Цагаа ухаалаг ашигла

Тунгаан бод:Цаг хугацаа яагаад Бурханы хамгийн агуу бэлгүүдийн нэг байдаг вэ?

Үз: ”Цаг хугацаа бол бэлэг” (“The Gift of Time” видео бичлэг байхгүй бол дараах хуудсыг уншина уу.)

Ярилц:Та нар Бэнкоси эгчээс юу сурсан бэ?

Дасгал:Өдөр бүр цагаа сайн ашиглахын тулд таны хийж болох таван алхмыг энд оруулав. Бүгдийг нь унш. Бэнкоси эгч эдгээр зүйлийг хийдэг үү?

❶

Хийх зүйлсийнхээ жагсаалтыг гарга

Өглөө бүр хийх ажлынхаа жагсаалтыг гарга. Үйлчлэх хүмүүсийнхээ нэрсийг нэмж бич.

❷

Залбир

Удирдамж хүсч залбир. Сонс. Хамгийн сайнаараа хийх амлалт өг.

❸

Чухал зүйлсээ тодорхойл

Чухлаас нь эхлэн дугаарла. Хамгийн чухал ажлаа ”1”, дараагийнхыг нь ”2” гэх мэтээр дугаарла.

❹

Зорилго тавьж, үйлд

Сүнсийг сонс. Зорилго тавь. Шаргуу ажилла. Хамгийн чухал ажлаасаа эхлэн, бичсэн жагсаалтынхаа дагуу ажилла.

❺

Тайлагна

Орой бүр, Тэнгэрлэг Эцэгт хандан залбирч, тайлагна. Aсуулт асуу. Сонс. Түүний хайрыг мэдэр. Наманчил.

Одоо эхэл. Энэ товхимлын тэмдэглэл бичих хэсэг дээр эсвэл тусдаа цаасан дээр бич. 1-р алхмыг хий: Маргааш хийх ажлуудаа жагсааж бич. Эдгээр нь өдөр тутам хийдэг энгийн ажил үүрэг гэхээсээ илүү, таны ажил, суралцах үйл явц, Сүм эсвэл гэр бүлийн үйлчлэл гэх мэт чухал ажил үүргүүд байвал сайн.

2, 3-р алхмыг хий.

Маргааш нь 4, 5-р алхмыг хий.

Амлалт өг:Долоо хоногийн турш дараах үйлдлүүдийг хийх амлалт өг. Даалгавар бүрийг дуусгаад, нүднүүдийг тэмдэглэ:

Цагаа илүү ухаалаг ашиглахын тулд өдөр бүр эдгээр алхмыг давтан хий.
Энэ зарчмыг гэр бүлийнхэндээ заа.
Өмнөх суурь зарчмыг үргэлжлүүлэн давтан хий.

Зохицуулагчид өгөх зөвлөгөө

Бүлгийн гишүүдэд асуулт байвал хариултаа өөрсдөө олж мэдэхэд нь тусал.

Цаг хугацаа бол бэлэг

Хэрэв та видео бичлэгийг үзэх боломжгүй бол дүрүүдийг сонгож, энэ эхийг уншина уу.

КОФИ: Сайн байна уу, Бэнкоси эгч ээ. Та сайн байна уу?

БЭНКОСИ ЭГЧ: Чи зүгээр үү, Кофи?

КОФИ: Өө, Бэнкоси эгч ээ. Би үнэхээр завгүй байна. Би ажиллаж, үйлчилж, гэр бүлдээ туслах хэрэгтэй байна … бас тэгээд хөл бөмбөг. Надад ямар ч цаг алга!

БЭНКОСИ ЭГЧ: Кофи, чамд хангалттай цаг байгаа.

КОФИ: Юу гэсэн үг вэ?

БЭНКОСИ ЭГЧ: Хүү минь, Бурхан чамд агуу бэлэг болох цаг хугацааг өгсөн. Бид үүнийг ашиглан, хамгийн чухал зүйлсийг хийх ёстой.

КОФИ: Гэхдээ, яаж, Бэнкоси эгч ээ? Та үргэлж маш их зүйлийг хийсээр ирсэн. Та гэр бүл болон бизнестээ амжилттай байдаг. Та үйлчлэл хийж, над шиг олон хүнийг адисалсан. Би таныг яаж энэ бүхнийг амжуулдгийг мэдэхгүй байна.

БЭНКОСИ ЭГЧ: Чи үнэхээр мэдэхийг хүсэж байна уу? Чи суугаад сонсвол би чамд нууцаа хэлье.

Би өглөө бүр нар мандахаас өмнө босдог. Би хувцсаа өмсөж, нүүр гараа угаадаг.

Би судраа уншиж, дараа нь тэр өдөр хийх зүйлсийнхээ жагсаалтыг гаргадаг.

Би үйлчилж чадах хэн нэгний талаар боддог. Би Бурханы хүслийг мэдэхээр залбирдаг. Тэгээд сонсдог.

Заримдаа хүмүүсийн нэр эсвэл царай төрх нь оюун санаанд минь ирдэг. Би тэдгээрийг жагсаалт дээрээ нэмж бичдэг.

КОФИ: Та хэнд үйлчлэх хэрэгтэйгээ үргэлж ийм арга замаар мэдэж авдаг уу?

БЭНКОСИ ЭГЧ: Тийм ээ, Кофи. Би хүч чадал болон удирдамжийн төлөө залбирдаг. Бурхан ”[миний] үйлийг ариулахын тулд” би залбирдаг. Энэ талаар 2 Нифай 32 дээр байдаг.

Би Түүнд талархдаг. Би хамгийн сайнаараа хийх болно гэж Түүнд амладаг. Би Түүнээс өөрийнхөө чадахгүй зүйлсийг хийж өгөхийг гуйдаг.

Дараа нь би жагсаалтаа хардаг. Би хамгийн чухал зүйлээ ”1”, дараа нь ”2” гэж дугаарладаг.

КОФИ: Та чухал зүйлсээ яаж мэддэг вэ?

БЭНКОСИ ЭГЧ: Би залбирч байхдаа сонсдог! Тэгээд ажиллахаар явдаг. Би нэгдүгээрт бичигдсэн ажлаа харж, үүнийг хамгийн түрүүнд хийхийг хичээдэг. Дараа нь хоёрдугаархыг гэх мэт.

Заримдаа төлөвлөгөө өөрчлөгддөг. Ариун Сүнс надад өөр зүйл хийх хэрэгтэй хэмээн шивнэдэг. Энэ бол сайн зүйл юм.

Би маш шаргуу ажилладаг ч амар амгаланг мэдэрдэг. Бурхан надад тусална гэдгийг би мэддэг.

Ингэж би жагсаалт болон Сүнсний тусламжтайгаар хамгийн чухал зүйлсээ хийдэг юм, Кофи.

КОФИ: Энэ нь энгийн ч гэсэн заримдаа хэцүү юм шиг сонсогдож байна.

БЭНКОСИ ЭГЧ: Чиний зөв! Би эцэст нь унтахаар бэлдэж байхдаа залбирдаг. Би Тэнгэрлэг Эцэгт тайлагнадаг. Өдөр хэрхэн өнгөрснийг би Түүнд хэлдэг. Би асуултууд асуудаг. Би юуг илүү сайн хийж чадахаа асуугаад сонсдог. Би үргэлж Түүний хайрыг мэдэрдэг. Тэр бидний хийхээр хичээж буй зүйлсийг эрхэмлэн үнэлдгийг би мэддэг. Тэгээд би амар амгаланг мэдрээд унтдаг, Кофи.

КОФИ: Сайн байна, Бэнкоси эгчээ ээ. Би ийм амар амгалан олж авахыг хүсэж байна. Би цагаа ашиглахыг хүсэж байна. Би илүү сайн ажиллаж, үйлчлэхийг хүсэж байна.

БЭНКОСИ ЭГЧ: Чи чухал биш зүйлүүдээсээ татгалзаж, чухал зүйлдээ цагаа зарцуулах болно, Кофи. Зүрх сэтгэл чинь зөв байвал Бурхан чамтай хамт байх болно.

КОФИ: Баярлалаа.

БЭНКОСИ ЭГЧ: Одоо яв, хүү минь. Чамд хийх зүйл маш их байна!