Leksyon 6

Pagpalig-on sa mga Kaminyoon pinaagi sa Hugot nga Pagtuo ug Pag-ampo

Katuyoan

Pagtabang sa mga sumasalmot nga makasabut ug maningkamot nga makadawat sa mga panalangin nga moabut kon ang minyo nga mga magtiayon magbansay og hugot nga pagtuo kang Jesukristo ug magdungan sa pag-ampo.

Pagpangandam

1. Tun-i pag-usab ang mga bamganan ubos sa “Imong mga Kapangkohan isip Magtutudlo” (mga pahina x-xiii niini nga manwal. Pangita og mga paagi nga makagamit niining mga bamganan sa imong pagpangandam sa pagtudlo.

2. Basaha ang tataw nga mga ulohan sa leksyon nga naglatid sa mga doktrina ug mga baruganan sa leksyon. Isip kabahin sa imong pagpangandam palandonga kining mga doktrina ug mga baruganan sa tibuok semana, tinguhaa ang giya sa Espiritu sa paghukom unsa ang kinahanglan nga imong hatagan og gibug-aton aron makatubag sa mga panginahanglan sa mga sumasalmot.

Gisugyot nga Kalamboan sa Leksyon

Ang mga bana ug mga asawa kinahanglan nga magtambayayong aron molambo ang ilang hugot nga pagtuo kang Jesukristo.

Ipakigbahin ang mosunod nga sugilanon nga gisaysay ni Presidente James E. Faust, sa Unang Kapangulohan:

“Si Elder Orim Voorheis…usa ka dako, guapo, ambongang batan-ong lalaki kinsa nakaalagad didto sa Habagtang Misyon sa Argentina Buenos Aires. Usa ka gabii, mga 11 ka mga bulan na sa iyang misyon, pipila ka armadong mga kawatan miharong ni Elder Voorheis ug sa iyang kauban. Sa walay pagbati nga buhat sa kapintas, usa kanila mipusil ni Elder Voorheis sa ulo. …

Si Elder Voorheis hapit maparalisar sa hingpit ug dili makasulti, apan siya adunay talagsaong espiritu ug makatubag sa mga pangutana uban sa mga pagsinyas sa kamot. Siya sa gihapon nagsul-ob sa iyang badge sa misyonaryo. Ang iyang mga ginikanan wala mangutana, ‘Nganong nahitabo man kini sa among hamiling anak nga lalaki, kinsa nag-alagad sa balaang tawag sa Ginoo? Walay usa nga adunay pihong tubag gawas tingali diha sa mga panghitabo diin ang tag-as pa nga mga katuyoan maoy pagasilbihan. “Kita kinahanglang maglakaw uban sa hugot nga pagtuo” (sa Conference Report, Oct. 1999; 73, o Ensign, Nov. 1999, 59-60).

Basaha ang Mga Hebreohanon 11:1 ug Alma 32:21 uban sa mga sumasalmot, Itudlo nga ang Hinubad ni Joseph Smith sa Hebrews 11:1, nga makita sa sinulat sa ubos nga panid 1b, nag-ingon nga “ang hugot nga pagtuo mao ang pasalig kanato sa mga butang nga atong ginapaabot.”

• Sumala niini nga mga bersikulo, unsa ang kahulugan sa pagtuo?

• Unsa ang pipila ka mga sitwasyon nga nanginahanglan sa mga minyo nga mga magtiayon sa “pagakaw pinaagi sa hugot nga pagtuo,” sama sa giingon ni Presidente Faust?

  Hunahunaa ang paghangyo sa mga sumasalmot nga makigbahin sa mga panig-ingnan gikan sa ilang mga kinabuhi. Ang mga tubag mahimong maglakip sa dili maayo nga panglawas, walay anak, katigulangon, mga anak nga may mga kakulangan, kamatayon sa mga minahal, mga problema sa panalapi, nahisalaag nga mga anak, ug kinaiyanhong mga katalagman. Itudlo nga ang mga hagit mahimong moabut diha sa atong mga kinabuhi bisan pa kon kita manglimbasog sa pagpuyo sa matamng nga paagi.

Basaha ang Moroni 7:32-33 uban sa mga sumasalmot. Ipasabot og maayo nga ang atong hugot nga pagtuo kinahanglan gayud itumong ngadto kang Jesukristo. Si Elder Richard G. Scott sa Korum sa Napulog Duha ka mga Apostoles mipasabut nga kon kita magbansay og hugot nga pagtuo ngadto kang Jesukristo, kita malig-on sa pag-atubang sa mga hagit:

“Ang Ginoo mohatag og kahupayan uban sa balaang gahum kon kamo manga-yo og katubsanan diha sa pagkamapainubsanon ug hugot nga pagtuo kang Jesukristo… .Walay usa nga makatabang kaninyo kon walay hugot nga pagtuo ug pagpaningkamot sa inyong bahin. Ang inyong personal nga paglambo nangi-nahanglan niana. Ayaw paghandom sa kinabuhi nga walay kalisud, kasakit, pamugos, hagit, o kasubo, tungod kay kini mao ang mga himan nga gigamit sa mahigugmaong Amahan sa pagpasibot sa atong personal nga paglambo ug pag-sabut. Ingon nga gibalikbalik sa mga kasulatan pagpamatuod, kamo matabangan kon kamo magpakita sa hugot nga pagtuo kang Jesukristo. Kanang hugot nga pagtuo gipakita pinaagi sa pagkaandam nga mosalig sa Iyang mga saad nga giha-tag pinaagi sa Iyang mga propeta ug sa Iyang mga kasulatan” ( sa Conference Report, Apr. 1994,8; o Ensigni, May 1994,8).

Itudlo nga ang mga bana ug mga asawa kinahanglan gayud nga magtambaya-yong pagtumong sa ilang mga kinabuhi diha sa Manluluwas. Si Elder Jeffrey R. Holland sa Korum sa Napulog Duha ka mga Apostoles miingon:

“Kamo gusto og kasarang, sa kahilwasan, ug seguridad…sa kinabuhi nga minyo ug sa kahangturan? Pagpakatinuod nga tinun-an ni Jesus. Pagpakamatuod, mapasaligon, sa pulong ug buhat nga Santos sa Ulahing mga Adlaw. Tuo nga ang inyong hugot nga pagtuo adunay kalabutan sa inyong paghigugmaay, tungod kay…si Jesukristo mao ang kahayag sa kalibutan, mao lamang ang lampara diin kamo sa malampusong paagi makakita sa agianan sa gugma ug kalipay alang kanimo ug alang sa imong minahal” {“How Do I Love Thee” [Brigham Young University devotional address; 15 Feb. 2000], 6).

• Sa unsa nga paagi nga ang napalambo nga hugot nga pagtuo diha sa Manluluwas makatabang sa minyo nga mga magtiayon nga makapalig-on sa ilang relasyon sa usag usa? Ang mga tubag mahimong maglakip niadtong gilista sa ubos.

  1. Sila nahimong labaw pa ka Kristohanon sa ilang pagtagad sa usag usa. Sila mahimong labaw pa nga mahigugmaon, matinabangon, malumo, mapailubon, ug andam nga maminaw sa usag usa.

  2. Sila mahimong labaw pa ka mapainubsanon ug andam nga maghinulsol ug magsunod sa mga pagtulun-an sa Manluluwas. Kon labaw nga andam ang matag kapikas sa paghinulsol ug pagpahisama sa Manluluwas, mas molabaw pa ang pagkamaangayon sa kaminyoon.

• Sa unsa nga mga paagi nga ang minyo nga magtiayon magkatambayayong aron molambo ang ilang hugot nga pagtuo diha sa Manluluwas? (Dapita ang mga sumasalmot sa pagpakigbahin sa ilang mga kasinatian nga maoy nakapa-lig-on sa ilang hugot nga pagtuo diha sa Manluluwas. Dugang pa sa pagpanga-yo og mga tubag gikan sa mga sumasalmot, hunahunaa ang pagpakigabahin sa mga baruganan nga gilista sa ubos.)

  1. Tumana ang mga balaod ug mga ordinansa sa ebanghelyo. (Ipakigbahin ang mosunod nga pamahayag nga gihimo ni Obispo Robert D. Hales samtang siya nag-alagad isip Tigdumalang Obispo: “Ang pagkamasulundon ngadto sa mga balaod ug mga ordinansa sa ebanghelyo gikinahanglan aron maangkon ang hugot nga pagtuo diha sa Ginoong Jesukristo” [sa Conference Report, Apr. 1990, 52; o Ensign, May 1990, 39].)

  2. Tun-i pagdungan ang mga kasulatan (Basaha sa Helaman 15:7-8 uban sa mga sumasalmot.)

  3. Salig sa Ginoo. (Basaha sa Mga Proverbio 3:5-6 uban sa mga sumalsalmot. Itudlo nga samtang ang mga magtiayon mag-atubang og mga hagit, sila makatino nga mangayo sa tabang sa Ginoo uban sa mas dako pang kainit, pagpahimo sa ilang hugot nga pagtuo nga mahimong mas dakong kabahin sa ilang inadlaw nga mga kinabuhi.)

Ang mga bana ug mga asawa mapanalanginan kon sila magdungan sa pag-ampo.

• Unsa nga mga panalangin ang moabut kon ang bana ug asawa kanunay nga magdungan sa pagluhod diha sa pag-ampo? (Awhaga ang mga sumasalmot sa pagpakigbahin og mga kasinatian nga angay niini nga pangutana. Agi og dugang, basaha ang mosunod nga kinutlo ug usa o duha sa mosunod nga mga panig-ingnan.)

  Samtang nag-alagad diha sa Korum sa Napulog Duha ka mga Apostoles, si Elder Gordon B. Hinckley mitambag:

  “Ako nasayud nga walay bisan unsa nga pagbansay nga adunay labaw pa ka mapuslanong epekto diha sa inyong mga kinabuhi kay sa pagdungan sa pag-ampo samtang kamo motapos ug mosugod sa matag adlaw. Sa dili damhon nga mga paagi ang gagmay nga mga unos nga ingon og nakasamok sa kaminyoon mahanaw kon, samtang mag-ampo sa atubangan sa Ginoo, kamo mopasalamat Kaniya alang sa usag usa, diha sa atubangan sa usag usa, ug dayon magdungan nga mangamuyo sa iyang mga panalangin alang sa inyong panimalay, sa inyong mga minahal, ug inyong mga damgo.

  “Dayon ang Dios mahimong ninyong kauban, ug ang inyong inadlaw nga mga panagsultihanay uban kaniya makahatag og kalinaw ngadto sa inyong mga kasingkasing ug hingpit nga kalipay ngadto sa inyong mga kinabuhi nga moabut gikan sa walay lain lamang nga kapanguhaan. Ang inyong panag-uban magkatam-is uyon sa mga katuigan; inyong gugma magkalig-on. Ang inyong pagtamud alang sa usag usa magkadako” (sa Conference Report, Apr. 1971, 83; o Ensign, June 1971, 72).

  Ang usa ka bana miingon nga ang mga pag-ampo sa iyang asawa nakatabang sa pagdasig kaniya nga mahimong mas maayo pa nga bana ug amahan. Kon siya magluhod sa tupad sa iyang asawa sa pag-ampo, magkupot sa iyang kamot, siya maminaw sa iyang pangamuyo ngadto sa Langitnong Amahan mahitungod sa mga kabalaka nga anaa sa iyang kasingkasing. Ang iyang gugma alang kaniya nagtubo tungod kay siya nasayud nga ang iyang kasingkasing putli ug ang iyang mga katuyoan mga tinuod. Siya nasayud nga samtang siya makigsulti ngadto sa Langitnong Amahan, siya sa tinuoray wala magkinahanglan og bisan unsa nga labaw pa kay sa pag-alagad Kaniya sa pagkamatarung.

  Sa laing banay, ang bana nag-antus sa dugay na kaayong pisikal nga kakulangan. Matag gabii sa dili pa siya ug ang iyang asawa mangatulog, sila magpasalamat sa Langitnong Amahan alang sa ilang mga panalangin ug mangayo sa Iyang giya sa pag-amuma sa ilang upat ka mga anak sa gamay nga kinitaan. Paglabay sa mga katuigan, sa dihang ang bana nakabalik na sa panarbaho, sila gipangutana sa unsa nga paagi sila nakahimo sa pagpahigayon panahon sa kalisud. Sila mipamatuod nga ang pagtambayayong ug pag-ampo nga magdungan nakahimo sa kalainan. Ang ilang matinuurong mga pag-ampo natubag sa daghang mga panalangin, naglakip sa paglaum nga ilang nadawat pinaagi sa makapahupay nga impluwensya sa Espiritu.

• Sa unsang paagi nga ang pagdungan og pag-ampo makatabang sa mga bana ug mga asawa pagsulbad sa mga kalisud sa ilang relasyon? (Samtang ang mga sumasalmot mohisgot niining pangutana, itudlo nga kon ang mga bana ug mga asawa mobati og panagbingkil tali sa usag usa, sila usahay mohu-nong sa dungan sa pag-ampo. Bisan pa niana, ang pagdungan sa pag-ampo gamhanan nga gamiton nga makatabang kanila pagbuntog sa ingon niaana nga mga hagit.)

  Si Presidente Thomas S. Monson sa Unang Kapangulohan mihisgot sa adlaw nga siya ug ang iyang asawa, nga si Frances, nabugkos sa Templo sa Salt Lake. Si Benjamin Bowring, ang lalaki kinsa mipahigayon sa tulumanon, mihatag kanila sa mosunod nga tambag: Buot akong motanyag kaninyo bag-ong mga kinasal og pormula nga mosiguro aron ang bisan unsang panagsumpaki nga moabut kaninyo dili molungtad og dugay pa kay sa usa ka adlaw. Sa matag gabii luhod diha sa kilid sa inyong higdaanan. Usa ka gabii, Brother Monson, ikaw ang mohalad sa pag-ampo sa makusog, nga magluhod. Sa sunod nga gabii ikaw, Sister Monson, mohalad sa pag-ampo, sa makusog, nga magluhod. Dayon ako makasiguro kaninyo nga bisan unsa nga walay pagsinabtanay nga mahitabo nianang adlawa mahanaw samtang kamo mag-ampo. Kamo sa yano dili makadungan sa pag-ampo ug makapabilin sa bisan unsa gawas sa labing maayo nga pagbati ngadto sa usag usa” (sa Conference Report. Oct. 1988, 81; o Ensign, Nov. 1988, 70).

  Si Elder David B. Haight sa Korum sa Napulog Duha ka mga Apostoles miingon: “Kon, isip bana ug asawa, kamo adunay grabe nga walay mga pagsinabtanay o kon kamo mobati og gamay nga kakapoy o tensyon nga anaa sa inyong kaminyoon, kamo sa mapainubsanon nga paagi magdungan sa pagluhod ug mangayo sa Dios nga atong Amahan, sa kinasingkasing uban sa tinuod nga katuyoan, sa pagsalikway sa kangitngit nga anaa sa inyong relasyon, nga kamo mahimong modawat sa gikinahanglan nga kahayag, makakita sa inyong mga kasaypanan, maghinulsol sa inyong mga sayop, pagpasaylo sa usag usa, ug modawat sa matag usa ngadto sa inyong mga kaugalingon sama sa inyong gibuhat sa sinugdanan. Ako sa maligdong nga paagi mosiguro kaninyo nga ang Dios buhi ug motubag sa inyong mapainubsanon nga mga pangaliyupo” (sa Conference Report, Apr. 1984, 17; o Ensign, May 1984, 14).

Hangyoa ang mga sumasalmot kinsa mga minyo sa hilom nga paagi sa pagtimbangtimbang sa ilang mga paningkamot nga mag-ampo uban sa ilang kapikas. Hatagi og gibug-aton nga sa mga panimalay diin adunay usa lamang ka ginikanan, ang matinuorong kinaugalingon nga pag-ampo makahatag og mga panalangin sa Dios ngadto sa panimalay.

Panapos

Hatagi og gibug-aton nga samtang ang mga bana ug mga asawa magtambayayong sa paggamit sa hugot nga pagtuo ni Jesukristo ug mag-ampo, sila makakaplag og mahinungdanon pa nga kalipay, paghiusa, ug kahanas nga moatubang sa ilang mga hagit.

Sigon sa pag-aghat sa Espiritu, pagpamatuod sa mga kamatuoran nga gihisgutan sa panahon sa leksyon.

Basaha ang mga pahina 23-27 diha sa Giya sa Pagtuon sa Sumasalmot sa Mga Relasyon sa Kaminyoon ug sa Banay. Awhaga ang mga sumasalmot nga tun-an pag-usab ang mga doktrina ug mga baruganan niini nga leksyon pinaagi sa (1) pagsunod bisan usa sa mga gisugyot sa “Ideya alang sa Paggamit” ug (2) pagbasa sa artikulo “Pagkaplag sa Hingpit nga Kalipay sa Kinabuhi ni Elder G. Scott. Itudlo nga ang minyo nga mga magtiayon makadawat og mahinungdanong mga kaayohan gikan sa pagbasa ug paghisgot pagdungan sa mga artikulo diha sa giya sa pagtuon

Pahinumdumi ang mga sumasalmot nga modala sa ilang mga giya sa pagtuon nganha sa klase alang sa sunod nga leksyon.