« ការមានព្រះជន្មរស់ឡើងវិញ » ប្រធានបទ និង សំណួរ ( ឆ្នាំ ២០២៣ )
មគ្គុទ្ទេសក៍សិក្សាដំណឹងល្អ
ការមានព្រះជន្មរស់ឡើងវិញ
ជ័យជម្នះរបស់ព្រះយេស៊ូវគ្រីស្ទទៅលើសេចក្ដីស្លាប់
នៅក្នុងពេលណាមួយនៃជីវិតរបស់យើង យើងម្នាក់ៗនឹងមានពេលឆ្ងល់ថា « តើមានអ្វីកើតឡើងនៅពេលដែលយើងស្លាប់ ? » « តើខ្ញុំនឹងឃើញមនុស្សជាទីស្រឡាញ់ ដែលបានទទួលមរណភាពម្ដងទៀតដែរឬទេ ? » « តើខ្ញុំអាចស្វែងរកការលួងលោមនៅពេលនរណាម្នាក់ដែលខ្ញុំស្រឡាញ់បានស្លាប់ទៅដោយរបៀបណា ? »
ខណៈពេលដែលយើងមិនមានចម្លើយចំពោះអ្វីៗទាំងអស់នោះ សេចក្ដីពិតនៃការរស់ឡើងវិញរបស់ព្រះយេស៊ូវគ្រីស្ទអាចនាំមកនូវការលួងលោមដល់អស់អ្នកដែលមានទុក្ខលំបាកបាន ។ ការពិតដែលថាមនុស្សទាំងអស់ដែលស្លាប់នឹងរស់ឡើងវិញម្ដងទៀតនាំមកនូវសេចក្ដីសុខដល់ព្រលឹងយើង ហើយការពិតនោះសន្យាថាថ្ងៃដ៏ល្អប្រសើរគឺនៅពេលខាងមុខ ។
ក្នុងការមានព្រះជន្មរស់ឡើងវិញ ក្លាយទៅជាអមតៈភាព ព្រះយេស៊ូវគ្រីស្ទបានក្លាយជា « ផលដំបូង » នៃការរស់ឡើងវិញ ( សូមមើល កូរិនថូស ទី១ ១៥:២០–២៣ ) ហើយបានផ្ដល់ជាផ្លូវឲ្យយើងទាំងអស់គ្នារស់ឡើងវិញនៅថ្ងៃណាមួយដូចជាទ្រង់ដែរ ។
តើអ្វីទៅជាការរស់ឡើងវិញ ?
ការរស់ឡើងវិញគឺជាការរួបរួមគ្នានៃរាងកាយខាងវិញ្ញាណ និងខាងសាច់ឈាមក្រោយពីសេចក្តីស្លាប់ ហើយពុំអាចបែកគ្នាបានទៀតឡើយ ( សូមមើល អាលម៉ា ១១:៤៥ ) ។ នៅពេលយើងរស់ឡើងវិញ នោះរូបកាយរបស់យើងនឹងបានល្អឥតខ្ចោះហើយអមតៈ លែងស្ថិតនៅក្រោមជំងឺ និងសេចក្ដីស្លាប់ទៀតហើយ ។ ពីព្រោះព្រះយេស៊ូវគ្រីស្ទបានយកឈ្នះសេចក្តីស្លាប់តាមរយៈការរស់ឡើងវិញរបស់ទ្រង់ មនុស្សទាំងអស់នឹងរស់ឡើងវិញដូចទ្រង់ដែរ ។
ទិដ្ឋភាពទូទៅនៃប្រធានបទ ៖ ការរស់ឡើងវិញ
មគ្គុទ្ទេសក៍សិក្សាដំណឹងល្អដែលជាប់ទាក់ទង ៖ ដង្វាយធួនរបស់ព្រះយេស៊ូវគ្រីស្ទ, ការងារបម្រើក្នុងជីវិតរមែងស្លាប់របស់ព្រះយេស៊ូវគ្រីស្ទ, ផែនការនៃសេចក្ដីសង្គ្រោះ
ផ្នែកទី ១
ព្រះយេស៊ូវគ្រីស្ទបានមានព្រះជន្មរស់ឡើងវិញ
ព្រះយេស៊ូវគ្រីស្ទគឺជាអង្គដំបូងគេដែលបានមានព្រះជន្មរស់ឡើងវិញ ។ ជ័យជំនះរបស់ទ្រង់លើសេចក្តីស្លាប់គឺជាមូលដ្ឋានគ្រឹះនៃសេចក្ដីជំនឿរបស់យើង ។ ព្យាការី យ៉ូសែប ស្ម៊ីធ បានបង្រៀនថា « គោលការណ៍ដ៏សំខាន់នៃសាសនាចក្ររបស់យើង គឺជាទីបន្ទាល់នៃពួកសាវក និង ពួកព្យាការី អំពីព្រះយេស៊ូវគ្រីស្ទ ថាទ្រង់បានសុគត គេបានបញ្ចុះព្រះសព ហើយបានរស់ឡើងវិញនៅថ្ងៃទីបី ហើយបានយាងឡើងទៅស្ថានសួគ៌ » ។
ព្រះអម្ចាស់បានផ្ដល់ទីបន្ទាល់ជាច្រើនអំពីគោលលទ្ធិដ៏ចាំបាច់នេះ ។ ដំណឹងល្អទាំងបួននីមួយៗនេះរួមបញ្ចូលទាំងកំណត់ត្រារបស់អ្នកទាំងឡាយដែលបានឃើញព្រះយេស៊ូវជាព្រះដែលមានព្រះជន្មរស់ឡើងវិញ ។ ព្រះគម្ពីរមរមនក៏បានធ្វើទីបន្ទាល់ថាមនុស្សរាប់ពាន់នាក់នៅទ្វីបអាមេរិកបានឃើញព្រះអង្គសង្គ្រោះដែលមានព្រះជន្មរស់ឡើងវិញផងដែរ ។ នៅសម័យទំនើបនេះ សាក្សីជាច្រើនរួមមាន យ៉ូសែប ស្ម៊ីធ និងពួកព្យាការី និងពួកសាវកផ្សេងទៀតដែលបានធ្វើជាទីបន្ទាល់ថា ព្រះយេស៊ូវគ្រីស្ទបានរស់ឡើងវិញ ហើយមានព្រះជន្មនៅរស់សព្វថ្ងៃនេះ ។
ការណ៍ទាំងឡាយដែលត្រូវពិចារណា
-
សូមស្រមៃថាបងប្អូនគឺជាមេធាវីដែលកំពុងកសាងសំណុំរឿងមួយ ដើម្បីបង្ហាញភស្តុតាងថាព្រះយេស៊ូវគ្រីស្ទបានរស់ឡើងវិញ ។ តើបងប្អូននឹងកោះហៅនរណាឲ្យធ្វើជាសាក្សី ? តើសាក្សីដែលបានឃើញផ្ទាល់ភ្នែកនឹងពង្រឹងករណីសំណុំរឿងរបស់បងប្អូនដោយរបៀបណា ? តើទីបន្ទាល់របស់សាក្សីដែលបានឃើញផ្ទាល់ភ្នែកអំពីការរស់ឡើងវិញរបស់ព្រះអម្ចាស់ មានឥទ្ធិពលលើទីបន្ទាល់របស់បងប្អូនដោយរបៀបណា ? សម្រាប់គំនិតទាំងឡាយ សូមមើល យ៉ូហាន ២០:១–២០; នីហ្វៃទី៣ ១១:៣–១៧ និង គោលលទ្ធិ និងសេចក្តីសញ្ញា ៧៦:១៩–២៤ ។
-
សូមអាន យ៉ូហាន ២០:២៦–២៩ ។ តើព្រះអង្គសង្គ្រោះប្រទានសារលិខិតអ្វីខ្លះនៅក្នុងវគ្គបទគម្ពីរនេះទៅដល់មនុស្សដែលមិនបានឃើញផ្ទាល់ភ្នែកអំពីការមានព្រះជន្មរស់ឡើងវិញរបស់ទ្រង់ ? ( សូមមើលផងដែរ អេធើរ ១២:៥–៦ ) ។ ទោះបីជាយើងមិនទាន់ឃើញព្រះអម្ចាស់ដែលបានរស់ឡើងវិញក៏ដោយ ក៏យើងនៅតែអាចទទួលបានសាក្សីផ្ទាល់ខ្លួនមួយថាទ្រង់បានមានព្រះជន្មរស់ឡើងវិញហើយ ។ តើមានភស្ដុតាងអ្វីខ្លះអំពីដំណើររស់ឡើងវិញដែលបងប្អូនបានជួបប្រទះក្នុងជីវិតរបស់បងប្អូន ? តើភស្ដុតាងនេះមានឥទ្ធិពលយ៉ាងណាទៅលើបងប្អូន ?
សកម្មភាពសម្រាប់ការរៀនសូត្រជាមួយអ្នកដទៃ
-
ប្រធាន ហ្គរដុន ប៊ី ហ៊ីងគ្លី ( ឆ្នាំ ១៩១០-២០០៨ ) បានប្រកាសថា ៖ « គ្រប់ភាពជោគជ័យទាំងអស់នៅក្នុងប្រវត្តិសាស្ត្រមនុស្សលោក គ្មានភាពជោគជ័យណាដែលអស្ចារ្យបំផុត ដែលមានឥទ្ធិពលជាសាកល ដែលមានលទ្ធផលយូរអង្វែងដូចជាភាពជោគជ័យនៃព្រះអម្ចាស់ដែលត្រូវបានគេឆ្កាង ដែលបានយាងចេញពីផ្នូរនៅព្រឹកដំបូងនៃបុណ្យអ៊ីស្ទើរនោះទេ » ។ ចូរពិភាក្សាអំពីមូលហេតុសំខាន់ដើម្បីដឹងថាព្រះយេស៊ូវគ្រីស្ទមានព្រះជន្មរស់នៅនាសព្វថ្ងៃនេះ ។ ប្រធាន ហ៊ីងគ្លី ក៏បានសរសេរពាក្យនៅក្នុងទំនុកតម្កើងនេះថា « ព្រះប្រោសលោះខ្ញុំនៅរស់ » ។ សូមអាន ឬស្តាប់ទំនុកតម្កើងនេះជាមួយគ្នា ហើយបន្ទាប់មកចែកចាយគំនិត និងអារម្មណ៍ដែលវាបំផុសគំនិតដល់បងប្អូន ។
-
សិល្បករដ៏បំផុសគំនិតជាច្រើនរូប បានពណ៌នាពីគ្រាដែលបុគ្គលម្នាក់ៗបានឃើញព្រះអង្គសង្គ្រោះដែលមានព្រះជន្មរស់ឡើងវិញ ។ សូមមើលរូបភាពខាងក្រោម ឬរូបផ្សេងទៀតដែលបងប្អូនចូលចិត្ត ។ សូមចែកចាយនូវអ្វីដែលរូបភាពទាំងនេះជួយបងប្អូនឲ្យយល់អំពីការរស់ឡើងវិញរបស់ព្រះយេស៊ូវគ្រីស្ទ ។ តើវាធ្វើឲ្យបងប្អូនមានអារម្មណ៍យ៉ាងណាអំពីទ្រង់ ? តើបងប្អូនអាចមានអារម្មណ៍យ៉ាងណាប្រសិនបើបងប្អូននៅទីនោះ ?
ស្វែងយល់បន្ថែមទៀត
-
ម៉ាថាយ ២៧:៥២–៥៣; ម៉ាថាយ ២៨; លូកា ២៤:១៣–៤៣; កូរិនថូស ទី១ ១៥:១–៨; នីហ្វៃទី២ ៩:៣–៧, ១៣–១៥; ហេលេមិន ១៤:១៤–១៧; នីហ្វៃទី៣ ២៣:៦–១៤
-
ឌី ថត គ្រីស្តូហ្វឺសិន « The Resurrection of Jesus Christ » Liahona ខែ ឧសភា ឆ្នាំ ២០១៤ ទំព័រ ១១១–១១៤
-
« The Atonement and Resurrection of Jesus Christ » Teachings of Presidents of the Church: Howard W. Hunter ( ឆ្នាំ ២០១៥ ) ទំព័រ ៩៩–១១០ ។
-
រ៉ូប៊ឺត ជេ ម៉ាថ្យូ « Resurrection » Liahona ខែ មេសា ឆ្នាំ ១៩៩៦ នៅលើគេហទំព័រ ChurchofJesusChrist.org
-
« Jesus Is Resurrected » ( វីដេអូ ) នៅលើបណ្ណាល័យដំណឹងល្អ
-
« ជំពូកទី ៥៤ ៖ ព្រះយេស៊ូវមានព្រះជន្មរស់ឡើងវិញ» ដំណើររឿងព្រះគម្ពីរសញ្ញាថ្មី ទំព័រ ១៣៩–១៤៤
ផ្នែកទី ២
នៅទីបំផុតយើងទាំងអស់គ្នានឹងបានរស់ឡើងវិញ
ដោយសារព្រះយេស៊ូវគ្រីស្ទមានព្រះជន្មរស់ឡើងវិញ នោះយើងទាំងអស់គ្នានឹងរស់ឡើងវិញនៅថ្ងៃណាមួយដែរ ។ មិនយូរប៉ុន្មានក្រោយពីការរស់ឡើងវិញរបស់ព្រះយេស៊ូវគ្រីស្ទ មនុស្សស្មោះត្រង់ជាច្រើនក៏បានរស់ឡើងវិញផងដែរ ( សូមមើល ម៉ាថាយ ២៧:៥២–៥៣ ) ។ ទោះជាមនុស្សគ្រប់គ្នានឹងមិនរស់ឡើងវិញក្នុងពេលតែមួយក៏ដោយ ក៏នៅទីបំផុតមនុស្សទាំងអស់នឹងទទួលបានរូបកាយដ៏ល្អឥតខ្ចោះ អមតមួយ តាមរយៈអំណោយដ៏រុងរឿងនៃការរស់ឡើងវិញជាសកល ។
រូបកាយដែលរស់ឡើងវិញរបស់យើងនឹងមានលក្ខណៈស្រដៀងគ្នានឹងរូបកាយដែលយើងមានឥឡូវនេះ ដោយគ្រាន់តែអមតដ៏ល្អឥតខ្ចោះ—គឺគ្មានជំងឺ និងការឈឺចាប់ទៀតឡើយ ។ យើងនឹង « បានទទួលនូវភាពពោរពេញនៃសេចក្ដីអំណរ » ( គោលលទ្ធិ និងសេចក្តីសញ្ញា ៩៣:៣៣–៣៤; សូមមើល ផងដែរ អាលម៉ា ១១:៤៣ ) ។ រូបកាយដែលបានរស់ឡើងវិញរបស់យើងនឹងធ្វើឲ្យយើងអាចត្រឡប់ទៅកាន់វត្តមានរបស់ព្រះវិញ ហើយទទួលការជំនុំជម្រះ ។ អស់អ្នកទាំងឡាយដែលបានប្រែចិត្តពីអំពើបាបរបស់ខ្លួននឹងរីករាយនឹងជីវិតដ៏អស់កល្បជានិច្ច ហើយរស់នៅជារៀងរហូតនៅក្នុងវត្តមានរបស់ព្រះ ។
ការណ៍ទាំងឡាយដែលត្រូវពិចារណា
-
កូនប្រុសរបស់អាលម៉ាជាកូន កូរីអានតុន បាន « កំពុងខ្វល់នៅក្នុងគំនិតអំពីដំណើររស់ឡើងវិញនៃមនុស្សស្លាប់ » ( អាលម៉ា ៤០:១ ) ។ ដូច្នេះអាលម៉ាបានបង្រៀន កូរីអានតុន—និងអ្នកអានព្រះគម្ពីរមរមន—សេចក្តីពិតសំខាន់ៗជាច្រើនទាក់ទងនឹងការរស់ឡើងវិញ ។ សូមអានអំពីអ្វីដែលគាត់បានបង្រៀននៅក្នុង អាលម៉ា ៤០–៤១ ។ នៅពេលបងប្អូនអាន សូមកត់សម្គាល់អំពីសេចក្ដីពិតពីការរស់ឡើងវិញដែលសំខាន់ចំពោះបងប្អូន ។ តើសេចក្ដីពិតទាំងនេះអាចជួយកូរីអានតុនឲ្យមានអារម្មណ៍សុខសាន្តដោយរបៀបណា ? តើសេចក្ដីពិតទាំងនេះអាចជះឥទ្ធិពលលើការសម្រេចចិត្តដែលបងប្អូនកំពុងធ្វើឥឡូវនេះដោយរបៀបណា ?
-
សាវកប៉ុលបានដឹងថាពួកបរិសុទ្ធមួយចំនួននៅកូរិនថូស មិនជឿលើការរស់ឡើងវិញនោះទេ ។ សូមអាន កូរិនថូស ទី១ ១៥ ដោយយកចិត្តទុកដាក់ ជាពិសេសទៅលើការបង្រៀនរបស់ប៉ុលអំពីការរស់ឡើងវិញ ។ ទាំងនេះគឺជាសំណួរមួយចំនួនដើម្បីជួយបងប្អូនឲ្យជញ្ជឹងគិតពេលបងប្អូនសិក្សា ៖
-
ខទី ១២-១៥ ៖ ហេតុអ្វីបានជាការផ្សព្វផ្សាយ និងសេចក្ដីជំនឿនឹងក្លាយជាអសារឥតការ ប្រសិនបើគ្មានការរស់ឡើងវិញទេនោះ ?
-
ខទី ១៦–១៩ ៖ ហេតុអ្វីបានជាយើង « នៅក្នុងអំពើបាប [ របស់យើង ] ប្រសិនបើគ្មានការរស់ឡើងវិញ ? ហេតុអ្វីបានជាយើង « វេទនា លើសជាងមនុស្សទាំងអស់ទៅទៀត » ?
-
ខទី ៥៥-៥៨ ៖ តើចំណេះដឹងរបស់បងប្អូនអំពីការរស់ឡើងវិញជួយធ្វើឲ្យបងប្អូន « កាន់យ៉ាងខ្ជាប់ខ្ជួន » និង « ឥតរង្គើ » ដោយរបៀបណា ?
-
សកម្មភាពសម្រាប់ការរៀនសូត្រជាមួយអ្នកដទៃ
-
ដំណឹងល្អដែលបានស្ដារឡើងវិញរបស់ព្រះយេស៊ូវគ្រីស្ទបង្រៀនថា អំណោយទាននៃការរស់ឡើងវិញត្រូវបានប្រទានដោយគ្មានលក្ខខណ្ឌទៅដល់មនុស្សទាំងអស់ ប៉ុន្តែបុត្រាបុត្រីរបស់ព្រះជាច្រើនមិនបានដឹងអំពីពរជ័យនេះទេ ។ ពិភាក្សាអំពីរបៀបដែលការរស់ឡើងវិញធ្វើឲ្យមានភាពខុសគ្នានៅក្នុងជីវិតរបស់បងប្អូន ។ បងប្អូនក៏អាចឃើញថាវាមានប្រយោជន៍ក្នុងការពិភាក្សាអំពីបទពិសោធន៍ផ្ទាល់ខ្លួនរបស់ស៊ីស្ទើរ រ៉េណា អ៊ី អាប៊ើតូ នៅក្នុងសុន្ទរកថារបស់គាត់ « ផ្នូរគ្មានជ័យជម្នះលើឡើយ » និង អែលឌើរ អេស ម៉ាក ផលម័រ នៅក្នុង Our Sorrow Shall Be Turned into Joy » ។ តើស៊ីស្ទើរ អាប៊ើតូ និង អែលឌើរ ផលម័រ បានទទួលពរជ័យដោយសារចំណេះដឹងអំពីការរស់ឡើងវិញដោយរបៀបណា ? តើចំណេះដឹងនេះផ្ដល់ពរជ័យដល់យើងដោយរបៀបណា ?
ស្វែងយល់បន្ថែមទៀត
-
ដាល្លិន អេក អូក « Resurrection » Ensign ខែ ឧសភា ឆ្នាំ ២០០០ ទំព័រ ១៤–១៦
-
« Death and Resurrection: From Hopeless Dawn to Joyful Morning » Teachings of Presidents of the Church: Thomas S. Monson ( ឆ្នាំ ២០២០ ) ទំព័រ ១១៣–១២២ ។
-
« Finding Hope through the Resurrection of Christ » ( វីដេអូ ) នៅលើបណ្ណាល័យដំណឹងល្អ
ធនធានផ្សេងទៀតអំពីការរស់ឡើងវិញ
-
ធនធានសម្រាប់កុមារ