Мөнгөө зөв зохицуул

Тунгаан бод:Мөнгөө зөв зохицуулах нь яагаад хэцүү атлаа чухал байдаг вэ?

Үз: “Эхлээд хийх ёстой зүйлээ хийе!” (“First Things First!” видео бичлэгийг үзэх боломжгүй бол дараах хуудсыг уншина уу.)

Ярилц:Та энэ хүүхдүүдээс юу сурсан бэ? Бид яагаад мөнгөндөө тааруулж зарцуулах хэрэгтэй вэ? Бид яагаад мөнгөө хадгалах хэрэгтэй вэ?

Унш: Бүх зүйл аюулгүйгээр хураагдсан (All Is Safely Gathered In) хэлсэн үг; Сургаал ба Гэрээ 104:78 (баруун гар талд байгаа).

Дасгал: Та бусдад илүү сайн үйлчлэхийн тулд мөнгөө зөв зохицуулж болох дөрвөн алхмыг доор оруулав. Эдгээр алхмыг уншина уу. Үүнийг хэрхэн өөрсдийнхөө хэвшил болгож чадах талаар бүлгээрээ ярилц.

❶

Шаргуу бөгөөд ухаалаг ажилла

Та өдөр бүр шаргуу ажилладгаа ажил олгогчдоо харуул. Өөрийнхөө үнэ цэнийг батлан харуул. Үнэнч бай.

❷

Аравны нэг ба өргөлүүдээ төл

Та өөрийн гэсэн мөнгөтэй болсон үедээ эхлээд аравны нэгээ төл. Тэгвэл Бурхан таныг адисалж чадна.

❸

Олж байгаагаасаа багыг зарцуул

Төсвөө зохио. Орлого, зарлагаа тэмдэглэ. Өрнөөс зайлсхий. Илүү орлого ол. Олж байгаагаасаа багыг зарцуул.

❹

Өдөр бүр мөнгө хуримтлуул

Илүү амар тайван, илүү эрх чөлөөтэй болохын тулд өдөр бүр мөнгө хадгал.

Амлалт: Энэ долоо хоногийн турш дараах үйлдлийг хийх амлалт өг. Даалгавруудаа дуусгаад, нүднүүдийг тэмдэглэ:

Өдөр бүр мөнгөө зөв зохицуулах дадлага хий.
Энэ зарчмыг гэр бүлийнхэндээ заа.
Өмнөх суурь зарчмуудаа үргэлжлүүлэн давтан хий.

Зохицуулагчид өгөх зөвлөгөө

Хэн нэгнийг эдгээр зарчим гэр бүлийг нь хэрхэн адисалсан талаар хуваалцахад урь.

Эхлээд хийх ёстой зүйлээ хийе!

Видео бичлэг байхгүй бол дүрүүдийг сонгож, энэ эхийг уншина уу.

Зураг

охин хүү хоёр

ТОХИРУУЛ: Эцэг эх болж жүжиглэж байгаа том хүний хувцас өмссөн эрэгтэй, эмэгтэй хүүхдүүд.

ХҮҮ: Хонгор минь, би ирлээ.

ОХИН: Гэртээ тавтай морил. Хонгор минь, чи ядарсан харагдаж байна.

ХҮҮ: Чи ч гэсэн. Чи их ажиллаа юу?

ОХИН: Тийм ээ, бид бүгдээрээ л ажиллах хэрэгтэй шүү дээ?

ХҮҮ: Би өнөөдөр 10-ыг олсон.

ОХИН: Өө, ямар сайхан адислал вэ. Эхлээд хийх ёстой зүйлээ хийе. Аравны нэгээ төлцгөөе?

ХҮҮ: Бидэнд хангалттай мөнгө байхгүй шүү дээ?

ОХИН: Эндээс л итгэл бий болдог!

ХҮҮ: За, тэгээд яах вэ?

ОХИН: Тэгээд бид хоол хүнсээ, унааны тасалбараа худалдан авч, түрээсээ төлөх хэрэгтэй. Тэгээд сандал авбал ямар вэ? …

ХҮҮ: Гэхдээ бид чадахгүй шүү дээ. Хараач? Бидэнд хангалттай мөнгө алга.

ОХИН: Бид мөнгө зээлж болно шүү дээ?

ХҮҮ: Өр аюултай гэж хүмүүс хэлдэг. Бид асуудалд орж болохгүй.

ОХИН: Тийм ээ. Чиний зөв. Тэгвэл үлдсэн мөнгөөрөө юу хийх вэ?

ХҮҮ: Мөнгөө хадгалцгаая! Чи юу болохыг хэзээ ч урьдаас мэдэхгүй шүү дээ.

ОХИН: Энэ чинь зөв санагдаж байна. Гэхдээ цагаа сайхан өнгөрүүлэхэд зарцуулах юу ч үлдсэнгүй.

ХҮҮ: Бид хоёр чинь нэг хүн шиг л байгаа шүү дээ! Би илүү их орлоготой болохыг хичээнэ ээ.

ОХИН: Би арай бага зарцуулж байхыг хичээе!

ХҮҮ: Ийм замаар бид аз жаргалтай бас бие даах чадвартай байж чадна!

ОХИН: Тийм ээ! Энэ нь тийм ч хэцүү байсангүй. Томчууд үүнийг яагаад ийм хэцүү болгодог юм бол?

ХҮҮ: Өө, Томчууд ийм л хүмүүс шүү дээ!