Leksyon 11

Ang Sagrado nga mga Tahas sa mga Amahan ug mga Inahan

Bahin 2: Mga Tahas sa mga Inahan

Katuyoan

Pagtabang sa mga sumasalmot nga makasabot sa unsa nga paagi nga ang mga inahan makatuman sa ilang sagradong mga tahas ug sa unsa nga paagi ang mga inahan ug mga amahan makatabang sa usag usa ingon nga magkatimbang nga managkauban.

Pagpangandam

Tun-i pag-usab ang mga baruganan ubos sa “Imong ma kapangakohan isip Magtutudlo” (mga pahina x-xiii niini nga manwal). Pangita og mga paagi nga makagamit niini nga mga baruganan sa imong pagpangandam sa pagtudlo.
Basaha ang tataw nga mga ulohan sa leksyon, nga naglatid sa mga doktrina ug mga baruganan diha sa leksyon. Ingon nga kabahin sa imong pagpangandam palandonga kini nga mga doktrina ug mga baruganan sa tibuok semana. Tinguhaa ang giya sa Espiritu sa paghukom unsay kinahanglan nga imong hatagan og gibug-aton aron matubag ang mga panginahanglan sa mga sumasalmot.
Pahinumdumi ang mga sumasalmot nga modala sa ilang mga kopya diha sa klase sa Giya sa Pagtuon sa Sumasalmot sa mga Relasyon sa Kaminyoon ug sa Banay.

Gisugyot nga Kalamboan sa Leksyon

Ang mga inahan mosalmot sa buhat sa Dios.

Isip pasiuna niini nga leksyon, basaha uban sa mga sumasalmot ang mosunod nga kinutlo gikan sa pakigpulong ni Elder Jeffrey R. Holland sa Korum sa Napulog Duha ka mga Apostoles (pahina 49 diha sa Giya sa Pagtuon sa Sumasalmot sa mga Relasyon sa Kaminyoon ug sa Banay):

“Usa ka batan-ong inahan misulat ngari kanako sa dili pa dugay nga ang iyang kabalaka natumong ngadto sa tulo ka mga atubangunon. Kon siya sa bisan unsa makadungog nga hisgutan ang bahin sa pagkainahan sa SUA, siya mibati nga siya wala makatupong o ingon nga wala makatupong sa buluhaton. Ikaduha, siya mibati nga ang kalibutan nagpaabut kaniya nga motudlo sa iyang mga anak sa pagbasa , pagsulat, pagdibuho sa sulod, Latino, kalkulos, ug ang Internet—sa tanan bisan ang batang masuso dili pa makalitok sa hilabihang ka ordinaryo, sama sa ‘goo goo.’ Ikatulo, siya sa kanunay mibati nga ang mga tawo usahay nanobra ka maapil-apilon, hapit sa kadaghnan walay tinguha sa paghimo sa ingon, tungod kay ang tambag nga iyang nadawat o gani ang mga pagdayeg nga iyang nadawat ingon og wala gani maghunahuna sa bisan unsang mental nga paggugol, sa espirituhanon ug emosyonal nga paningkamot, ang dugay nga gabii, dugay nga adlaw, gilugwayan ngadto sa kinutuban sa mga panginahanglan nga usahay gikinahanglan diha sa pagpaninguha aron mahimo ug buot nga mahimong inahan nga ang Dios naglaum nga siya mahimo.

“Apan usa ka butang, siya miingon, ang nakapadayon kaniya: ”Sa kahamugaway ug kalisud niini, ug uban sa panagsa nga mga luha, ako nasayud sa kinahiladman sa akong kaugalingon, nga ako naghimo sa buluhaton sa Dios. Ako nasayud nga sa akong pagkainahan ako anaa sa mahangturong panag-uban diha Kaniya. Ako sa halawom natandog nga ang Dios nagpakita sa lyang katapusang katuyoan ug sa kahulugan sa pagkaginikanan, bisan pa kon pipila sa lyang mga anak mopahibalo Kaniya.

“ ‘Kini mao ang pagkaamgo; siya miingon, ‘nga ako naninguha nga mahinumdom niadtong dili kalikayan nga mga adlaw sa kalisud sa dihang tanan niini ingon og dili na madaog. Tingali ang ato gayud nga pagkadili makahimo ug pagkamabalak-on ang moawhag kanato nga mosangpit ngadto kaniya ug mangamuyo sa lyang abilidad nga motabang ngari kanato. Tingali sa sekreto nga paagi Siya nangandoy nga kita mahimong mabalak-on,’ siya miingon, ‘ug mangamuyo alang sa lyang tabang. Dayon, ako motuo, Siya makatudlo niining mga bata sa laktud, pinaagi kanato, apan sa walay pagpadangat og pagpamugos. Ako gusto niana nga ideya,’ siya mitapos, ‘Kini naghatag kanako sa paglaum. Kon ako mahimo nga matarung sa atubangan sa akong Amahan sa Langit, tingali ang lyang giya ngadto sa atong mga anak mahimong dili masayop. Tingali kini mahimo nga lyang buhat ug lyang himaya sa tinuod nga pagsabut’ ” (sa Conference Report, Apr. 1997. 47; o Ensign, May 1997, 36).

Dapita kadtong imong gitudloan nga mopakigabahin sa ilang mga pagbati mahitungod sa unsa nga paagi nga ang inahan makig-ambit sa buhat sa Dios.

Ang mga Inahan maoy unang may tulubagon sa pag-amuma sa ilang mga anak.

Himoa nga ang mga sumasalmot mopakli sa pahina iv diha sa Giya sa Pagtuon sa Sumasalmot sa mga Relasyon sa Kaminyoon ug sa Banay. Itudlo ngadto kanila ang mosunod nga pamahayag diha sa ikapito nga parapo sa pamahayag sa banay: Ang mga inahan maoy unang may kapangakohan sa pag-amuma sa ilang mga anak.”

Sa unsa nga paagi nga ang mga inahan moamuma sa ilang mga anak? (Dapita ang mga sumasalmot nga mopakigbahin sa ilang mga kasinatian nga nagpakit sa impluwensya sa inahan alang sa maayo. Dayon ipakigbahin ang mosunod nga pmahayag.)

Si Elder Richard G. Scott sa Napulog Duha ka mga Apostoles miingon: “Isip inahan nga nagiyahan sa Ginoo, ikaw mopatik sa mga kinaiya sa imong mga anak gikan sa mga baruganan sa kamatuoran pinaagi sa mabinanatayon nga panudlo ug takus nga panig-ingnan. Ikaw motudlo sa mga hiyas sa pagkama-tinuoron, hugot nga pagtuo sa Dios, katungdanan, pagtahud alang sa uban, pagkamabination, pagsalig sa kaugalingon, ug sa tinguha nga makatampo, sa pagkat-on, ug sa paghatag sa inyong pagsalig sa mga kaisipan ug mga kasing-kasing sa mga anak. Walay day-care center nga makahimo niana. Kini imong sagradong katungod ug kahigayunan” (sa Conference Report, Oct. 1996, 102; o Ensign, Nov. 1996, 74).

Si Presidente Boyd K.Packer, akting nga Presidente sa Korum sa Napulog Duha ka mga Apostoles, nakamatikod, “Walay pagtulun-an nga ikatimbang, sa espi-rituhanong paagi nga labaw pa ka magantihon, o labaw pa ka mahimayaon kay sa usa ka inahan nga nagtudlo sa iyang mga anak” (“Teach the Children,”Ensign, Feb. 2000, 16).

Aron sa pagpakigbahin sa labaw pa nga mga ideya mahitungod kon sa unsa nga paagi nga ang mga inahan makaamuma sa ilang mga anak, himoa nga ang mga sumasalmot mopakli sa mga pahina 45–48 diha sa Giya sa Pagtuon sa Sumasalmot sa mga Relasyon sa Kaminyoon ug sa Banay. Hangyoa sila nga mangita sa 10 ka mga sugyot ni Presidente Ezra Taft Benson bahin sa unsay mahimong buhaton sa mga inahan nga mopahimulos og epektibong panahon uban sa ilang mga anak. Kon makita sa mga sumasalmot kini nga mga sugyot, ilista kini sa pisara sama sa gipakita sa ubos. Hisguti ang mga kaayohan sa mosunod nga matag usa nga mga sugyot.

pagbarog sa kinasang-an.
Tinuod nga higala.
Basa ngadto sa inyong mga ana.
Mag-ampo uban sa inyong mga ana.
Paghimo og senemana nga gabii sa banay.
Magdungan sa mga panahon sa pagpangaon.
Adlaw-adlaw nga pagbasa sa mga kasulatan.
Mohimo og mga butang isip banay.
Motudlo sa inyong mga anak
Mohigugma sa tinuod sa inyong mga anak.

Itudlo nga ang mga propeta sa ulahing mga adlaw mihatag og gibug-aton sa pagkamahinungdanon sa mga inahan nga magpabilin sa panimalay uban sa mga anak kay sa pagtrabaho. Ipakigbahin ang mosunod nga pamahayag ni Presidente Gordon B. Hinckley, ang ika-15 nga Presidente sa Simbahan:

“Adunay pipila ka mga babaye gani daghan kaayo kinsa kinahanglan nga motrabaho aron mosangkap sa mga panginahanglan sa ilang mga banay. Kaninyo, ako moingon, himoa ang labing maayo nga inyong mahimo. Ako molaum nga kon kamo nagtrabaho sa tibuok panahon inyo kining gihimo aron sa pagsiguro nga ang unang mga panginahanglan matagbaw ug dili lamang mapatagbaw ang kaugalingon aron makasinati sa maanindot nga panimalay, maluhong mga sakyanan, ug ubang pang mga kaharuhay. Ang labing mahinungdanong buhat nga himoon ni bisan kinsa nga inahan mao ang pag-amuma, pagtudlo, pagbayaw, pagdasig, ug pag-alima sa iyang mga anak sa pagkamatarung ug kamatuoran. Walay bisan kinsa nga makapuli sa iyang dapit” (sa Confernece Report, Oct. 1996, 93; o Ensign, Nov. 1996, 69).

Unsa nga mga sakripisyo ang malagmit gikinahanglan nga himoon sa banay aron sa pagsunod niini nga tambag?

Samtang motapos niini nga seksyon sa leksyon, ipakigbahin ang usa o duha sa mosunod nga mga pamahayag:

Samtang nag-alagad isip Unang Magtatambag sa Unang Kapangulohan, si Presidente Gordon B. Hinckley miingon: “Ako mopahinumdom sa mga inahan sa tanang dapit sa pagkabalaan sa inyong balaang tawag. Walay usa nga makapuli sa inyong dapit. Walay kapangakohan nga labaw pa. Walay obligasyon nga labaw pa nga may bili kay nianang inyong alimahan sa gugma ug kalinaw ug kaligdong niadtong kinsa inyong gidala nganhi sa kalibutan” (sa Conference Report, Oct. 1993, 79; o Ensign, Nov. 1993, 60).

Sa pagpakigpulong ngadto sa mga inahan, si Elder Jeffrey R. Holland miingon: inyo ang labing taas nga tradisyon ni Eva, ang inahan sa tanang tawhanong banay, sa usa kinsa nakasabut nga siya ug si Adan kinahanglang mapukan aron ang mga tawo mahimo; ug ang mga tawo maingon [2 Nephi 2:25] nga unta sila makabaton og hingpit nga kalipay. Inyo ang labing taas nga tradisyon ni Sarah ug Rebekah ug Rachel, kon wala pa sila wala unta kadtong talagsaong patriyarkal nga mga saad ngadto nila ni Abraham, Isaac, ug Jacob nga mipanalangin kanatong tanan. Inyo mao ang labing taas nga tradisyon ni Loida ug Eunice [tan-awa sa 2 Timoteo 1:5] ug sa mga inahan sa 2,000 ka batan-ong mga manggugubat.. Inyo ang labing taas nga tradisyon ni Maria, gipili ug gi-orden nang daan gikan sa wala pa kining kalibutan, nga manamkon, modala ug manganak sa Anak sa Dios mismo sa Iyang Kaugalingon. Kami mopasalamat sa kaninyong tanan, lakip na sa atong kaugalingong mga inahan, ug mosulti kaninyo nga walay bisan unsa nga labaw pa nga mahinungdanon niini nga kalibutan kay sa pag-apil sa buhat ug himaya sa Dios, sa pagpahinabo sa pagkamortal ug yutan-ong kinabuhi sa Iyang mga anak nga babaye ug mga lalaki, aron nga ang pagkamortal ug kinabuhing dayon sulod niadtong celestial nga mga gingharian sa kahitas-an” (sa Conference Report. 1997, 48; o Ensign, May 1997, 36; tan-awa usab sa mga pahina 51-52 diha sa Giya sa Pagtuon sa Sumasalmot sa mga Relasyon sa Kaminyoon ug sa Banay).

Ang mga amahan ug mga inahan kinahanglan motabang sa usag usa ingon nga magkatimbang nga managkauban.

Timan-i: Kon ikaw nagtudlo niini nga leksyon lamang ug wala makatudlo sa leksyon 10, hunahunaa ang pagsugod niini nga seksyon sa leksyon uban sa pamahayag ni Presidente Boyd K. Packer sa pahina 60 niini nga manwal.

Sultihi ang mga sumasalmot sa mosunod nga pamahayag diha sa pamahayag sa banay: “Sa [ilang] sagradong mga kapangakohan, ang mga amahan ug mga inahan may obligasyon nga motabang sa usag usa ingon nga magkatimbang nga managkauban.”

Unsay buot ipasabut alang sa usa ka bana ug asawa nga magkatimbang nga managkauban sa ilang mga kapangakohan?

Itudlo nga ang mga bana ug mga asawa nga magtambayayong ingon nga mga magkatimbang nga managkauban nagkahiusa sa ilang mga paningkamot. Sila magsuporta sa usag usa ug mosalig sa mga kalig-on ug mga talento sa usag usa. Ang matag minyo nga magtiayon makadawat sa Giya sa Ginoo sa paghukom unsaon sa pagsuporta sa usag usa sa ilang mga kapangakohan. Sila makahimo og mga desisyon nga gipasikad sa balaanong gipadayag nga mga baruganan ug sa talagsaong mga kalig-on ug mga abilidad sa matag kauban.
Unsa ang mahimo sa bana aron makasuporta sa iyang asawa sa iyang mga kapangakohan nga moamuma sa mga anak?
Unsa ang mahimo sa asawa aron makasuporta sa iyang bana sa iyang mga kapangakohan sa pagdumala ug pagsangkap?
Unsa nga mga panig-ingnan nga inyong nakita sa mga bana ug mga asawa nga sa epektibo nga paagi nagsuporta sa usag usa sa pag-atiman ug pagtudlo sa ilang mga anak?

Panapos

Basaha ang Doktrina ug mga Pakigsaad 64:33–34 uban sa mga sumasalmot.

Sa unsa nga paagi nga kining kasulatan may kalabutan sa mga kapangakohan sa pagkaamahan ug pagkainahan?

Hatagi og gibug-aton nga ang mga inahan ug mga amahan sa pagkatinuod “nagpahimutang sa tukuranan sa usa ka mahinungdanon nga buhat.” Ang matag adlaw nga mga buluhaton sa pag-atiman sa mga anak mahimo usahay nga ingon og gamay ug walay hinungdan, apan “gikan sa gamay nga mga butang moabut ang dagko nga mga butang.” Ingon nga mga amahan ug mga inahan nga magtambayayong sa ilang sagradong mga kapangakohan, sa ilang mga banay makadawat sa mahinungdanong mga panalangin gikan sa Ginoo.

Kon giaghat sa Espiritu, ipakigbahin ang inyong pagtuo sa mga kamatuoran nga gihisgutan sa panahon sa leksyon.

Basaha ang mga pahina 49–52 diha sa Giya sa Pagtuon sa Sumasalmot sa mga Relasyon sa Kaminyoon ug sa Banay. Awhaga ang mga sumasalmot nga tun-an pag-usab ang mga doktrina ug mga baruganan niini nga leksyon pinaagi sa (1) pagsunod sa bisan usa sa mga gisugyot sa “Mga ideya sa Paggamit” ug (2) pagbasa sa mga artikulo “Tungod kay Siya Usa ka Inahan,” ni Elder Jeffrey R. Holland, ug “Ngadto sa mga Inahan sa Zion,” ni Presidente Ezra Taft Benson. Itudlo nga ang minyo nga mga magtiayon makadawat og mahinungdanong mga kaayohan gikan sa pagbasa ug paghisgot pagdungan sa mga artikulo diha sa giya sa pagtuon.