Төгсгөлийн үйл ажиллагаа

Урагш тэмүүл, үйлчил

Тунгаан бод: Баруун гар талд байгаа судрууд болон эшлэлүүдэд хэлснээр бусдад үйлчлэн, өөрсдийгөө орхих нь үнэн хэрэгтээ биднийг хэрхэн авардаг вэ?

“Учир нь хэн өөрийнхөө амийг аврахыг хүснэ, тэр хүн түүнийгээ алдана. Харин хэн Миний төлөө өөрийн амийг алдана, тэр хүн түүнийгээ олно.”

Матай 16:25

“Та нар бусдадаа үйлчилж байгаа нь та нар зөвхөн Бурхандаа үйлчилж байгаа гэдгээ мэдэж болохын тулд буюу.”

Moзая 2:17

“Материаллаг болон сүнслэг байдлын хувьд бие даах чадварын аль алиных нь зорилго нь хэрэгцээтэй хүмүүсийг өргөн дэмжих чадвартай байхын тулд өөрсдийгөө өндөр түвшинд гаргах явдал юм.”

Робэрт Д.Хэйлс, “Өөрсдийгөө таньж мэдэх нь: Ариун ёслол, ариун сүм, үйлчлэлийн золиослол” Ensign эсвэл 2012 оны 4-р сарын Ерөнхий чуулган, 35

Унш:Та Миний Суурь товхимлыг дуусгасан учир бид таныг 7-р зарчим дээрх ерөнхийлөгч Угдорфын хэлсэн зөвлөгөөг дахин бодож үзэхэд урьж байна. Ерөнхийлөгч Угдорф:

“Амь бие хайргүй үйлчилж, бүхнээ зориулах нь бидний сэтгэл санааг ариусган, сүнсний мэлмийг нээж, тэнгэрийн үүдийг дэлгэж өгдөг. Бид хэн нэгний залбирлын хариу болсноороо өөрсдийнхөө залбирлын хариуг авдаг.

Дийтр Ф.Угдорф, “Дамаск орох зам дээр хүлээн сууна,” Ensign эсвэл 2011 оны 4-р сарын Ерөнхий чуулган, 77

Ярилц:Бусдад үйлчлэх нь та нарын амьдралд хэрхэн “тэнгэрийн цонхнуудыг” нээж чадах вэ?

Миний гэр бүл товхимол

Дасгал:Бүлгийнхэнтэйгээ эсвэл гэр бүлийнхэнтэйгээ хамт дараах зүйлсийн аль нэгийг хийх төлөвлөгөө гарга:

1. Орон нутагтаа үйлчлэх төсөл хэрэгжүүл. Та нар эмнэлэгт байгаа өвчтэй хүн дээр очиж үйлчлэл хийх, асрамжийн газар хоол хүнс аваачиж өгч эсвэл өөр үйл ажиллагаа сонгож болно.

2. Гэр бүлийнхэнтэйгээ хамт хамгийн ойрхон Сүмийн гэр бүлийн түүхийн төв дээр оч. Миний гэр бүл: Биднийг нэгтгэдэг түүхүүд товхимлыг ашиглан гэр бүлийн түүхээ бэлд. Тэгээд ариун сүм рүү явж, нас барсан гэр бүлийнхээ гишүүдийн төлөө ариун нандин ёслолуудыг гүйцэтгэ.

3. Бие даах чадвар хөгжүүлэх төвд сайн дураараа ажилла эсвэл бүлгийн зохицуулагчаар үйлчил. Хэн нэгнийг өөрөө хичээж бие даах чадвартай болох замд нь зааж, зөвлө.