11

Суралцаж, боловсролтой болохыг эрмэлз

Тунгаан бод:Боловсрол бол боломжинд хүргэх түлхүүр хэмээн бошиглогчид хэлсэн байдаг. Үүнийг үнэн гэдэг ямар нотолгоог та нар харсан бэ?

Үз: “Бурханы алдар суу бол оюун ухаан юм” (“The Glory of God Is Intelligence” видео бичлэг байхгүй бол дараах хуудсыг уншина уу.)

Ярилц:Александр яагаад амьдралынхаа турш суралцах нь чухал гэдэгт итгэдэг вэ? Эмэльда боловсролын талаар болон шаргуу суралцах талаар юу гэж боддог вэ? ТБС-ийн зээл түүнд хэрхэн тусалсан бэ? Энэ нь өр тавих сайн шалтгаан мөн байсан уу?

Унш:Сургаал ба Гэрээ 88:118–119; Гарын авлага 2,6.1.1 (баруун гар талд байгаа).

“Мөн бүгдээр итгэлгүй байгаа учраас, та нар хичээнгүйлэн эрэлхийлж мөн мэргэн ухааны үгсийг бие биендээ заагтун; тийм ээ, мэргэн ухааны үгсийг шилдэг номнуудаас эрэлхийлэгтүн та нар; бүр судлахаар мөн тэрчлэн итгэлээр, суралцахыг эрэлхийлэгтүн. … Суралцахын өргөөг … байгуулагтун.”

Сургаал ба Гэрээ 88:118–119

“[Сүмийн гишүүд] унших, бичих, математикийн үндсэн үйлдлүүд хийх чадвараа дээшлүүлэх хэрэгтэй. Тэд боломжийнхоо хэрээр боловсрол түүний дотор ерөнхий болон тусгай мэргэжлийн боловсрол эзэмших хэрэгтэй.”

Гарын авлага 2, 6.1.1

Дасгал:Бид амьдралынхаа турш үргэлжлүүлэн суралцаж чадна. Доорх нүдэнд эдгээр суралцах эх сурвалжаас саяхан сурсан нэг зүйлээ бич.

Суралцах эх сурвалжууд	Эдгээр эх сурвалжаас саяхан сурсан зүйлс
Миний эргэн тойрны хүмүүс, миний удирдагчид
Амьдралын туршлагууд
Ном, хэвлэл мэдээллийн хэрэгсэл
Ангийнхан/багш
Судрууд, ариун сүм, Ариун Сүнс

Ярилц:Та нар хэрхэн өдөр бүр үргэлжлүүлэн суралцаж, өсөж хөгжиж чадах вэ?

Амлалт өг: Долоо хоногийн турш дараах үйлдлүүдийг хийх амлалт өг. Даалгавар бүрийг дуусгаад, нүднүүдийг тэмдэглэ:

• Сурах боломжуудыг эрэлхийлж мөн сурсан зүйлсээ бичиж ав.

• Амьдралынхаа турш суралцаж болох өөр өөр эх сурвалжийн талаар гэр бүлийнхэндээ заа. Гэр бүлийнхэн тань—насанд хүрсэн болон хүүхдүүд аль алинд нь илүү боловсрол эзэмших арга зам байгаа эсэхийг бодож үз.

• Өмнөх суурь зарчмуудаар үргэлжлүүлэн дадлага хий.

“Бид бизнес, шинжлэх ухаан, засгийн газар, анагаах ухаан, боловсрол болон бүхий л үнэ цэнэтэй, бүтээлч мэргэжлийн салбарт байр суурь эзлэх үүрэг, хариуцлагатай билээ. Бид бүх хүн төрөлхтний адислалуудын төлөө дэлхийн ажил мэргэжилд гаршихын тулд гар болон оюун ухаанаа хөгжүүлэх үүрэгтэй билээ.”

Гордон Б.Хинкли, “A City upon a Hill,” Ensign, 1990 оны 7-р сар, 5

Бурханы алдар суу бол оюун ухаан юм

Видео бичлэг байхгүй бол дүрүүдийг сонгож, энэ эхийг уншина уу.

ӨГҮҮЛЭГЧ: Александр бол бүхий л амьдралаа суралцах болон заахад зориулж байгаа Перугаас ирсэн залуу юм. Тэрээр дараах зүйлийг хуваалцсан ажээ:

АЛЕКСАНДР: Намайг бага байхад аав маань бидэнд суралцах, боловсролын үнэ цэнийн тухай заасан юм.

Энэ амьдралд бидэнд өсөж хөгжиж, амжилтад хүрэхийн тулд хийж чадах хоёр зүйл байдаг. Нэгдүгээрт, итгэлтэй байж, эцсээ хүртэл тэвчих. Хоёрдугаарт, судлах замаар суралцах.

Би боловсрол бол амьдралынхаа зорилгуудыг гүйцэлдүүлэх ёстой материаллаг гол арга хэрэгсэл гэдгийг амьдралынхаа туршид мэдэж авсан юм.

Би сайн мэдээний өчүүхэн жаахан мэдлэгтэй ч, зөв зүйлсийг хийх мөн суралцах агуу их хүслээр номлолдоо явж байсан.

Би хэдийгээр анги танхимд суугаагүй ч миний номлол бол миний амьдрал дахь хамгийн агуу суралцах цаг хугацаа байсан гэдэгт итгэдэг.

Би хаана ч байсан, гэр, ажил, сүм, их сургууль дээрээ эсвэл бүр автобусанд явж байсан ч суралцах боломжуудыг ашигладаг. Би үргэлж сурах боломжийг эрэлхийлж байдаг.

Ариун сүм бол миний амьдралын хамгийн чухал газар бөгөөд дэлхий дээрх хамгийн сайн сургууль юм.

ӨГҮҮЛЭГЧ: Эмальда Өмнөд Африкт амьдардаг бөгөөд Тасралтгүй Боловсролын Сангийн зээлээр дамжуулан хүсэл мөрөөдлөө ойлгосон Сүмийн хөрвөгч юм. Тэрээр гэрчлэлээ хуваалцсан:

ЭМАЛЬДА: Шилдэг оюутан байх нь зөвхөн өөртөө үүрэг хүлээгээд зогсохгүй бас Сүмд үүрэг хүлээж байгаа хэрэг юм! Есүс Христийн Хожмын Үеийн Гэгээнтнүүдийн Сүмд нэгдэх нь намайг агуу сүнслэг байдалд аваачих болно гэдгийг би мэдэж байсан ч энэ нь акедемик боловсролын үүд хаалгыг нээнэ гэж хэзээ ч төсөөлж байгаагүй юм. …

Сайн мэдээнээс суралцах нь үнэн хэрэгтээ намайг сэрээх дуудлага байсан юм. Энэ нь хүн өөрийнхөө хувь заяанд үүрэг хүлээдэг гэдгийг надад ойлгуулсан юм. … Бидний одоогийн нөхцөл байдал болон бидний юу мэдэрч байгаагаас үл хамааран Тэнгэрлэг Эцэгт бидэнд зориулсан сайн төлөвлөгөө байдаг гэдэгт би эргэлздэггүй.