Kinatibuk-ang mga Panudlo

Sa unsa nga paagi nga ang tun-anan sa Mga Relasyon sa Kaminyoon ug sa Banay magamit?

Kini nga tun-anan giplano aron makatabang sa mga sakop sa Simbahan sa paglig-on sa mga kaminyoon ug mga banay ug sa pagkaplag sa hingpit nga kalipay diha sa mga relasyon sa ilang banay. Ang kaobispohan o ang kapangulohan sa sanga may kapangakohan sa pagtan-aw nga ang tun-anan gituman sa epektibo nga paagi.

Tungod kay ang mga sakop sa Simbahan adunay nagkalahi nga mga pangina-hanglan ug nagagikan sa nagkalahi nga mga kahimtang sa banay ang tun-anan gibahin ngadto sa duha. Bahin A, “Pagpalig-on sa mga Kaminyoon,” makata-bang kaayo alang sa mga magtiayon ug sa mga sakop kinsa nangandam nga magminyo. Bahin B; “Mga Kapangakohan sa mga Ginikanan sa Paglig-on sa mga Banay”, makatabang sa ginikanan ug mga apohan sa ilang mga paningkamot “kon dili matutoon ninyo sila [mga bata] uban sa pagbansay ug pagpahamat-ngon gikan sa Ginoo” (Mga Taga-Efeso 6:4). Mga sakop kinsa moapil sa tun-anan kinahanglan nga makasabut nga sila adunay katungod nga motambong sumala sa ilang tagsatagsa ka mga panginahanglan. Pananglitan, usa ka magtiayon nga walay mga anak mahimong makagusto pag-apil sa Bahin A apan dili sa Bahin B. Usa ka dili minyo nga ginikanan mahimong mohukom nga moapil lamang sa mga leksyon sa Bahin B.

Ang mga pangulo sa purok ug sanga mahimong mousab-usab sa ilang paggamit sa tun-anan, sumala sa mga pag-aghat sa Espiritu ug sa mga panginahanglan sa tagsatagsa ka mga sakop. Sila kinahanglan nga mohunahuna sa mosunod nga mga ideya:

• Mga kaobispohan ug mga kapangulohan sa sanga mahimong mo-iskedyul sa tun-anan isip usa ka Pang-Domingo nga Tulunghaan. Sumala sa paggiya sa Espiritu, ang mga pangulo mahimong modapit og piho nga mga sakop sa pagtambong.

• Ang mga pangulo sa pundok sa halangdong mga pari, mga kapangulohan sa korum sa mga anciano, ug mga kapangulohan sa Kapunongan sa Kahupayan mahimong mogamit sa usa sa mga leksyon alang sa panudlo sa unang Domingo sa matag bulan. Kon angay, sila mahimong mogamit sa mga leksyon diha sa firesides ug mga kahigayunan sa pagtudlo diha sa mga gabii sa semana o panahon sa Sabado.

• Mga kaobispohan ug mga kapangulohan sa sanga mahimong mogamit sa usa sa mga leksyon diha sa gihiusa nga mga tigum sa Melchizedek nga Pagkapari—Kapunongan sa Kahupayan sa ikalima nga mga Domingo. Mahimo usab silang mogamit sa mga leksyon sa firesides alang sa batan-ong mga lalaki ug mga babaye.

• Ang mga tigtambag sa Aaronic nga Pagkapari ug Batan-ong mga Babaye mahimong mogamit sa manwal isip kapanguhaan alang sa gabii sa Mutual. Sila mahimong mogamit sa mga leksyon sa dungan nga pagtudlo sa mga batang-ong lalaki ug mga babaye o sa ilang tagsatagsa ka mga kapunogan.

• Mga tagsatagsa ug mga magtiayon mahimong motuon sa tun-anan sa ilang kaugalingon.

Kinsa ang kinahanglan nga modawat sa mga materyal alang sa tun-anan?

Ang matag usa sa mga sakop sa purok o sanga nga gilista sa ubos kinahanglan nga makadawat og usa ka kopya sa Manwal sa Magtutudlo sa Kaminyoon ug mga Relasyon sa Banay ug usa ka kopya sa Giya sa Pagtuon sa Sumasalmot sa Kaminyoon ug mga Relasyon sa Banay.

• Obispo o presidente sa sanga

• Pangulo sa pundok sa halangdong mga pari

• Presidente sa Korum sa mga Anciano

• Presidente sa Batan-ong mga Lalaki

• Presidente sa Kapunongan sa Kahupayan

• Presidente sa Batan-ong mga Babaye

• Magtutudlo sa tun-anan sa Mga

Relasyon sa Kaminyoon ug sa Banay

Ang matag sumasalmot sa tun-anan kinahanglan makadawat og usa ka kopya sa giya sa pagtuon.