ នៅក្នុង « ការស្ដារឡើងវិញនៃភាពពោរពេញនៃដំណឹងល្អរបស់ព្រះយេស៊ូវគ្រីស្ទ ៖ ការប្រកាសដល់ពិភពលោកនៃខួបលើកទីពីររយឆ្នាំ » គណៈប្រធានទីមួយ និងកូរ៉ុមនៃពួកសាវកដប់ពីរនាក់ បានថ្លែងថា ៖ « ពីររយឆ្នាំបានកន្លងផុតទៅហើយចាប់តាំងពីការស្ដារឡើងវិញនេះត្រូវបានផ្តួចផ្តើមដោយព្រះវរបិតា និងព្រះរាជបុត្រាជាទីស្រឡាញ់របស់ទ្រង់ គឺព្រះយេស៊ូវគ្រីស្ទ ។ … យើងរីករាយនឹងប្រកាសថាការស្ដារឡើងវិញដែលបានសន្យានោះនៅបន្ដឆ្ពោះទៅមុខតាមរយៈវិវរណៈជាបន្ដបន្ទាប់ ។ សូមសុំឲ្យសមាជិកក្រុមចែកចាយវិវរណៈសម័យទំនើប ឬការបង្រៀនដែលបានបំផុសគំនិតដែលមានឥទ្ធិពលយ៉ាងខ្លាំងទៅលើពួកគេ ។ តើបងប្អូនរៀនអ្វីខ្លះចេញពីបទពិសោធន៍របស់សមាជិកក្រុមជាមួយនឹងវិវរណៈសម័យទំនើប ?
-
គំនិតនៃគ្រាកាន់កាប់ត្រួតត្រាអាចមានការលំបាកក្នុងការយល់ ។ សូមទស្សនាវីដេអូ « Dispensations: The Pattern of Apostasy and Restoration » ( នាទីទី ៦:៥២ ) ជាមួយគ្នា,បញ្ឈប់តាមតម្រូវការដើម្បីសួរសំណួរគ្នាទៅវិញទៅមក និងស្វែងរកចម្លើយទាំងឡាយ ។ តើការយល់ដឹងអំពីគំរូនៃគ្រាកាន់កាប់ត្រួតត្រាពង្រឹងទីបន្ទាល់របស់បងប្អូនអំពីការស្តារឡើងវិញនៅក្នុងសម័យរបស់យើងដោយរបៀបណា ? តើបងប្អូនមានអារម្មណ៍យ៉ាងដូចម្តេចចំពោះការរស់នៅក្នុងគ្រាកាន់កាប់ត្រួតត្រាក្នងកាលដែលពេលពេញកំណត់ដោយរបៀបណា ?
ស្វែងយល់បន្ថែមទៀត
-
ហ្គរដុន ប៊ី ហ៊ិងគ្លី « At the Summit of the Ages » Ensign ខែ វិច្ឆិកា ឆ្នាំ ១៩៩៩ ទំព័រ ៧២–៧៤
-
Faith Sutherlin Blackhurst « What, Why, and How: A Breakdown of the Restoration » Liahona ខែ មេសា ឆ្នាំ ២០១៨ ទំព័រ ៥៨–៦១
ផ្នែកទី ៣
ការស្តារឡើងវិញនៅតែបន្តតាមរយៈព្យាការីសម័យទំនើប និងពួកសាវក
ឥឡូវនេះជាង ២០០ ឆ្នាំ ក្រោយពីព្រះវរបិតាសួគ៌ និងព្រះយេស៊ូវគ្រីស្ទបានបង្ហាញព្រះកាយទៅកាន់ យ៉ូសែប ស្ម៊ីធ នោះការស្ដារឡើងវិញនៅតែបន្ត ។ ព្យាការីនៅរស់ និងពួកសាវកស្វែងរក និងទទួលវិវរណៈដើម្បីដឹកនាំសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ព្រះអម្ចាស់កំពុងរៀបចំសាសនាចក្ររបស់ទ្រង់ និងប្រជារាស្រ្តរបស់ទ្រង់សម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។ កិច្ចការរបស់ព្រះនៅតែបន្ដទៅមុខតាមរយៈការស្តារឡើងវិញដ៏ឥតឈប់ឈរ និងភាពជាអ្នកដឹកនាំដ៏បំផុសគំនិតនៃអ្នកបម្រើរបស់ព្រះអម្ចាស់ ( សូមមើល មាត្រានៃសេចក្តីជំនឿ ១:៩ ) ។
នៅឆ្នាំ ២០១៨ ប្រធាន រ័សុល អិម ណិលសុន បានមានប្រសាសន៍ថា ៖ « យើងទាំងអស់គ្នាគឺជាសាក្សីនៃការស្ដារឡើងវិញជាបន្តបន្ទាប់ ។ ប្រសិនបើបងប្អូនគិតថា សាសនាចក្រត្រូវបានស្ដារឡើងវិញពេញលេញហើយនោះ នោះបងប្អូនទើបតែឃើញការចាប់ផ្ដើមប៉ុណ្ណោះ ។ មានអ្វីៗជាច្រើនដែលនឹងកើតឡើង ។ … ចាំដល់ឆ្នាំក្រោយ ។ ហើយឆ្នាំក្រោយមួយទៀត ។ សូមលេបថ្នាំគ្រាប់វីតាមីនរបស់អ្នក ។ ហើយសម្រាកឲ្យស្រួលខ្លួនចុះ ។ វានឹងមានរឿងរំភើបចិត្តកើតឡើង » ។
ការណ៍ទាំងឡាយដែលត្រូវពិចារណា
-
នៅក្នុងសុន្ទរកថា ឆ្នាំ ២០១៤ របស់លោក « Are You Sleeping through the Restoration? » ប្រធាន ឌៀថើរ អេហ្វ អុជដូហ្វ ដែលពេលនោះជាគណៈប្រធានទីមួយបានលើកឡើងនូវការល្បួងចំនួនបីដែលអាចរារាំងយើងពីការចូលរួមយ៉ាងសកម្មក្នុងការស្តារឡើងវិញនៃដំណឹងល្អដែលកំពុងបន្ត ។ សិក្សាពីសន្ទរកថានេះដោយយកចិត្តទុកដាក់ទៅលើថ្មជំពប់ ដែលលោកមានប្រសាសន៍ថាអាចរារាំងយើងមិនឲ្យឈានដល់សក្តានុពលរបស់យើង ។ តើថ្មជំពប់មួយណាដែលបងប្អូនអាចធ្វើការយកឈ្នះលើបាន ? សូមដាក់ផែនការដើម្បីធ្វើដូចនោះ ។
-
មនុស្សមួយចំនួនដែលបានឃើញព្រឹត្តិការណ៍ជាច្រើននៃការស្តារឡើងវិញ ត្រូវបានបំផុសគំនិតឲ្យសរសេរអំពីព្រឹត្តិការណ៍ទាំងនោះ ។ ជ្រើសរើសទំនុកតម្កើងចេញពីទំព័រប្រធានបទ « ការស្ដារឡើងវិញនៃដំណឹងល្អ » នៅក្នុង ទំនុកតម្កើង ហើយអានទំនុកបទរបស់វា ។ តើព្រះបន្ទូលរបស់ទ្រង់បានបង្រៀនបងប្អូនអំពីសារៈសំខាន់នៃការស្តារឡើងវិញអ្វីខ្លះ ? តើពាក្យទាំងនេះធ្វើឲ្យបងប្អូនមានអារម្មណ៍យ៉ាងណា ? តើបងប្អូនមានអារម្មណ៍បំផុសគំនិតឲ្យធ្វើអ្វីខ្លះ ?
សកម្មភាពសម្រាប់ការរៀនសូត្រជាមួយអ្នកដទៃ
-
នៅក្នុងសុន្ទរកថាឆ្នាំ ២០២០ ដែលមានចំណងជើងថា « Fulfillment of Prophecy » អែលឌើរ រ៉ូណល អេ រ៉ាសបាន បានរាយបញ្ជីអំពីការព្យាករណ៍ពីបុរាណ និងសម័យទំនើបជាច្រើនដែលបានបំពេញដែលជាផ្នែកមួយនៃការស្តារឡើងវិញនៃដំណឹងល្អ ។ សិក្សាអំពីសន្ទរកថានេះជាមួយគ្នា ហើយបន្ទាប់មកអញ្ជើញសមាជិកក្រុមឲ្យចែកចាយថា តើការបំពេញការព្យាករណ៍ណាដែលមានអត្ថន័យបំផុតចំពោះពួកគេ ។ តើការធ្វើបែបនេះជះឥទ្ធិពលលើអារម្មណ៍របស់បងប្អូនអំពីការស្តារឡើងវិញយ៉ាងដូចម្ដេច ? តើបងប្អូនមានអារម្មណ៍យ៉ាងណាពេលបងប្អូនពិចារណាអំពីសារៈសំខាន់នៃការរស់នៅក្នុងគ្រាដែលបានរំពឹងទុកជាយូរមកហើយនេះ ?
-
នៅក្នុងអត្ថបទ « The Ongoing Restoration » អែលឌើរ ឡឺគ្រែន អរ ខឺតធិស ជុញ្ញ័រ ជាអ្នកកត់ត្រា និងជាអ្នកប្រវត្តិសាស្រ្តរបស់សាសនាចក្រ បានរៀបរាប់នូវវិធីបីយ៉ាងដែលយើងអាចចូលរួមក្នុងការស្តារឡើងវិញដែលកំពុងបន្ត ៖
-
សូមចុះ ហើយរក្សាសេចក្ដីសញ្ញាទាំងឡាយ
-
បំពេញការហៅបម្រើ និងការចាត់តាំងដែលយើងទទួល
-
ជួយប្រមូលផ្តុំអ៊ីស្រាអែល
សូមអានជាក្រុមនូវអ្វីដែលអែលឌើរ ខឺតធិស បានបង្រៀនអំពីការរួមចំណែកនីមួយៗក្នុងចំណោមការរួមចំណែកទាំងនេះចំពោះកិច្ចការនេះ ។ តើផ្នែកមួយណាដែលបងប្អូនមានអារម្មណ៍រំភើប ដែលបានចូលរួមក្នុងគ្រានេះ ? តើបងប្អូននឹងធ្វើដោយរបៀបណា ? ចែកចាយគំនិតរបស់បងប្អូនជាមួយក្រុម និងស្វែងយល់អំពីរបៀបដែលបងប្អូនអាចជួយគ្នាទៅវិញទៅមក ដើម្បីសម្រេចគោលដៅរបស់បងប្អូន ។
-
ស្វែងយល់បន្ថែមទៀត
-
វិវរណៈ ១៤:៦–៧; គោលលទ្ធិ និងសេចក្តីសញ្ញា ១:១៧–៣០; ៤៣:២៨; មាត្រានៃសេចក្តីជំនឿ ១:៦, ៩
-
ហ្គែរី អ៊ី ស្ទីវ៉ែនសុន « The Ongoing Restoration » ( Brigham Young University Campus Education Week address ថ្ងៃទី ២០ ខែ សីហា ឆ្នាំ ២០១៩ ) នៅលើគេហទំព័រ speeches.byu.edu
ធនធានផ្សេងទៀតអំពីការស្តារឡើងវិញនៃដំណឹងល្អ
-
ធនធានសម្រាប់កុមារ