3

Дуулгавартай бай

Тунгаан бод:Би илүү бие даах чадвартай болохын тулд ямар хуулинд дуулгавартай байх ёстой вэ?

Үз:“Дуулгавартай байдал адислалуудыг авчирдаг” (“Obedience Brings Blessings” видео бичлэг байхгүй бол дараах хуудсыг уншина уу.)

Ярилц:Бурханы хууль болон зарчмуудад дуулгавартай байх нь сүнслэг болон материаллаг адислалууд руу хөтөлдөг. Үүнийг батлах ямар туршлага танд тохиолдож байсан бэ?

Унш: Сургаал ба Гэрээ 130:20–21; Иосеф Смитийн хэлсэн үг (баруун гар талд байгаа).

“Бүх адислал тулгуурлагдсан—нэгэн хууль бий. Мөн бид ямар ч адислалыг Бурханаас авлаа гэхэд, энэ нь тулгуурлагдсан тэрхүү хуульд дуулгавартай байснаар буюу.”

Сургаал ба Гэрээ 130:20–21

“Би үүнийг дүрмээ болгосон юм: Их Эзэн зарлигласан л бол үүнийг хий.”

Иосеф Смит, History of the Church, 2:170.

Дасгал: Доорх хүснэгтийг харна уу. Тодорхой хуулиудад дуулгавартай байх нь хэрхэн тодорхой адислалууд руу удирдаж байгааг ажигла. Зарим жишээг оруулав.

Одоо дараах зүйлсийг хийхэд хэдэн минут зарцуулна уу:

1. Та ажил хайж байхдаа, хувийн бизнес эрхэлж байхдаа эсвэл боловсролтой болохдоо олж авахыг хүсч байгаа тодорхой адислалуудаа бич. Баруун талын баганыг ашигла.

2. Та эдгээр адислалыг хүлээн авахын тулд дуулгавартай дагаж чадах хуулиудаа зүүн талын баганыг ашиглан, жагсаан бич.

Дуулгавартай дагах	Хүлээн авах
Хууль, зарчмууд	Адислалууд
Мэргэн ухааны үг (С ба Г 89)	Илүү сайн эрүүл мэнд, агуу мэдлэг
Аравны нэг ба өргөлүүд (Малахи 3:10–12)	Материаллаг ба сүнслэг адислалууд, ажлын амжилт, хамгаалалт
Өдөр бүр цагтаа ажилдаа явах	Байнгын ажил болон хадгаламжтай болох боломж
Эрүүл хоол хүнс идэж, дасгал тогтмол хийх	Өвдөхгүй байж, ажлын өдрөө бага алдана

Дасгал:Та сонгосон хуулиндаа дуулгавартай байдлаа хөгжүүлж болох 2 юм уу 3 тодорхой арга замыг бичнэ үү:

Амлалт өг:Долоо хоногийн турш дараах үйлдлүүдийг хийх амлалт өг. Даалгавар бүрийг дуусгаад, нүднүүдийг тэмдэглэ:

• Өдөр бүр дуулгавартай байх дадлага хий.

• Энэ зарчмыг гэр бүлийнхэндээ заа.

• Өмнөх суурь зарчмаа үргэлжлүүлэн давтан хий.

“Хэрэв бид дуулгавартай байдлаас илүүгээр тансаг байдал, хэрэгцээндээ илүү анхаарлаа хандуулбал Түүний бидэнд өгөхийг хүсдэг адислалуудыг алдах болно.”

Спэнсэр В.Кимбалл, The Teachings of Spencer W. Kimball, ed. Edward L. Kimball (1982), 212

Зохицуулагчид өгөх зөвлөгөө

Тодорхой амлалт өгч, тэдгээрийг сахиж мөн гэр бүлийнхэндээ заахад урамшуул.

Дуулгавартай байдал адислалуудыг авчирдаг

Хэрэв видео бичлэгийг үзэх боломжгүй бол энэ эхийг уншина уу.

Энэ ямар гайхамшигтай амлалт вэ! “[Бурханы] зарлигуудыг сахидаг тэрээр, үнэнд алдаршиж мөн бүх зүйлийг мэдэх хүртлээ үнэн ба гэрлийг хүлээж авдаг болой” [С ба Г 93:28]. …

Ах, эгч нар аа, дуулгавартай байдал нь энэ амьдралын хамгийн агуу шалгуур юм шүү. “Мөн Их Эзэн, тэдний Бурхан тэдэнд зарлиглах бүх зүйл юуг ч гэсэн тэд хийх нь үү гэдгийг харахын тулд үүгээр бид тэднийг нотлох болно” [Абрахам 3:25] хэмээн Их Эзэн хэлсэн байдаг.

Аврагч “Учир нь миний гараас адислалыг хүлээн авахыг хүсэх тэд бүгд тэрхүү адислалын тулд өгөгдсөн хуулийг, мөн үүний нөхцөлүүдийг, дэлхийн сууринаас өмнө үндэслэгдэн бий болсноор нь баримтлах ёстой” [С ба Г 132:5] хэмээн тунхагласан.

Аврагчийн үзүүлсэн дуулгавартай байдлын жишээнээс илүү гарах өөр жишээ байхгүй. Түүний талаар Паул:

“Тэр Хүү нь байсан хэрнээ зовсон зүйлсээсээ дуулгавартай байдалд суралцсан;

“Тэр төгс болгогдсоноороо Өөрт нь дуулгавартай байдаг бүх хүнд мөнх авралын эх үндэс нь болсон” [Еврей 5:8–9] гэж хэлсэн байдаг.

Аврагч төгс амьдралаар амьдарч, ариун үүрэг зорилгодоо хүндэтгэлтэй ханддаг байснаараа Бурханы жинхэнэ хайрыг харуулсан юм. Тэр ямар ч үед их зан гаргаагүй. Тэр хэзээ ч бардамнан онгирч байгаагүй. Тэр хэзээ ч урвагч болоогүй. Тэр ямагт төлөв даруу байсан. Тэр аливаад чин сэтгэлээсээ ханддаг байсан. Тэр байнга дуулгавартай байсан билээ. …

Тэрээр Гетсеманид амь тэмцэн зовж, “хөлс нь цусны дусал мэт газарт дуслан” [Лук 22:44], шаналах үедээ “Эцэг минь, хэрэв Та хүсэж байгаа бол, энэ аягыг Надаас зайлуулаач. Гэвч миний хүсэл бус харин Таны хүсэл биелэгдэг” [Лук 22:42] хэмээн хэлж, дуулгавартай Хүүгийн үлгэр жишээг харуулсан юм.

Тэрээр эртний төлөөлөгчдөдөө хэлж байсан “Чи Намайг дага” [Иохан 21:22] хэмээх үгсээ надад мөн танд ч адил хэлж байна. Дуулгавартай дагах хүсэл бидэнд байдаг уу?

Хайж буй мэдлэгээ, хүлээж буй хариултуудаа болон энэхүү адармаатай, хувирамтгай дэлхийн бэрхшээлүүдийг даван туулахад туслах хүч чадлыг бид Их Эзэний зарлигуудыг дуулгавартай дагаснаар л олж авч чадна. Их Эзэний үгсийг би дахин нэг эш татъя. Тэрээр: “[Бурханы] зарлигуудыг сахидаг тэрээр, үнэнд тэрээр алдаршиж мөн бүх зүйлийг мэдэх хүртлээ үнэн ба гэрлийг хүлээж авдаг болой” гэжээ [С ба Г 93:28].

Бид дуулгавартай хүмүүст гарцаагүй ирэх арвин баялаг адислалуудыг аваасай хэмээн би даруухнаар залбирч байна. Бидний Аврагч мөн Гэтэлгэгч Есүс Христийн нэрээр, амен.

(Toмас С.Монсон, “Дуулгавартай байдал адислалуудыг авчирдаг, Ensign эсвэл 2013 оны 4-р сарын Ерөнхий чуулган, 103)