Leksyon 7

Ang Makatambal nga Gahum sa Pagpasaylo

Katuyoan

Pagtabang sa mga sumasalmot nga makasinati sa kalinaw nga moabut niadtong kinsa mopasaylo sa usag usa ug moawhag sa mga sumasalmot nga moamuma sa espiritu sa pagpasaylo diha sa ilang panimalay.

Pagpangandam

Tun-i pag-usab ang mga baruganan ubos sa “Imong mga Kapangakohan isip Magtutudlo” (mga pahina x-xiii niini nga manwal). Pangita og mga paagi nga magamit kining mga baruganan sa imong pagpangandam sa pagtudlo.
Basaha ang tataw nga mga ulohan sa leksyon, nga naglatid sa mga doktrina ug mga baruganan diha sa leksyon. Isip bahin sa imong pagpangandam, palandonga kining mga doktrina ug mga baruganan sa tibuok semana, tinguhaa ang giya sa Espiritu sa paghukom unsa ang imong kinahanglan nga hatagan og gibug-aton aron matubag ang mga panginahanglan sa mga sumasalmot.
Pahinumdumi ang mga sumasalmot nga modala sa ilang mga kopya sa Giya sa Pagtuon sa Sumasalmot sa Mga Relasyon sa Kaminyoon ug sa Banay nganha sa klase. Sila makakuha og kaayohan sa paggamit niini panahon sa leksyon.

Pahinumdom: Samtang ikaw motudlo niini nga leksyon, pagmabination ngadto sa mga kahimtang sa tagsatagsa ka mga sumasalmot. Kon ang mga sumasalmot mangutana bahin sa pagpangayo o paghatag og pasaylo sa grabe nga mga problema sa banay sama sa abuso o pagluib, sa malumo nga paagi awhaga sila nga makigsulti sa tagsatagsa uban sa obispo.

Gisugyot nga Kalamboan sa Leksyon

Ang espiritu sa pagpasaylo tali sa bana ug asawa makatabang sa paghatag og kalinaw ug pagbati sa pagsalig ug seguridad.

Basaha ang mosunod nga sugilanon nga gisaysay ni Elder Hugh W. Pinnock sa Kapitoan:

“Usa ka magtiayon…nga dugay na naminyo; ang asawa naminyo kaniadto, apan kini maoy unang kaminyoon sa bana. Human sa pipila ka mga bulan sa malipayong kaminyoon, grabeng panagsumpaki ang nahitabo og nakapasakit kaayo sa bana sa emosyonal nga paagi nga siya dili na makahimo sa iyang inadlaw nga mga buluhaton.

Samtang siya naapektohan pag-ayo tungod niining panagsumpaki, siya mitimbangtimbang sa problema ug nakaamgo nga usa ka bahin sa problema iyaha. Siya miduol sa iyang asawa ug bakikaw nga nagbungabunga sa pipila ka mga higayon, ‘Gikasubo ko, Mahal.’ Ang asawa misugod sa paghilak, mitug-an nga kasagaran sa mga problema iyaha, ug nangayo og pasaylo. Samtang nagginaksanay, siya mitug-an nga sa iyang kasinatian kadtong mga pulong sa pagbasol, wala magamit masukad, ug karon siya nasayud nga bisan unsa ang ilang umaabot nga mga problema mahimong masulbad. Siya mibati og kasiguroan tungod kay siya nasayud nga silang duha makaingon nga ‘gikasubo ko’, ‘ako mopasaylo’ ” (“Making Marriage Work,” Ensign, Sept. 1981, 36-37).

Itandi ang kalahi niini nga sugilanon uban sa paghulagway ni Presidente Gordon B. Hinckley sa interbyu nga iyang gihimo sa bana ug asawa kinsa nakasinati sa mga kalisud sa ilang kaminyoon (pahina 28 diha sa Giya sa Pagtuon sa Sumasalmot sa Mga Relasyon sa Kaminyoon ug sa Banay).

“Ako nahinumdom nga naminaw og dugay ngadto sa usa ka magtiayon kinsa naglingkod sa atbang sa akong lingkuranan. Dihay kasuko tali kanila. Ako nasayud nga sa usa ka higayon ang ilang gugma kinasingkasing ug tinuoray. Apan ang matag usa nakapalambo og batasan sa pagpangita og mga sayop sa usa. Dili buot nga mopasaylo sa matang sa mga sayop nga mahimo natong tanan ug dili buot nga makalimot niini ug mopuyo ibabaw niini uban sa pagpugong sa kaugalingon, sila nagsinawayay sa usag usa hangtud ang gugma nga sa makausa ilang nailhan nahanaw. Kini nahimong aso uban sa pagluwat sa gihinganlan nga ‘walay sayop’ nga panagbulag. Karon adunay kamingaw ug pagpasangil. Ako nasayod nga kon lamang adunay bisan diyutay nga sukdanan sa paghinulsol ug pagpasaylo, sila magkauban pa gihapon, magtagamtan sa panag-uban nga mipanalangin sa ilang unang mga tuig” (“Of You It Is Required to Forgive/’ Ensign, June 1991, 4).

Unsay atong makat-unan gikan niining duha ka mga panig-ingnan?

Ipasabut nga niini nga leksyon nagpahinungod sa panginahanglan sa pagpangayo sa kapasayloan ug sa pagkamahinungdanon sa pagpasaylo sa usag usa. Ipasabot og maayo nga ang minyo nga magtiayon makabuntog sa daghang mga hagit sa ilang relasyon kon sila manlimbasog nga makaangkon sa espiritu sa kapasayloan diha sa ilang kaminyoon. Samtang sila mohimo sa ingon, sila makat-on sa kamatuoran sa saad ni Presidente Gordon B. Hinckley niadtong kinsa mopasaylo sa usag usa: “Adunay moabut ngadto sa imong kasingkasing nga kalinaw nga sa laing paagi dili makab-ot” {Ensign, June 1991, 5).

Ang mga bana ug mga asawa kinahanglan mangayo gikan sa usag usa og kapasayloan sa ilang mga kakulangan ug mohimo og tim-os nga mga paningkamot nga mouswag.

Ngano nga mahinungdanon alang sa mga bana ug mga asawa nga mosulti “gikasubo ko” ug mangayo og pasaylo sa usag usa alang sa ilang mga kakulangan?
Ngano nga usahay malisud ang pagpangayo og pasaylo? (Ang mga tubag mahimong maglakip nga ang pagkahakog ug garbo moabut kanato o usahay kita mobasol sa uban sa atong mga problema.)
Sa unsa nga paagi nga kita makakaplag og kalig-on diha sa pagpangayo og pasaylo sa uban?

Ipasabot og maayo nga samtang kita mangayo og pasaylo sa uban, mahinungdanon ang pagbuhat sa matinuorong mga paningkamot nga mag-usab ug, kon gikinahanglan, maghinulsol sa atong mga sala. Dili igo nga mopahayag lamang og kasubo alang sa atong mga lihok; kita kinahanglang maningkamot nga mahimong takus sa pasaylo sa uban ug usab sa pasaylo sa Ginoo.

Unsa ang mga kakauyaw sa pagpangayo og pasaylo nga dili inubanan sa mga pagpaningkamot aron molambo?

Samtang ikaw motapos mining seksyon sa leksyon, hunahunaa ang pagpakigbahin sa usa o duha sa mosunod nga tinuod nga mga sugilanon:

Human maggahin og gabii sa gawas uban sa iyang asawa ug pipila ka mga higa-la, usa ka lalaki nakamatikod nga ang iyang asawa may talagsaong pagpakahi-lum. Siya nangutana kaniya kon aduna bay nahitabo, ug siya mipasabut nga siya mibati og kaulaw ug kahiubos sa daghang mga higayon nianang gabhiona tungod kay siya nakahisgot sa mga sugilanon nga gitumong kaniya. Sa sinugda-nan siya nanalipod sa iyang lihok, nag-ingon nga siya nagkomedya lamang, nga siya buot lamang nga ang tanan malingaw, ug niana siya nagpakapin. Samtang sila nagsultihanay, bisan pa niana, siya nakaamgo nga siya sa tinuod nakapasakit sa iyang mga pagbati. Siya mibati kaayo og kasubo samtang siya nakaamgo nga ang iyang dili mabinantayon nga kinaiya nakapahiubos sa iyang asawa sa dag-hang mga higayon. Siya nangayo og pasaylo ug misaad nga dili na magpakaulaw kaniya pag-usab. Siya mituman sa iyang saad. Gikan dayon niana, siya nakakita og mga paagi sa pagdayeg kaniya sa matinuorong paagi sa atubangan sa uban.

Usa ka bana ug amahan kinsa miapil sa talan-awon nga mahilas sa diha nga siya usa pa ka tin-edyer wala moundang niini nga kinaiya. Siya nawad-an og pagla-um tungod kay siya wala masayud kon unsaon nga siya mausab. Sa katapusan, siya sa makugihon nag-ampo alang sa tabang, nagpaubos sa iyang kaugalingon, ug nagsugod sa pagtuon sa kinabuhi sa Manluluwas ug sa mga pagtulun-an. Samtang siya nakasabut og dugang pa mahitungod sa mga panalangin nga gitanyag pinaagi sa Pag-ula sa Manluluwas, siya nakaamgo nga posible alang kaniya nga mausab ang iyang pamatasan. Siya nakamatikod nga ang iyang pagka-adik naglaglag sa iyang kaugalingon ug sa iyang kaminyoon ug sa banay. Ang iyang bag-ong pagsabut sa misyon ni Jesukristo naghatag kaniya og kahiga-yonan aron lihokon ang mga gikinahanglan nga mga kausaban ug luwason ang iyang kaminyoon.

Ipakigbahin ang mosunod nga pamahayag, gihimo ni Elder Spencer W. Kimball samtang nag-alagad sa Korum sa Napulog Duha ka mga Apostoles:

“Sa matag pagpasaylo adunay kondisyon. Ang bendahe kinahanglan gayud nga adunay iyang kalapad sa pagtabon sa samad. Ang pagpuasa, ang mga pag-ampo, ang pagpaubos kinahanglan gayud nga managsama o labaw pa kay sa sala. Kinahanglan gayud nga adunay usa ka masulub-on nga kasingkasing ug mahinulsulon nga espiritu. Kinahanglan gayud nga adunay managsul-ob og sako, ug managlubog sa mga abo. Kinahanglan gayud nga adunay mga luha ug tinuod nga kausaban sa kasingkasing. Kinahanglan gayud nga adunay pagtuo sa sala, pagbiya sa dautan, pagkumpisal sa sayop ngadto sa angay nga gitawag nga mga awtoridad sa Ginoo. Kinahanglan gayud nga adunay pag-uli ug usa ka sigurado, hugot nga kausaban nga pagalakton, tumong ug padulnganan. Ang mga kondisyon kinahanglan gayud makontrol ug ang panag-uban makorhian o mausab. Kinahanglan gayud nga adunay paglaba sa tag-as nga mga bisti aron kini maputi diha sa dugo sa Kordero ug kinahanglan gayud adunay bag-ong pagpahinungod ug debosyon ngadto sa pagpuyo sa tanan sa mga balaod sa Dios. Sa laktod, kinahanglan gayud nga adunay pagbuntog sa kaugalingon, sa sala, ug sakalibutan” (The Miracle of Forgiveness [1969], 353).

Ang mga bana ug mga asawa kinahanglan nga maninguha nga makapasaylo sa usag usa.

Itudlo nga agi og dugang sa pagpangayo sa pasaylo sa atong mga sala ug alang sa mga kasaypanan nga atong nahimo, kinahanglan nga kita mapasayloon. Usahay kita mahimong masakitan sa gagmay nga mga butang nga buhaton sa mga tawo, apan ang Ginoo mimando kanato nga mopasaylo sa usag usa. Basaha ang Doktrina ug mga Pakigsaad 64:8-10 ug Mateo 6:14-15 uban sa mga sumasalmot.

Sa unsa nga mga paagi nga ang mga kaminyoon malig-on kon ang mga bana ug mga asawa andam sa pagpasaylo sa usag usa?

Si Presidente Gordon B. Hinckley mitambag: Kon adunay si bisan kinsa nga moamuma diha sa ilang mga kasingkasing sa makahilo nga sagol sa pag-away-away batok sa usag usa, ako mangamuyo kaninyo nga mangayo sa Ginoo og kalig-on nga makapasaylo. Kini nga pagpahayag sa tinguha mao ang tinuod nga kahulugan sa imong paghinulsol. Mahimong dili masayon, ug dili moabut sa dali. Apan kon kamo magtinguha niini sa matinuoron ug mougmad niini, kini moabut….Adunay moabut nganha sa inyong mga kasingkasing nga usa ka kalinaw nga sa laing paagi dili makab-ot” (Ensign, June 1991, 5;tan-awa usab sa pahina sa 28 diha sa Giya sa Pagtuon sa Sumasalmot sa Mga Relasyon sa Kminyoon ug sa Banay).
Ngano nga usahay malisud ang pagpasaylo? (Ang mga tubag mahimong maglakip nga ang mga tawo maninguha sa pagpanalipod sa ilang mga kaugalingon nga masakitan sa umaabot, nga sila nagtuo nga ang pagpasaylo sama sa pag-uyon sa makadaot nga mga buhat, o nga ilang nakita nga malisud ang pagpasaylo sa tawo kinsa nagpaabot nga pasayloon nga kinsa wala maghimo og mga paningkamot nga mabuntog ang makapasakit nga kinaiya.)
Unsa ang mga kakuyaw sa mga bana ug mga asawa nga magdumili sa pagpasaylo?
Sa unsa nga mga paagi nga ang pagpasaylo makapanalangin niadtong kinsa gipasaylo? Sa unsa nga paagi nga ang pagpasaylo gikan sa uban makatabang sa usa ka tawo nga makapausab sa wala kinahanglana nga kinaiya?
Sa unsa nga mga paagi nga ang espiritu sa pagpasaylo makapanalangin sa tawo kinsa nagpasaylo?

Isugyot nga sa panahon nga kita mobati nga kita nahimoan og sayop sa uban, kita kinahanglan mangutana sa atong mga kaugalingon kon sa unsa nga paagi nga ang Manluluwas buot nga kita mosukli. Sama sa gitambag ni Presidente Howard W. Hunter, ang ika-14 nga Presidente sa Simbahan: “Kita kinahanglan gayud labaw nga maghunahuna sa balaang mga butang ug labaw nga molihok sama sa gipaabut sa Manluluwas nga buhaton sa iyang mga tinun-an. Kita kinahanglan nga sa matag higayon mangutana sa atong mga kaugalingon, ‘Unsay buhaton ni Jesus?’ ug dayon molihok nga labaw nga maisugon sumala sa tubag” (sa Conference Report, Oct. 1994, 118; o Ensign, Nov. 1994, 87).

Basaha ang mosunod nga tambag gikan ni Presidente Joseph F. Smith, ang ikaunom nga Presidente sa Simbahan:

Kitang tanan adunay mga kahuyang ug mga kapakyasan. Usahay ang bana nagtan-aw sa pagkapakyas sa iyang asawa, ug siya manaway kaniya bahin niini. Usahay ang asawa mobati nga ang iyang bana wala makahimo sa husto nga butang, ug siya nanaway kaniya. Unsa nga kaayohan ang nahimo niini? Dili ba mas maayo ang pagpasaylo? Dili ba mas maayo ang gugmang putli? Dili ba mas maayo ang gugma? Dili ba mas maayo nga dili mohisgot sa mga kasaypanan, dili mopalambo sa mga kahuyang sa pagbalikbalik ug pagbalikbalik niini? Dili ba kana mas maayo? Ug dili ba ang paghiusa nga nalig-on tali kaninyo ug sa pagkatawo sa mga anak ug pinaagi sa talikala sa bag-o ug walay katapusan nga pakigsaad, labaw pa kasiguro kon kamo makalimot sa paghisgot sa mga kahuyang ug mga sayop sa usag usa? Dili ba maayo ang pagkalimot niini ug dili maghisgot bisan unsa mahitungod niini—molimot niini ug mohisgot lamang sa maayo nga inyong nahibaloan ug gibati, alang sa usag usa, ug sa ingon niini kalimtan ang mga sayop sa matag usa ug dili mopalambo niini; dili ba kana maayo?” (“Sermon on the Mount/’ Millenial Star, 25 Jan. 1912, 49-50).

Panapos

Ipakigbahin ang mosunod nga pamahayag ni Elder Spencer W. Kimball:

“Unsa nga kahupayan! Unsa nga paghupay! Unsa nga hingpit nga kalipay! Kadtong nagpas-an sa mga kalapasan ug mga kagul-anan ug sala mahimong mapasaylo ug malimpyo ug mahugasan kon sila mobalik ngadto sa ilang Ginoo, magkat-on bahin kaniya, ug motuman sa iyang mga sugo. Ug kitang tanan nagkinahanglan sa paghinulsol sa adlaw-adlaw nga ordinaryong mga sayop ug mga kahuyang mahimong sa ingon usab makaambit niini nga milagro” (The Miracle of Forgiveness, 368).

Sigon sa pag-aghat sa Espiritu, ipamatuod nga samtang ang minyo nga mga magtiayon mopasaylo sa mga kakulangan sa usag usa, sila makasinati sa kalinaw. Sila mahimong labaw pa nga mahiusa ug labaw pa nga makahimo sa pag-atubang sa mga hagit sa kaminyoon ug pagkaginikanan. Dapita ang mga sumasalmot nga moamuma sa espiritu sa pagpasaylo sa ilang mga panimalay.

Basaha ang mga pahina 27-30 diha sa Giya sa Pagtuon sa Sumasalmot sa Mga Relasyon sa Kaminyoon ug sa Banay. Awhaga ang mga sumasalmot sa pagtuon pag-usab sa mga doktrina ug mga baruganan niini nga leksyon pinaagi sa (1) pagsunod bisan og usa sa mga gisugyot sa “Ideya alang sa Paggamit” ug (2) pagbasa sa artikulo “Kaninyo Gikinahanglan ang Pagpasaylo,” ni Presidente Gordon B. Hinckley. Hatagi og gibug-aton nga ang minyo nga mga managtiayon makadawat og daghang benepisyo gikan sa pagbasa ug paghisgut sa mga artikulo nga anaa sa giya sa pagtuon.

Pahinumdumi ang mga sumasalmot sa pagdala sa ilang mga giya sa pagtuon ngadto sa klase alang sa sunod nga leksyon.