Pasiuna

Katuyoan Niini nga Tun-anan

Ang tun-anan sa Mga Relasyon sa Kaminyoon ug Banay giplano aron pagtabang sa mga sakop sa Simbahan sa paglig-on sa mga kaminyoon ug mga banay ug pagkaplag sa hingpit nga kalipay sa mga relasyon diha sa ilang banay. Kini gibahin ngadto sa duha. Bahin A. “Pagpalig-on sa mga Kaminyoon”, ilabi na nga makatabang alang sa minyo nga mga magtiayon ug alang sa mga sakop kinsa nangandam sa pagminyo. Bahin B. “Mga Kapangakohan sa mga Ginikanan sa Paglig-on sa mga Banay”, makatabang sa mga ginikanan ug mga apohan diha sa ilang mga paningkamot sa “pamatutu [sa mga anak] uban sa pagbansay ug pagpahamatngon gikan sa Ginoo” (Mga Taga- Efeso 6:4).

Ang tun-anan gibase sa mga doktrina ug mga baruganan nga gitudlo sa mga kasulatan ug sa mga propeta ug sa mga apostoles sa ulahing mga adlaw. Kini naghatag og talagsaong gibug-aton ngadto sa “Ang Banay: Usa ka Pamahayag ngadto sa Kalibutan”, diin gilakip diha sa pahina ix.

Ang Imong mga Kapangakohan isip Magtutudlo

Samtang ikaw mamalandong sa mahangturong kamahinungdanon sa kaminyoon ug sa banay ug sa dako nga panginahanglan sa paglig-on sa mga kaminyoon ug sa mga banay, ikaw makasugod pagtugkad sa pagkamahinungdanon sa imong balaang tawag sa pagtudlo mining tun-anan. Ang imong pagpahinungod ug mainampoon nga pagpangandam makahatag og mga panalangin nganha kanimo ug sa imong banay ingon man niadtong kinsa mosalmot niini nga tun-anan. Samtang ikaw maninguha sa pagpalambo sa imong balaang tawag, hinumdumi ang mga baruganan nga gilatid niining pahina ug sa pahina x-xiii.

Andama ang Imong Kaugalingon sa Pagtudlo

Isip magtutudlo alang niini nga tun-anan, ang imong kapangakohan mao ang pagtudlo sa mga doktrina sa ebanghelyo pinaagi sa gahum sa Espiritu Santo. Wala kinahanglana nga ikaw adunay propesyonal nga pagbansay sa pagpanambag sa banay ni ikaw kinahanglan nga makakaplag og mga kasulbaran sa tanan nga mga hagit nga mahitabo sa mga banay. Ang mga panaghisgutan sa klase kinahanglan mogiya sa mga sumasalmot sa pagpamalandong ug pag-ampo mahitungod sa ilang kaugalingong mga kinabuhi ug paghimo og mga kauswagan diha sa ilang kaugalingong mga banay.

Alang sa tabang mahitungod sa sukaranan, kinahanglanong mga baruganan sa pagtudlo sa ebanghelyo, sama sa personal nga pagpangandam, paghigugma niadtong imong gitudloan, ug sa pagtudlo pinaagi sa Espiritu, dangup sa mosunod nga mga kapanguhaan:

“Pagtudlo sa Ebanghelyo ug Pagpangulo” seksyon 16 sa Tamdanan nga Basahon sa mga Panudlo sa Simbahan, Basahon 2: Mga Pangulo sa Pagkapari ug sa Kaabag (35209 o 35903).
Teaching No Greater Call (36123)
Sumbanan nga Basahon sa Pagtudlo (34595).

Hinumdumi ang Halapad nga Sangkad niini nga Tun-anan

Sa dili pa nimo itudlo ang unang leksyon, paggahin og panahon nga tun-an pag-usab ang tibuok tun-anan. Kini makatabang kanimo nga makabatyag kon sa unsa nga paagi ang mga leksyon makapalig-on sa mga kaminyoon ug sa mga banay.

Samtang ikaw mangandam alang sa matag leksyon, makatabang nga tun-an pag-usab ang talaan sa mga sulod (mga pahina “00” [v-viii], nga maoy nagsangkap sa kinatibuk-ang pagpasabut sa tun-anan. Tun-i pag-usab unsa ang imong natudlo ug nakat-unan ug pamalandong kon giunsa sa mga doktrina ug mga baruganan diha sa matag leksyon pagbulig sa kinatibuk-an niini nga tun- anan.

Sugdi og Sayo ang Pagpangandam sa Leksyon

Ang imong pagpangandam labaw nga magmalampuson kon ikaw magsugod og sayo alang sa matag leksyon. Human dayon sa pagtudlo sa leksyon, tun-i ang sunod nga leksyon. Kon ikaw adunay usa ka ideya kon unsa ang imong itudlo, ikaw mahimong makapamalandong sa leksyon sa tibuok semana. Kini makata-bang kanimo nga mas dali nga makahunahuna sa mga baruganan nga kinahang-lan imong hatagan og gibug-aton, mga paagi nga imong magamit, ug mga kasi-natian nga imong ipakigbahin.

Pilia ang mga Materyal sa Leksyon nga Labing Makatabang sa mga Panginahanglan sa mga Sumasalmot

Sa mabinantayon nga paagi tun-i ang mga doktrina ug mga baruganan sa matag leksyon, tinguhaa ang giya sa Espiritu nga motabang kanimo sa pagpili sa materyal sa leksyon nga labing makatagbaw sa mga panginahanglan sa mga sumasalmot. Hinumdumi nga “ang kalampusan sa usa ka leksyon masukod pinaagi sa impluwensya niini ngadto sa imong gitudloan” (Teaching No Greater Call [1999], 103).

Tinoa Unsaon Pagtudlo ang mga Leksyon

Agi og dugang sa pagtino unsa ang imong itudlo diha sa usa ka leksyon, mahi-nungdanon ang pagdesider kon unsaon nimo pagtudlo niini. Kinahanglan nga ikaw sa kanunay maninguha sa pagtudlo sa paagi nga makaawhag sa mga sumasalmot sa paggamit sa mga doktrina ug mga ebanghelyo nga ilang nakat-unan.

Ang mga leksyon niini nga tun-anan kinahanglan nga ihatag isip mga hisguta-nan kay sa mga pagpanudlo. Tabangi ang mga sakop aron makasalmot sa maka-huluganon nga paagi diha sa paghisgotanay sa mga doktrina ug mga baruganan nga imong itudlo. Ang tambag sa Ginoo kalabut sa panaghisgutan sa klase maki-ta sa Doktrina ug mga Pakigsaad 88:122: “Pagtudlo diha sa inyong mga kaugali-ngon og usa ka magtutudlo, ug dili ang tanan magdungan sa pagpamulong, apan himoa nga ang tanan maminaw ngadto sa iyang gipamulong, nga sa diha nga ang tanan mahuman sa pagpamulong nga ang tanan unta mahatagan og kaayohan sa tanan, ug nga ang matag tawo makabaton og managsama nga kahi-gayunan.”

Kon angay, paggamit og nagkalainlain nga paagi aron pagtabang sa mga sumasalmot nga makat- on ug makasabut sa mga baruganan diha sa mga leksyon. Alang sa panig-ingnan, pangita og mga kahigayunan sa pagsulat diha sa pisara, paggamit og mga praktikal nga mga pamaagi sa pagtudlo, ug pagpakita og mga hulagway.

Dapita ang mga Sumasalmot sa Paggamit sa Ilang Nakat-unan

Isip usa ka magtutudlo sa ebanghelyo, kinahanglan nga dili ka matagbaw diha lamang sa pagpakigbahin og kasayuran, bisan pa kon makahimo ka niini sa usa ka talagsaon, madanihon nga paagi. Ang imong katuyoan mao ang pagtabang sa uban aron magpuyo sumala sa doktrina ug mga bamganan nga ilang nakat-unan. Si Presidente Harold B. Lee, ang ika-11 nga Presidente sa Simbahan, nagtambag:

Ang tanang mga baruganan ug mga ordinansa sa ebanghelyo kon sabton usa lamang ka pagdapit sa pagkat-on sa ebanghelyo pinaagi sa pagsunod sa iyang mga pagtulun-an. Walay tawo nga makahibalo sa baruganan sa ikapulo hangtud nga siya magbayad sa ikapulo. Walay usa nga makahibalo sa baruganan sa Pulong sa Kalaam hangtud siya maghupot sa Pulong sa Kaalam. Mga bata o mga hamtong nianang butanga, wala makabig sa ikapulo, sa Pulong sa Kaalam, pagbalaan sa Igpapahulay nga adlaw, o pag-ampo pinaagi sa pagpaminaw lamang sa usa ka tawo nga naghisgot mahitungod niining mga baruganan. Kita makat-on sa ebanghelyo pinaagi sa pagsunod niini.

“…Kita sa tinuod walay gayoy kasayoran sa bisan unsa nga mga pagtulun-an sa ebanghelyo hangtud nga kita makasinati sa mga panalangin nga moabut gikan sa pagsunod sa matag baruganan.” (Stand Ye in Holy Places [1974], 215).

Ang mga magasin sa Simbahan sa kasagaran naglakip sa makapadasig nga mga sugilanon nga nagahulagway sa unsang paagi ang mga sakop sa Simbahan napanalanginan samtang sila nagasunod sa ebanghelyo. Ikaw makakaplag og mga sugilanon nga nagatudlo og piho nga mga doktrina ug mga baruganan pinaagi sa pagsiksik sa indeks sa mga magasin. Hunahunaa ang pagpakigbahin sa pipila niining mga sugilanon diha sa klase.

Sa katapusan sa matag leksyon, dapita ang mga sumasalmot paggamit sa ilang nakat-unan. Siguroha ang paggahin og igo nga panahon sa pagpaabot og mga pagdapit nga makapadasig kanila sa paglihok. Pagplano og mga paagi aron paghatag sa ingon niana nga mga pagdapit. Pananglitan, human sa leksyon 9, nga giulohan “Ang mga Anak mga Kabilin sa Ginoo/’ ikaw makatuon pag-usab sa labing mahinungdanon nga mga baruganan sa leksyon ug dayon magdapit sa mga sumasalmot sa paghimo og usa ka pasalig nga mogahin og panahon nga bugtong ikauban ang matag usa sa ilang mga anak.

Awhaga ang mga Sumasalmot sa Paggamit sa Giya sa Pagtuon alang sa Tun-anan

Isip kabahin sa imong pagpangandam sa matag leksyon, ikaw kinahanglan nga magtuon pag-usab sa katukma nga materyal nga anaa sa Giya sa Pagtuon sa Sumasalmot sa Mga Relasyon sa Kaminyoon ug sa Banay (36357). Pagplano og mga paagi sa pag-awhag sa mga sumasalmot sa (1) pagsunod sa bisan usa lang sa mga sugyot sa “Mga Ideya alang sa Paggamit” ug (2) pagbasa sa artikulo o mga artikulo nga nag-uban sa matag leksyon. Ipasabot og maayo nga ang minyo nga mga magtiayon makadawat og mahinungdanong mga kaayohan pinaagi sa dungan nga pagbasa ug paghisgot sa mga artikulo diha sa giya sa pagtuon.

Ang mga sumasalmot kinahanglang modala sa ilang mga giya sa pagtuon nganha sa klase alang sa matag leksyon.

Tubag sa mga Panginahanglan Niadtong Kinsa Wala sa Tradisyonal nga mga Kahimtang sa Banay

Pagmabination sa tagsatagsa nga mga kahimtang sa mga sumasalmot, ang uban siguro dili minyo, biyuda, binulagan, o anaa sa laing malisud nga mga kahimtang sa banay. Ibutang sa hunahuna kining mosunod nga pamahayag ni Presidente Spencer W. Kimball, ang ika 12 nga Presidente sa Simbahan:

“Kita…magpadayon nga mobakyaw sa sumbanan nga gitamud sa banay sa mga Santos sa Ulahing mga Adlaw. Ang kamatuoran nga adunay pipila nga wala makabaton sa kahigayunan pagpuyo sa sama nga banay dili igo nga katarungan aron hunongon ang paghisgot niini. Kita mohisgot mahitungod sa kinabuhi sa banay uban sa pagkamabination, hinuon, sa pagkaamgo nga daghan…karon ang walay kahigayunan nga mahimong kabahin o makighilabot ngadto sa sama nga banay. Apan kita dili makasalikway niining sumbanan, tungod kay daghan pa kaayong mga butang ang nagaagad niini” (The Teachings of Spencer W. Kimball ed Edward L. Kimball [1982], 294-95).

Pagtagad sa Grabe nga mga Problema sa Banay

Samtang mag-awhag og panaghisgutan, siguroa nga ang mga sumasalmot makasabut nga dili angay ang pagpakigbahin og mga detalye sa grabe nga mga problema sa banay. Kon ang mga sumasalmot mangita og tambag mahitungod sa grabe nga mga kalisud, sa malumo nga paagi awhaga sila nga makigsulti sa pribado uban sa obispo. Siya makatabang kanila. Siya makasugyot usab og mga kapanguhaan sa komunidad nga makahatag og tabang pinasubay sa sumbanan sa Simbahan.

Mga Materyal nga Kinahanglan Imong Gamiton

Ang Simbahan naghimo og igo nga mga kapanguhaan aron pagtabang kanimo sa pagtudlo sa tinuod nga mga doktrina ug mga baruganan mahitungod sa kaminyoon ug sa banay. Palihug ayaw og gamit sa komersyal nga hinimo nga mga materyal sa imong pagpangandam o sa imong pagtudlo. Ang imong nag-unang mga kapanguhaan alang sa pagtudlo sa tun-anan mao ang mga kasulatan, kini nga manwal, ug ang Giya sa Pagtuon sa mga Sumasalmot sa Mga Relasyon sa Kaminyoon ug sa Banay. Hilabihang paghunahuna ug pag-ampo ang nahilakip diha sa pagpangandam sa mga materyal niini nga tun-anan.

Dugang nga mga Kapanguhaan

Ang mosunod nga mga kapanguhaan nga nahimo sa Simbahan naghatag og dugang nga kasayuran diha sa mga hilisgutan nga gihisgutan niining tun-anan. Kini nga mga kapanguhaan anaa sa mga sentro sa pagpang-apud-apod sa Simbahan. Ikaw mahimong moawhag sa mga sumasalmot nga mogamit niini nga mga mantala diha sa ilang mga banay (kini gilista diha sa pahina vi, sa Giya sa Pagtuon sa Sumasalmot sa Mga Relasyon sa Kaminyoon ug sa Banay).

Sumbanan nga Basahon sa Banay (31180). Kini nga sumbanan nga basahon naghulagway sa organisasyon sa banay, naghatag og kasayuran mahitungod sa pagtudlo sa ebanghelyo diha sa panimalay, ug naglatid og mga pamaagi alang sa mga ordinansa ug mga panalangin sa pagkapari.
Mga artikulo mahitungod sa kaminyoon ug sa banay diha sa mga magasin sa Simbahan.
Family Home Evening Resource Book (31106). Kini nga basahon makatabang sa mga ginikanan ug mga anak sa pag-andam og mga leksyon alang sa gabii sa banay (mga pahina 3-160; 173-232). Kini naglakip og mga ideya unsaon paghimo sa gabii sa banay nga malampuson (mga pahina 163-170) ug naglakip og mga sugyot alang sa pagtudlo sa tino nga mga baruganan ug mga kapangakohan ngadto sa mga anak (sa mga pahina 235-62). Ug naglakip usab kini og mga ideya alang sa mga kalihokan sa banay (mga pahina 265-340).
Teaching No Greater Call (36123). Kini nga kapanguhaan naglakip og mga baruganan ug praktikal nga mga sugyot nga makatabang sa mga sakop sa Simbahan aron molambo isip mga magtutudlo.sa ebanghelyo. Bahin D, “Teaching in the Home” (mga pahina 125-48) makatabang ilabi na alang sa mga ginikanan.
Sumbanan nga Basahon sa Pagtudlo (34595). Kini nga sumbanan nga basahon nagsangkap sa mga sugyot alang sa pagpalamabo sa pagtudlo ug pagkat-on sa ebanghelyo.
Alang sa Kalig-on sa mga Batan-on (34285). Kini nga pampleta naglatidsa nga sumbanan sa simbahan alang sa panag-uban (dating), panamit ug panagway, panaghigalaay, pagkamatinuoron, pinulongan, medya, mental ug pisikal nga panglawas, musika ug panagsayaw, sekswal nga kaputli, Pangdomingo nga pamatasan, paghinulsol, katakus ug pag-alagad.
A Parent’s Guide (31125). Kini nga basahon naglakip sa mga sugyot aron sa pagtabang sa mga ginikanan nga motudlo sa ilang mga anak mahitungod sa pisikal nga kasuod.
Giya nga Basahon alang sa mga Ginikanan ug Tigbalantay sa mga May Kakulangan nga mga Bata (31123). Kining giya nga basahon naghatag og tambag alang sa mga pamilya nga may mga anak nga adunay mga kakulangan. Kini naglakip usab og mga kasayuran mahitungod sa hinimo sa simbahan nga mga materyal aron pagtabang sa mga ginikanan ug sa uban pagtudlo niadtong adunay mga kakulangan.
Cornerstone of a Happy Home (33108). Kining gamay nga tamdanan nga basahon naglakip sa usa ka pakigpulong nga gihatag ni Presidente Gordon B. Hinckley samtang siya nag-alagad isip Ikaduhang Magtatambag sa Unang Kapangulohan.
“Usa Alang sa Kwarta: Giya ngadto sa Panalapi sa Banay” Liahona, Abril 2000. Kining gamay nga basahon, ni Elder Marvin J Ashton sa Korum sa Napulog Duha ka mga Apostoles, nagsangkap og praktikal nga mga panaghisgutan sa pagdumala sa mga panalapi sa banay.